Faggudu e ɓamtaare Afrik

E ndee yontere men Faggudu e Ɓamtaare Afrik, keddotoɗen e nduu lewru teddiniraandu hakkeeji rewɓe, kaalen  ko faati e ɓee rewɓe remooɓe. Ko noone dimɗe honɗe walla teɓateeri honndi ɓee rewɓe remata? Ko woni golle maɓɓe e ɗee gese ? Holko ɗum waawi ɓeydude e Faggudu leyɗele ɗee ? Ngam yewtude e dow ndee toɓɓere en njaɓɓiima  Aysatu Bah, hooreejo kawtal rewɓe remooɓe no wi'ee "Jinnga Foli" Ɓee ko remooɓe kecci (teɓateeri). Ummu Jallo, ko ɓiɗɗo Burkina Faso, ko o aawoowo puupi leɗɗe. Boolo Basum waɗuɗo ko ɓuri duuɓi 30 Faransi artii Afrik. Omo ñiiɓi rewo Senegaal, ko ton o remata. Faadare makko ko njertinde sukaaɓe rewɓe e worɓe fii yo ɓe jokku golle. Heɗiiɓe Rfi Fulfulde, ko nii woni mbaadi yewtere taskaram men, Faggudu e Ɓantaare AfriK hannde.

Tedduɓe heɗiiɓe Rfi Fulfulde daaɗe adunaaru on calminaama. Bismilla mon e taskaram men Faggudu e Ɓamtaare Afrik. Toɓɓere yeewtere men hannde ko caɗeele ɗe rewɓe njogii ko faati e dañugol kaalisi ngam waawude darnude faggorɗe maɓɓe jawle e   eɓɓooje ɓamtaare. Teskaama e leyɗe ɗuuɗuɗe wonnde, tiiɗallaaji no ngoodani rewɓe ɓen e oon fannu. En yewtidan e yogo e maɓɓe. Ndokken konngol gooto e haralleeɓe faggudu, o haalana en ko woni sababuuji ndeen satteende e pehe kaanɗe ɓameede.

Tedduɓe heɗiiɓe rfi fulfulde, on calminaama, on njettaama, Bismillah mon e kaa taskaram men faggudu e ɓamtaare Afrik. Hannde yeewtere men nden no yewiti e alhaali ngartam maa mi wi'a nafa to banŋe faggudu mo ndee luunde alliyankoore mawnde noddirteende "Daaka" ngal tummbondiral mawngal ko waɗayngal hitaande kala  to wure wi'eteengo mediina Gunaas, diiwal Kolda e nder Senegaal. ko tummbondiral ngal balɗe sappo, footinndinayngal yimɓe ɗuuɗuɓe iwruɓe gila e senegal e leyɗe taariiɗe ɗen. ko holɗum oo daaka waawi battinnde e faggudu Senegaal? Ngam heɓude ko laaɓi e mum en yewtidii e yahuɓe taweede e daaka on. ko nii woni mbaadi yewteere taskaram men Faggudu e Ɓantaare AfriK. Bismilla mon e heɗagol

E oo taskaram hannde kaalenten ko alhaali nehugol (ne'ugol) gerto. Taskaama wonde ne'ooɓe gorto no ɗuuɗi jooni. Holnde nafoore tawetee e ɗee golle ? Holko ɗum waawi ɓeydude e faggudu leyɗe Afrik ? Ko honɗe e caaɗeele dillooɓe e mum jogii?Ngam njaabade ɗe namɗe, koɗomen ko Aminata Baalde hertoriɗo faggudu e fannu dema.  Aamadu Muusa Soh, ko ne'oowo gerto ? Mariyam Mangara ko comotooɗo gerto yeeya ?Heɗiibe RFI Fulfulde, ko ndee woni toɓɓere taskaram men, Faggudu e Ɓantaare AfriK.

E ndee yonteere ɗoo e taskaram men Faggudu e Ɓamtaare Afrik, haalata ko alhaali golle rewɓe jukkuɓe. Holno ɓee rewɓe ngoni e gollirde ? Holko ɓe waawi ɓeydude e Faggudu leyɗele? Ko woni tiɗɗaalaaji maɓɓe e nder ɗe golle maɓɓe ? Ngam jaabaade ɗee lamnde eɗen jaɓɓii Masuud Bari, ko jukkuɗo, jannguɗo faggudu to jaaɓi hattirde Lansana Konte Sonfoniya. Kanko woni hooreejo fedde walloore jukkuɓe. Sonna Masuud Bari no tawaa e sarɗinkooɓe laamu faddewu Gine. Heɗiibe Rfi Fulfulde, ko nii wonni mbaadi yewtere taskaram men, Faggudu e Ɓantaare AfriK hannde.

Tedduɓe heɗiiɓe, on caalminama. On njettaama e jokkude e heɗaade Rfi Fulfulde.  E ndee yonteere e taskaram men Faggudu e Ɓamtaare Afrik, kaalaten ko alhaali kuule e sarɗiji waɗaaɗi ko faati e ndema kakawo. Ɗum ko ngam wallude remooɓe ɓee. Caɗeele taskaama haa tinkti e ɗii sarɗiiji. Ko ɗum saabi kanŋkeere awdi kafe no wi'e ''Feves'' teskii. Yeeyooɓe caagal leydi ndin no jogori heɓude caaɗeele saabu kanŋkeere fodde ujune150 awdi kafe. Ko ɗum waawi battinnde e remooɓe ɓee ? Battane mum kadi e holaare hakkunde Yeeyooɓe caagal leydi ndin e soodooɓe oo kakawo? Ko ɗum waawi battinnde e Faggudu leyɗe ɗee? Ngam jaabaade ɗee namɗe nultondiraaɗo men Abijan waɗanii en jantoore e dow o alhaali. En jewtidan kadi e gooto e yaltinowo kakao yaasi leydi ndii. Yankoba JARA, ko tawaaɗo e pelle remooɓe Kakawo. Koɗo men ko Usmaan JAMAD, fagguduyankeejo hertoriɗo o alhaali. Heɗiibe Rfi Fulfulde, ko ni woni mbaadi yewtere taskaram men, Faggudu e Ɓantaare AfriK hannde.

