ESPERTA VALLADARES

Inda nos quedan cousas por aprender das plantas, César Lema contounos algunha cousiña máis. E xa que no verán baixamos o ritmo, conversa pausada con César, o director da Unión Musical de Valladares. Un repaso pola súa traxectoria, dende os seus inicios na banda ata chegar á dirección. E algo de axenda cultureta.

Sentamos un ratiño na terraza do Vitruvia, coñecer a súa historia, os proxectos nos que andan metidos, as exposicións que acollen… Ademais falamos de viño con Luis Congil, que escribiu da súa historia en Galicia, que se remonta a máis de 2000 anos. E celebramos os 35 anos de Atlántico Diario.

Veña, que é mércores, e temos deportes. Falaremos de atletismo coa xente do Comesaña Sporting Club. Coñecemos a historia detrás de Hera Cider e imos ata Meder, onde se atopa unha alfareiría tradicional, Alfarería Añón.

O río Barxa, que nun tramo circula paralelo á estrada Clara Campoamor, garda un bo feixe de herbas silvestres. Das comestibles falamos co biólogo César Lema.

Se preferides un libro e sentarvos a ler, imos ata Libraida, en Gondomar. E agora que estamos no verán, imos facer turismo, que xa os romanos tamén ían de vacacións! E hai un libro ben divertido para coñecer os seus destinos: 'Hotel Roma'.

Volve o verán que todos lembramos! E tamén as festas, como a do Alba, na que xa están a traballar. Ademáis, imos ver como van os campamentos que xa están en marcha coa xente de Inquedanzas. Aprendizaxe, saúde e natureza en Cans e mais en As Pedriñas (Tameiga).

E logo, un paseo pola N-550. Un grupo de arquitectos revisan o urbanismo dende as súas peculiaridades, o que non lles ensinaron na escola de arquitectura, pero que é o que funciona na vida cotidiana da xente.

San Xoán!!! Rituais co lume, hainos no inverno pero tamén no verán, explícanolo o antropólogo Rafa Quintiá. Pero as fogueiras… mellor respetando o medio ambiente. E para iso está en marcha o proxecto #sanxoansenlixo. Se preferides o monte, proposta en Freixo, que celebran ao patrón.

Remata o curso… tamén as tempadas deportivas. Falamos de patinaxe con Tamara Valderrama sobre o CLUB Patinaxe Artística Valladares (xoves ás 19:30 fan exhibición no pavillón). Ademáis, achegámonos ata Beade, onde nos espera a plataforma Avibe, Afectados Vial Beade-Vigo. E a piques de chegar ao San Xoán, flores e plantas da man dun experto, Francisco Javier Silva, profesor do Centro de Investigación Forestal de Lourizán.

Un paseiño pola Fundación Sales, un recuncho onde escapar do ruido da cidade. Outra opción é ir de museos e, xa que nos gustan os pequeniños, imos ata o Museo Anfaco de la Industria Conservera. E despois… algunha pedra atopamos sobre a que falar, as da Catedral de Ourense.

Tocar un instrumento está moi ben pero, ás veces, toca esperar para entrar nas pezas… iso levou a Isabel Rubio a probar na dirección. A xente de Dance Academy Vigo cóntanos que tal por Alemaña e marchamos cara o Parque Nacional das Illas Atlánticas de Galicia que están de 20 aniversario.

Último día da nosa visita ao instituto. Hoxe celebraban o I Congreso Interxeneracional de Saúde e abriron as portas, non só a nós. Pola radio volveron profes e alumnos, pero tamén Carlos Spuch, neurocientífico e co-titor no StemBach ou Juan Carlos Rodríguez, presidente de Afaga Alzheimer.