Eth maitin d'Aran

Era actualitat dera Val d'Aran en aranés. Era Val d'Aran a presentat tres projèctes d'innovacion digitau basadi en dròns e realitat immersiva entà melhorar era seguretat, era logistica e era promocion deth patrimòni. Es iniciatives, desvolopades per empreses araneses, s'impulsen en marc der Airau Digitau Aran. E recuperam un des capitols d'"Eth hiu der Archiu" tà conéisher a ua auta familia de marchands de Sent Biat, es Lagarde, e eth senhor de Bésins, que pleidejaran contra Aran. Un còp mès, es sòs e es deutes, protagonistes...

Era actualitat dera Val d'Aran en aranés. Era Generalitat impulsarà milhores ena C-28 e ena C-142B entà milhorar era seguretat viària, dempús des reclamacions deth Govèrn d'Aran e des accidents recents de ciclistes. Era bicicleta serà era gran protagonista dera dimenjada ena Val d'Aran, damb era Vielha Cycling Tour e eth II Trofèu Naut Aran. Era Trail Vielha-Molières 3010 deishec fòrça protagonisme aranés, damb era victòria de Belen Barés ena Montpius Skyrace. Mari Boya afronte ua naua fin de setmana de competicion ena Formula 2 en circuit belga de Spa-Francorchamps.

Era actualitat dera Val d'Aran en aranés. Era EMD d'Arties e Garòs a decretat mesures de restriccion en usatge der aigua tà adaiguar uarts e jardins a sonque ua ora diària entà poder garantir eth subministrament bàsic as sòns vesins. Era fotbolista aranesa Laura Riquelme a fichat peth Sion femenin suis damb er objectiu de lutar per un nau ascens. Pendent es mesi de juriòl e agost, eth "Cimalh dera lengua nòsta" que se transfòrme en "Cimalh de Dòn Quishòt", un cornèr lietari tà dar a conéisher es aventures de Dòn Quishòt, damb un tastet de 3 capitols dera segona part, dera qu'ara se'n hè era traduccion a cargue d'Antòni Nogués e Jusèp Loís Sans.

Era actualitat dera Val d'Aran en aranés. Eth Conselh Generau barre temporaument es barbacòes des airaus de léser peth naut risc d'incendi. Eth Govèrn d'Aran a condicionat un nau tram dera rota ciclable TransGarona entre eth Pònt deth Lop e eth Camin de Camon. Aguesti dies se complissen trenta ans deth Doctor Music Festival. Escalarre se convertic pendent tres dies ena capitala dera musica en viu pera on passèren milèrs de persones entà gaudir d'artistes com David Bowie, Lou Reed, Patti Smith o Bob Dylan que se lotjauen ena Val d'Aran.

Era actualitat dera Val d'Aran en aranés. Er Institut Escòla d'Ostaleria de Les ampliarà era sua aufèrta de formacion professionau eth cors que ven damb un nau cicle de grad miei d'Atencion a Persones en Situacion de Dependéncia mentre qu'eth Centre de Formacion d'Adults de Vielha impartirà tanben classes d'aranés entà adults, enes nivèus A1, A2 e B1. Recuperam era conversa damb eth lingüista nord-american Ryan Furness, impulsor deth conjugador de verbs en aranés en linha e autor de diferents diccionaris com eth d'aranés-anglès.

Era actualitat dera Val d'Aran en aranés. En Aran, pendent ua setmana, gràcies as colònies dera Associacion Contra eth Càncer de Lhèida, 95 mainatges damb càncer de diferenti lòcs der Estat deishen d'èster pacients entà tornar a èster mainatges. En "Eth hiu der Archiu", aué repassam es capitols dedicadi ath mosquetièr Exuperi Bartier, qu'eratue es deutes de sa pare damb era Val d'Aran.

Era actualitat dera Val d'Aran en aranés. Era Trail Vielha-Molières 3010 celèbre era 9au edicion damb es 3 distàncies de tostemp, era maraton deth Molières, era mieja deth Montpius e era Tuca Trail e entot puntuar entath circuit Unit Trail. En pòdcast Sons occitans aué Anna Geli se demane: 'Existís eth rap occitan?'

Era actualitat dera Val d'Aran en aranés. Eth freeride ja ei olimpic. Eth Comitè Olímpic Internacionau a confirmat qu'era disciplina formarà part des Jòcs d'Iuèrn des Aups Francesi 2030. Escoltam es valoracions de May Peus, Xavi Ubeira, Aymar Navarro e deth rider aranés Abel Moga. En motor Mari Boya marche de Silverstone esperançat damb es milhores en coche abans de Spa. Era 8au edicion dera Hard Bike de BTT arribe damb ua propòsta mès relaxada, sense classificacions, e damb naui traçats pes sendèrs deth país que portaran as participants tara Entecada, era Tuca o Baqueira.

Era actualitat dera Val d'Aran en aranés. Eth departament de Territòri se compromet a non barrar eth Pòrt dera Bonaigua pendent es òbres que s'haràn de her ena C-28 per esbauçament d'aguest iuèrn passat. Ara era circulacion ei restringida a un carril, damb pas alternatiu. Era Tocineria Casasnovas torne a daurir damb un relèu ath capdeuant. Son Ivan Tort e Laura Marina, que ath delà de mantier es receptes, tanben sauven eth nòm e era mèrca comerciau.

Era actualitat dera Val d'Aran en aranés. Era Pedals de Foc Non Stop ja a era sua pròpria banda sonora. Keith Kirwen mos explique com a creat un disc sencer damb era ajuda dera intelligéncia artificiau. E recuperam era convèrsa damb er escrivan Eric Marquez Delaurens tà parlar dera sua novèlla "La venganza de Margarita".