Nógv ymiskt fæst at vaksa í Føroyum, men tað krevur, at tú hugsar um, hvat tú gert og kannar, hvat ymsu sløgini hava brúk fyri, sigur Maud Wang Hansen, sum hevur nærum 30 sløg av grønmeti og øðrum í urtagarði og vakstrarhúsi sínum í Nólsoy.

- Í Føroyum fæst nógv at vaksa, tí vit hava so nógvar ljóstímar um summarið, sjálvt um vit ikki hava so nógva sól, men tað krevur eitt sindur av umhugsni, sigur Maud, og heitir á fólk um at lesa á pakkanum, hvat júst henda planta hevur brúk fyri.

Gestir í sendingini eru Andrias Klein Gregoriussen, Eyðfinn Magnussen, Lis Mortensen, Henry Vallius, Bartal Højgaard og Maud Wang Hansen

Fyrr í vár fekk Lítliskúli umhvørvisstuðul frá Tórshavnar Kommunu, og teir pengarnir eru oyramerktir til tað, ið tey kalla stuttflutt tilfeingi.

Sjálvt um nógv asfalt er at síggja kring skúlan, so hava tey skapt sær møguleikar við blómukassum og teimum grønu økjunum, sum hóast alt eru.

Gestir hesa ferð:

Gunvør Hofgaard, Fróði Vitalis Hansen og Bogi Eliasen.

Fróði Vitalis Hansen hevur verið í sínum seinasta alemenna dysti í MMA-búrinum. Tað hendi í Høllini á Hálsi í Havn um vikuskiftið.

Við einum hørðum alboga í pannuna á Mourad Buffer Serrar úr Luksemborg vann havnarmaðurin sín seinasta dyst.

Tankin um at gevast hevur spøkt fleiri ferðir seinastu árini. Skaðarnir hava verið nógvir, og kroppurin er ikki tann, sum hann var fyri 10 árum síðani.

Hóast Fróði Vitalis Hansen nú gevst sum virkin MMA-íðkari, fer hann framvegis at fáast við stríðsítrótt.

Rifat Atun, professari á Harvard universitetinum, Copenhagen Institute for Futures Studies (CIFS), Microsoft, Roche og Siemens Healthineers hava stovnað felagsskapin The Movement Health Foundation.

Endamálið við felagsskapinum er at betra um heilsuskipanir kring heimin, tí sum støðan er nú, eru skipanirnar ikki burðardyggar.

- Umleið 30% av heilsutænastum og viðgerðum eru mettar at vera óneyðugar og kunnu sparast burtur, sigur Bogi Eliasen, heilsustjóri á Copenhagen institute for Futures Studies.

Ráðstevnan, NoDaLiDa (Nordic Conference on Computational Linguistics), verður hildin annaðhvørt ár og verður í ár hildin í Føroyum fyri fyrstu ferð.

At ráðstevnan í ár, NoDaLiDa2023, verður hildin í Føroyum er eitt greitt tekin um, at máltøkni av álvara er sett á dagskránna bæði á Fróðskaparsetrinum og í føroyska samfelagnum annars, ljóðar tað av Føroyamálsdeildini.

Gestir hesa ferð:

Andrias Klein Gregoriussen

Iben Nyholm Debess

Elisabeth Erlendsdóttir hevur svomið, síðani hon var seks ára gomul og hevur klárað seg sera væl.

Næsta ár fer hon at ganga á Georgia Tech í Atlanta, Georgia. Universitetið er sera høgt í metum bæði akademiskt og ítróttarliga.

Broytingin hjá Elisabeth verður ikki størri enn, at hon longu býr í USA, men fer at flyta stat og ganga á universiteti heldur enn miðnámi.

Hon gongur í løtuni á miðnámsskúla í Jacksonville Florida. Elisabeth fegnast um møguleikan, tí tað er sera stórt hjá einum svimjara at fáa slíkan sáttmála.