Wat moet ons verstaan wanneer daar gepraat word van “Vrees vir die Here”? Moet ons bang wees vir Hom?

Wat gebeur as ek sterf? Hou ek net op bestaan?

Hoe wil God hê dat ons die lewe moet geniet? Wat is in en wat is uit?

Mag jy bid vir die val van ‘n regering? Wat is die belangrikste - godsdiens of politiek? Flip Loots praat hieroor met prof. Christina Landman en ds. Cassie Aucamp.

Hoe lyk God? Is Hy ‘n vormlose Gees of het Hy menslike eienskappe?

Wie is verantwoordelik vir die opvoeding van kinders – die ouers of die skool?

Daar word jaarliks ‘n groot ophef gemaak van die nuwe jaar wat voorlê. Baie mense sien uit daarna en stel verskeie voornemens op in die hoop dat dit tog ‘n beter jaar sal wees as die een wat verby is. Die vraag bly: Is daar hoop vir die nuwe jaar?

Oor ‘n week vier Christene wêreldwyd Kersfees. Kersliggies word oral aangeskakel, kersbome word gekoop en kersetes voorberei. Van heinde en verre kom families bymekaar en deel geskenke uit. Maar… het Kersfees en die kersgebruike regtig ‘n plek in die Christelike godsdiens?

Ons lees in die Bybel dat Jesus in die woestyn deur die duiwel versoek is, en in die laaste boek van die Bybel, Openbaring 20, word van die duiwel gepraat wat deur ‘n engel in die onderaardse dieptes gegooi is. Is daar regtig ‘n duiwel, en moet ons nie maar net aan iets boos dink wat in ons gedagtes lewe nie?

Dit is iets wat deesdae al hoe meer aan die orde kom: surrogaatskap, waar ‘n vrou swanger is met ‘n ander vrou en dié se man se kind. In baie gevalle word dit afgemaak as ‘n geldmaakbesigheid, maar in ander gevalle is daar egpare wat maar te dankbaar is dat hulle deur surrogaatskap tog wel ‘n kind van hul eie mag hê. Die vraag is egter: hoe reg of verkeerd is surrogaatskap?