និន្នការ​នៃ​ការ​ធ្វើ​សកម្មភាព​ដើម្បី​ជួយ​គ្នា​ក្នុង​សង្គម​ខ្មែរ បាន​លេច​ត្រដែត​ឡើង​ជា​ថ្មី​ម្ដង​ទៀត នៅ​ពេល​ដែល​ជំងឺ​កូវីដ​១៩​កំពុង​តែ​រាត​ត្បាត​ក្នុង​សហគមន៍​។ ក្នុង​នោះ គេ​សង្កេត​ឃើញ​ថា ទាំង​រដ្ឋាភិបាល​កម្ពុជា និង​ក្រុមហ៊ុន​ឯកជន ព្រម​ទាំង​ពលរដ្ឋ​មួយ​ចំនួន បាន​នាំ​គ្នា​ធ្វើ​សកម្មភាព​សង្គម​តាម​រយៈ​ការ​ចែក​អំណោយ​ជូន​ជន​ក្រ​ខ្សត់​។ នេះ​ស​បញ្ជាក់​ឲ្យ​ឃើញ​ថា សាមគ្គី​ភាព​ក្នុង​សង្គម​ខ្មែរ​មិន​ទាន់​បាត់​បង់​ទៅ​ណា​ទេ​។