Al Tavulin litterar sa scuntran questa giada Clà Riatsch, anteriur professer da litteratura rumantscha a l'universitad da Turitg, e l'istoricher e romanist Martin Camenisch. «Bündner Treibjagd» da Philipp Gurt e «Madast» da Jörg Rutz, quai èn ils dus cudeschs sin il Tavulin litterar. Crimis dad auturs grischuns che fan pel-giaglina. En «Bündner Treibjagd» investighescha Giulia de Medici en divers cas dad assassinats macabers. A la fin chatta ella il morder e scuvra in misteri somber.

Era a Madast en il Signuradi vai per in mazzament. Là sto il culpabel esser tranter ils abitants dal vitg. U èsi forsa l'um nair che è turnà?