​វិបត្តិកូវីដ​១៩​ដែល​ផ្ទុះ​ឡើង​នៅ​ទូទាំង​ពិភពលោក​នៅ​ឆ្នាំ​២០២០​នេះ ធ្វើ​ឲ្យ​សកម្មភាព​ទេសចរណ៍​ទៅ​ក្រៅ​ប្រទេស​របស់​ពលរដ្ឋ​ខ្មែរ ​ត្រូវ​ជាប់​គាំង​​។ នេះ​គឺ​ជា​មូលហេតុ​ដែល​ពលរដ្ឋ​កម្ពុជា​នាំ​គ្នា​រុក​រក​កន្លែង​ទេសចរណ៍​ថ្មី​ៗ ដើម្បី​ទៅ​លេង​កម្សាន្ត​។ ក្នុង​ចំណោម​ទីតាំង​ទេសចរណ៍​ទាំង​នោះ តំបន់​អេកូ​ទេសចរណ៍​ក៏​ជា​គោលដៅ​សំខាន់​មួយ​ដែរ​សម្រាប់​ប្រជាពលរដ្ឋ​កម្ពុជា​។ ការ​ថែ​រក្សា​តំបន់​អេកូ​ទេសចរណ៍​នៅ​កម្ពុជា មាន​សារៈ​សំខាន់​ណាស់ ព្រោះ​វា​ជា​ប្រភព​ចំណូល​ដល់​ពលរដ្ឋ​នៅ​ក្នុង​តំបន់ និង​ពិសេស​ជាង​នេះ វាអាច​រួម​ចំណែក​ថែ​រក្សា​ធនធាន​ធម្មជាតិ​នៅ​កម្ពុជា​បានប្រកប​ដោយ​ប្រសិទ្ធភាព​។