នៅ​ក្នុង​សង្គម​ប្រជាធិបតេយ្យ មតិ​រិះគន់​មាន​តួនាទី​សំខាន់​ណាស់​ក្នុង​ការ​ឆ្លុះ​បញ្ចាំង​នូវ​ចំណុច​ខ្វះ​ខាត​របស់​អ្នក​នយោបាយ។ ការ​ស្ដាប់​​និង​ទទួល​យក​មតិ​រិះគន់​ទៅ​ពិចារណា​គឺ​ជា​មធ្យោបាយ​ដ៏ល្អ​ដែល​អនុញ្ញាត​ឲ្យ​​​អ្នក​នយោបាយ​អាច​ឈាន​ទៅ​កែ​លម្អ​ខ្លួន​ឯង​ឲ្យ​បាន​កាន់​តែ​ប្រសើរ​ជាង​មុន​។ យ៉ាង​ណា​ក៏​ដោយ នៅ​កម្ពុជា អ្នក​នយោបាយ​ខ្មែរនៅ​តែ​មិន​ទាន់​មាន​ទម្លាប់ស្ដាប់​ឬ​ទទួល​យក​ការ​រិះ​គន់​ពី​សំណាក់​សាធារណជន​ទូទៅ​នៅ​ឡើយ​។