Eth maitin d'Aran

Era actualitat dera Val d'Aran en aranés. Es Pompièrs d'Aran an trabalhat en dus huecs forestaus en tuc dera Salana e Montpius. Salardú acuelh deth 7 ath 9 d'agost, ua naua edicion de Sons dera Garona, un hèstau que combine musica, teatre, patrimòni e cultura occitana.

Era actualitat dera Val d'Aran en aranés. Aguesta dimenjada arribe era edicion 13 de 'Era nocturna de Vielha' ua propòsta atletica damb opcions entà toti es publics. En Vilamòs duasua edicion dera jornada OVIHUEC que combinarà divulgacion damb charrades d'especialistes dera Universitat de Lleida, der IRTA e dera Associacion Aran pera Natura e hèsta damb un dinar popular elaborat damb anhèths d'OVIHUEC e recuperam eth capitols 31 de "Sons Occitans", "Què opinave Dante Alighieri der occitan?".

Era actualitat dera Val d'Aran en aranés. Vielha impulse un plan entà controlar es colònies de gats de carrèr damb eth metòde CER -captura, esterilizacion e retorn-. Era futbolista aranesa Laura Riquelme aurà de passar peth quiròfan dempús de patir un trincament deth ligament crotzat anterior deth jolh dret. Dempús deth GP d'Ongria, Mari Boya afronte era arturada der ostiu dera Fórmula 2 entot reconéisher que passe per un moment compicat. En vos aufrim un nau capitol deth "Cimalh de Dòn Quishòt".

Era actualitat dera Val d'Aran en aranés. Lengua Viua reclame mès usatge sociau der aranés ena 32au Corsa Aran per sa Lengua e reconeish Sarabat damb eth Prèmi 2026. Recuperam era entrevista damb sarabat entot parlar deth disc "Moria quin sarabat".

Era actualitat dera Val d'Aran en aranés. Era Generalitat invertís mès de 8 milions d'euros en ua intervencion d'emergéncia entà estabilizar era C-28 en Pòrt dera Bonaigua, Es òbres que ja son en marcha, s'alongaràn un an mentre se manten eth pas alternatiu. Ena Val d'Aran s'a documentat era preséncia de dues osses damb 3 cadèths cadua. Un het inèdit en Pirenèu, que confirme era qualitat der abitat e era progression dera espécia. Aué recuperam un des reportatges que vos aufrirem eth mes de hereuèr. Parlam deth Casal Online, un servici que permet as persones granes que non pòden desplaçar-se participar en activitats en dirècte des de casa.

Era actualitat dera Val d'Aran en aranés. Eth Conselh Generau d'Aran e es nau ajuntaments an presentat ua allegacion conjunta contra eth PLATER. Vielha acuelh aguest dimars, 28 de juriòl, ua naua jornada de donacion de sang e plasma, organizada pera Associacion de Donants de Sang dera Val d'Aran. Eth doctor Juan Manuel Sánchez, cap deth Banc de Sang e Teishits der Espitau Arnau de Vilanova de Lhèida, explique en Eth maitin d'Aran qu'er ostiu ei un des periòdes mès complicadi der an, pr'amor qu'es donacions baishen fòrça. E tanben recuperam eth capitol 5 de 'Eth hiu der Archiu'. Aué, bandits, assassins e represalies: es ahèrs que meteren ara Val d'Aran en judici. Tanben plantejam un nau 'Mot horaviat der ostiu'.

Era actualitat dera Val d'Aran en aranés. Auem parlat damb Mateo Arias, que siguec ordenat diague aguest dimenge ena glèisa de Sant Miquèu de Vielha. Mossén Mateo Arias explique en "Eth maitin d'Aran der ostiu" com viuec era sua ordenacion e parle des sòns projèctes entara Glèisa aranesa. Recuperam eth capitol 19 de "Sons occitans", a on descorbim a Lou Daufin.

Era actualitat dera Val d'Aran en aranés. Era Val d'Aran recupère es granes subhastes de husta, damb 14.000 tones previstes enguan, era chifra mès nauta des darrères decades. Mari Boya torne a puntuar ena Formula 2 en Spa e ja premanís era cita d'Hongria. "En cimalh de Dòn Quishòt", un nau capitol damb eth governador Sancho, que torne a sorpréner damb ua senténcia engenhosa. E recuperam era convèrsa damb er esquaire Marc Ubeira Cierco de valoracion dera sason passada.

Era actualitat dera Val d'Aran en aranés. Dues notícies d'actualitat sus eth Parc Nacionau d'Aigüestòrtes e Estanh de Sant Maurici que complien en 2025 setanta ans, mos ajuden a explicar eth passat e eth futur. D'un costat, era ampliacion prevista reforçarà era proteccion d'espacis naturaus en Aran e ath conjunt deth Pirenèu. Der aute, ua investigacion arqueologica confirme que fòrça abans dera sua declaracion coma parc, aguestes montanhes ja èren abitades de forma continuada hè mès de 10.000 ans.

Era actualitat dera Val d'Aran en aranés. Era Corsa Aran per sa Lengua torne aguest dimenge damb era volontat de reivindicar er usatge quotidian der aranés e de hèr país. Nauem parlat damb era presidenta deth collectiu Lengua Viua, Immaculada Caubet. Ath delà, era associacion ADÒC, que premanís un programa pilòt tà television, profite era hèsta dera lengua tà plaçar ua camèra e enregistrar as vesins de Bossòst e Vielha entot demanar-les sus diuèrsi ahèrs.