大浪及鹹田兩條百年古村內，部分古蹟被人拆咗成年，但古諮會前幾日先開會評級，會上竟然隻字不提拆樓事件？其實10年前已經傾好咗成條村整體評為一級，點解宜家又建議「分拆評級」？過往「分拆評級」嘅古蹟有咩下場？單計名單內排緊隊待評約嘅古蹟都成百幾個項目，但班委員一年先開四次會確認評級？加上就算評咗做一級，對個古蹟法律上都無乜保護，點解都可以咁被動同嘆慢板？今集有現場旁聽會議嘅研究員同你傾下，到底古諮會委員諗緊啲乜，古蹟辦又做漏啲乜？香港仲有幾多古蹟會好似大浪同鹹田咁被「拖而分之」，偷步扑爛？