អាជ្ញាធរ​កម្ពុជា​កាល​ពី​សប្ដាហ៍​មុន បាន​ចាប់​ខ្លួន​យុវជន​ការពារ​បរិស្ថាន​ចំនួន​៣​រូប​បញ្ជូន​ទៅ​កាន់​តុលាការ ដោយ​ចោទ​ថា​បាន «បង្ក​ឲ្យ​អសន្តិសុខ​សង្គម»។ នេះ​មិន​មែន​ជា​លើក​ទី​មួយ​ទេ ដែល​យុវជន​ការពារ​បរិស្ថាន​ត្រូវ​រង​ការ​ចាប់​ខ្លួនបញ្ជូន​ទៅ​កាន់​តុលាការ ដោយ​សារ​តែ​សកម្មភាព​ដែល​ពួក​គេ​ធ្វើ​ដើម្បី​បរិស្ថាន​។ ​ការ​ចាប់​ខ្លួន​សកម្មជន​បរិស្ថាន​ជា​បន្ត​បន្ទាប់​ពី​សំណាក់​អាជ្ញាធរ​កម្ពុជា​យ៉ាង​ដូច្នេះ មិន​ត្រឹម​តែ​មិន​ផ្ដល់ផល​ចំណេញ​ដល់​រដ្ឋាភិបាល​ប៉ុណ្ណោះទេ​ ប៉ុន្តែ​​ផ្ទុយ​ទៅ​វិញ វា​បាន​បង្ក​ការ​ខាត​បង់ និង​ជះ​ឥទ្ធិពល​មិន​ល្អ​ដល់​ស្មារតី​នៃ​ការ​ចូលរួម​របស់​យុវជន​ក្នុង​ការងារ​សង្គម​ថែមទៀត​។