ភ្ញៀវប្រចាំថ្ងៃរបស់វិទ្យុបារាំងអន្តរជាតិនារាត្រីនេះ គឺ លោក សុន ឆ័យ អនុប្រធានគណបក្សភ្លើងទៀន និងលោក សោម សូរីដា អគ្គលេខាធិការរង គ.ជ.ប។ នៅថ្ងៃនេះ តំណាងគណបក្សភ្លើងទៀនបានជួបជាមួយតំណាងគណៈកម្មាធិការជាតិរៀបចំការបោះឆ្នោត ដើម្បីជជែកពីបញ្ហាលុបបញ្ជីឈ្មោះបេក្ខជនឃុំ-សង្កាត់របស់គណបក្សភ្លើងទៀន ចំនួន១១ឃុំ-សង្កាត់។ ក្រោយជំនួប លោក សុន ឆ័យ ថាការជជែកមានភាពវិជ្ជមានច្រើន តែបញ្ហាលុបបញ្ជីឈ្មោះបេក្ខជនទាំង១១ឃុំ-សង្កាត់ នៅតែមិនអាចប្រកែកបាន។ ពីខាងគ​.ជ.ប លោក សោម សូរីដា គ.ជ.ប បន្តរក្សាជំហរលុបបញ្ជីឈ្មោះបេក្ខជនទាំង១១សង្កាត់ ដោយផ្អែកទៅតាមលក្ខ័ន្តិកៈនៃច្បាប់។