December 03, 2025

E miijo mon ko honɗum wonata battane ngol follugol Marc Brys eltoowo diɗɗal fuku-koyngal Kamerun e ɓalɗe seeɗa ado foolotiro "can" fuɗɗaade?

19 minutes

Hannde e alarba ñannde 3, 12ɓuru, yewtere men no nawra en Kamerun. Pooɗondiral ɓooyungol hakkunde fedde tammbitiinde fuku-koyngal no wi’ee FEKAFOOT e jaagorgal halfinaanga coftal ɓanli Kamerun jibinii alhaali keso. Balɗe caggal nde o suɓitaa laawwol gonngol e hooreeyaaku fedde FEKAFOOT, Samuel Eto'o, ittii Marc Brys eltoowo diɗɗal ngenndi Kamerun Ɗum waɗii e saayi mo foolotiro CAN yuɓɓinteengo Marok habbaa e nder jonnte tati. Lurral hakkunde ɓee hooreeɓe ɗiɗo to baŋŋe fuku-koyngal no anndaa ɓooyi, gila jaagorɗo Kamerun toppitiiɗo coftal ɓalli suɓii Marc Brys ko elta diɗɗal Kamerun heɓii lebbi 18. Ko holno taskorɗon pellital Samuel Eto'o jippingol Marc Brys e hooreyaaku diɗɗal Kamerun, lomtinira mo David Pagou wonnooɗo cukku makko? Tawu si ngol toɗɗagol eltoowo keso e ɓatto foolotiro CAN Marok waɗii e saayi haanuɗo? David Pagou, eltoowo keso oo nde toɗɗaaɗo tun yaltinii doggol fijooɓe tawtorteeɓe ka CAN. Doggol ngol innde fijooɓe ɓattiiɓe eltoowo riiwaaɗo Marc Brys tawaaka. Hino jeya e maɓɓe Choupo-Moting, André Onana, e Vincent Aboubakar.

E miiji mon taw si yiltugol ɓee fijooɓe e ɗee kawondire CAN battinay e tiindondire diɗɗal Kamerun?

Ko holno njiiruɗon arsike David Pagou e waawude nawrude yeeso diɗɗal ngenndi Kamerun ?

...more