Sosiale mediagebruikers is aangegryp deur 'n storie wat deur die George Herald in die Suid-Kaap gedoen is. Die storie oor 'n man wat daagliks in Wellingtinstraat in Denneoord by 'n verkeerslig staan en vir motors waai, het lankal reeds die inwoners se verbeelding aangegryp. Wie is die man en hoekom waai hy vir almal? Raynee Meyers is 30 jaar oud en sy doel en missie is om ander mense gelukkig te maak. Hy kry dit reg deur mense elke oggend vriendelik te groet.