『五光十色』嘅立會開鑼，但主角唔係立法會議員，而係係度熱身準備跑馬嘅林鄭。第一次特首答問大會，議員都未問問題，林鄭已經反客為主，先花5500字篇幅講述跨越佢任期嘅執政藍圖：拆新「房屋局」、北部都會區快馬加鞭「精簡」城規環評程序、放寬祖堂地....但呢啲措施無一正中土地房屋危機核心。「跑馬仔」、「分餅仔」嘅遊戲規則下，公眾利益被邊緣化，土地房屋問題只會進一步惡化。