Share Ferðapodcastið
Share to email
Share to Facebook
Share to X
By Einar Sigurðsson & Ragnar Már Jónsson
The podcast currently has 15 episodes available.
Í þessum þætti Ferðapodcastsins er farið til Afghanistan. Sayed er ungur maður sem kom hingað frá Afghanistan sem flóttamaður árið 2018 og hefur einstaka sögu að segja um aðstæður í heimalandi sínu og þróunina sem hefur átt sér stað. Hann hefur barist mikið fyrir réttindum flóttafólks á Íslandi og vakið athygli á ástandi fólks á þessum slóðum. Viðtalið er á ensku.
In this episode of the Travel Podcast we take a journey to Afghanistan. Sayed is a young man who came to Iceland in 2018 from Afghanistan as a refugee and discusses the situation in his homeland and the development in the recent years. He has fought for refugees rights in Iceland as well as drawn attention to the situation of the people from these areas. The interview is in English.
Myanmar, land í Suðaustur-Asíu, hefur vakið heimsathygli undanfarin misseri í kjölfar valdaráns herstjórnarinnar þar í landi og virðist ekkert lát vera á borgarlegum átökum og mótmælum sem herinn reynir að bæla niður. Einar og Ragnar fóru á stúfana og rannsökuðu merkilega sögu og pólitíska þróun landsins sem tengjast atburðum líðandi stunda þar í landi. Að auki veltu þeir fyrir sér Myanmar sem áfangastað ferðamanna. Þetta er einstaklega merkilegt og fallegt land en það er spurning hvort eða hvenær verði hægt að ferðast þarna með eðlilegu móti að nýju?
Sameinuðu Arabísku Fustadæmin (UAE) hafa á skömmum tíma náð að verða eitt vinsælasta ferðamannaland heimsins. Því er helst að þakka þóun borganna Dubai og Abu Dhabi. Einar og Ragnar hafa báðir ferðast til þessa borga, klætt sig í hvítan Arabískan klæðnað, riðið úlfalda og upplifað heim þar sem framtíðin og fortíðin skarast. Þetta og margt fleira verður umfjöllunarefni þessa þáttar Ferðapodcastsins.
Sri Lanka, eyja út af suðausturströnd Indlands, er ein magnaðasta ferðamannaperla Asíu. Þangað hafa Einar og Ragnar báðir komið en fóru þó á gerólíkar slóðir, annar upp í fjöllin en hinn á strendurnar. Þeir segja frá ævintýrum sínum á eyjunni fögru og velta fyrir sér menningu og staðháttum áfangastaðarins í nýjasta þætti Ferðapodcastsins.
Í ljósi nýliðina atburða í Bandaríkjunum ákváðu strákarnir í Ferðapodcastinu að velta fyrir sér Bandaríkjunum sem áfangastað ferðamanna, hvernig samfélagið sé byggt upp ásamt muni milli ýmissa svæða og fylkja. Þeir fengu til sín góðan félaga, Ragnar Týr Smárason, sem hefur ferðast mikið um Bandaríkin m.a. sem flugþjónn ásamt því að hafa starfað í Gyðingasumarbúðum í Pennsylvaníu, þrátt fyrir að vera ekki Gyðingur.
Í þessum þætti Ferðapodcastsins fá strákarnir til sín góðan gest, Bjart Snorrason, sem ætlar að kynna fyrir þeim Skán héraðið í Suður-Svíþjóð ásamt borginni Malmö, oft nefnd litla systir Kaupmannahafnar, þar sem hann bjó lengi. Innflytjendamál og glæpir, ferðaþjónusta á svæðinu, menning borgarinnar og Zlatan Ibrahimovic er einungis brot af því sem fjallað verður um enda hefur Bjartur margt um þessar áhugaverðu slóðir að segja.
Í þessum þætti Ferðapodcastsins fara félagarnir í jólaferð til Lapplands, heimkynni Jólasveinsins. Svæðið teygir sig yfir stóran hluta Norður-Skandinavíu og er þar að finna áhugaverða menningu Sama þjóðflokksins sem er ólík því sem við þekkjum, þó nálæg sé. Ásamt því er sterk jólatenging við svæðið sem endurspeglast í ferðaþjónustunni.
Í þessum þætti Ferðapodcastsins fjalla félagarnir um Kaliforníu fylki Bandaríkjanna. Hvort er Los Angeles eða San Fransisco áhugaverðari áfangastaður? Hvernig er náttúrufarið, sagan og menningin og hvernig er að vera ferðamaður á þessum slóðum? Er Kim Kardashian virkilega svona áhugaverð manneskja?
Í þessum þætti af Ferðapodcastinu fá strákarnir til sín frábæran gest og félaga, Jóhann Gunnarsson. Hann fer með þeim í gegnum ævintýralegt bakpokaferðalag sem hann fór í frá Mexíkó, niður Mið-Ameríku og alla leið til Brasilíu.
Í þessum þætti Ferðapodcastsins skella strákarnir sér í lederhosen, fá sér ískaldan hveitibjór og jóðla þar sem þeir fara í ferðalag til þýsku borgarinnar Munchen og Bavaria ríkisins. Fjallað verður um einstaka menningu og staðhætti svæðisins og Októberfest sem hefur orðið gífurlega vinsæl hátíð um allan heim.
The podcast currently has 15 episodes available.