Heɗiiɓe RFI fulfulde min bismima on e nder taskaram faggudu e ɓamntaare Afrik. Faandaare faggudu e ɓamtaare Afrik, ko faaminde on, no leyɗe fewndori to baŋŋe jawle, ɓamtal e saɗteende walla caɗeele ko yowitii e ɓamtaare Afrik. E kaa taskaram , kaaleten ko ko faatii e alhaali rafi ndeenaagu teskaangu e nder nokkuuji assirɗi kanŋe walla oogirɗe. Holko saabii o rafi ndeenaagu jaaliigu e nder oogirɗe ɗen? Holko ɗum waawi battinnde e faggudu leyɗele men ? Holko saabi. Ko woni pehe ɗe laamuuji jogii ngam safrude ɗee caaɗeele ? Ko woni nafa ogirɗe e nder faggudu leyɗele ɗee ? Ngam jaabagol ɗee lamnde hiɗen jaɓɓii Mansur Siise, enjenierjo (Ingénieur) Burkinaajo tawaɗo e pelle ndaraniiɗe  gollooɓe e ɗii sosiyeteeji. Muusa Seydu Jallo, ko njaayndeyankejo wittowo e faggudu to banŋe oogirɗe. En heɗoto kadi Jeynaba Koyvogi jooɗiiɗo Gine, ko hooreejo fedde rewɓe daraniiɓe  jam e ɓamtaare. Ko o ndaraniiɗo rewɓe golloɓe e oogirɗe e nder lagine.

Tedduɓe heɗiiɓe rfi fulfulde, bismilla mon  e oo taskaram Faggudu e Ɓamtaare Afrik. Hannde en kaalan ko yowiti e njillu Afriknaaɓe e nder leyɗe men woɓɓe no wi'a ɗum marta kumpa, e faransi "tourisme" Holko marta kumpa wallaTurism, waawi ɓeydude e Faggudu leyɗeele ɗee ? Ko peeje holɗe hooreeɓe men haani ɓamude ngam wallude gollooɓe e banŋe Turism oo? Rafi Koronawiris battinii ko heewi e ɗee golle, ko woni darnde dilloɓe e mum? Ngam yewtude e ndee toɓɓeere, nultodiraɗo amen mo Benen waɗanii en Jantoore e hoore e mun. Maa en keɗoo  Aminata Jah, jooɗiiɗo Tambakunda, fudnaage Senegaal waɗuɗo duɓɓi nogas e ngal meccal. Haamidu Jogo BAH, ko halfinaaɗo golle ''Turism'' e nder diiwal Tambakunda e Keedugu. Heɗiibe Rfi Fulfulde, ko nii woni mbaadi yewteere taskaram men, Faggudu e Ɓantaare AfriK.

Heɗiiɓe RFI fulfulde min bismima on e nder taskaram faggudu e ɓamntaare Afrik. Faandaare faggudu e ɓamtaare Afrik, ko faaminde on, no leyɗe fewndori to baŋŋe jawle, ɓamtal e saɗteende walla caɗeele ko yowitii e ɓamtaare Afrik. E kaa taskaram , kaaleten ko ko faatii e asugol kanŋe. Ko e hoɗi siifaji kaŋŋe asirtee? Ko woni golle wonuɓe e o fannu? Caɗeele taweteeɗe hen? Ngam jaabagol ɗee lamnde hiɗen jaɓɓii Idiriisa Jallo, dillowo e fannu faggudu diiwal Keedugu,fudnaange senegaal. E nder kaa taskaram en yahay kadi Gaawal diiwal Boke e nder Gine.

Limoore rewɓe gollooɓe e fannu karalle kese « Nimerik » ɓeydike ko ɗum taskaa e ɗi duuɓi sakkitiiɗi. Ngartam e nafore no woodi e ɗee golle. Heeɗiiɓe Rfi fulfulde, e nde yontere ɗoo, taskaram men Faggudu e Ɓamtaare Afrik haalata ko alhaali rewɓe gollooɓe e teknoloji kesi. Holko woni nafa maɓɓe e mum? Holko rewɓe dillooɓe e oo fannu waawi ɓeydude e ɓamtaare leyɗeele ? Ko woni caaɗeele maɓɓe e ɗee mecce heeraninooɗe worɓe. Ngam heɓude ko laaɓi e mum, en bismoto Aysata Soh, hooreejo lowre youtube no wi'ee "Kala Kalaji" . Ende hertorii yaltinnde kabaaruji yowitiiɗi e ngaynaaka. Kummba Ba kadi ko jaaydeyanke, hertoriiɗo winndunde e habrunde e dow Internet. Ko ɓuri duuɓi sappo omo tawaa e ngal meccal. Ko e maggal o wuuri.

Heɗiibe Rfi Fulfulde, ko ni wonni mbaadi yewtere taskaram men, Faggudu e Ɓantaare AfriK hannde.