菇武門Podcast——何韻詩、黃詠詩

菇掌門第一次做另一位歌手演唱會監製嘅背後，有好多不為人知嘅事情，呢集分享整個籌備過程，遇到嘅困難以及如何克服每個難關。由頭學起去擔當一個新角色，過程雖然艱辛，但當見到整個心血結晶呈現大家面前，滿足感不下於做自己嘅演唱會！有興趣知道背後過程嘅你，呢集一定要聽！

好耐無見，大家有無掛住我？去完UK tour之後返港又繼續忙啊忙，今個禮拜緊密籌備幕後神秘工作中，另外askgoo，回答UK tour之得著，以及勤力是怎樣練成的。大家聽聽喇～！

又到星期六嘅菇武門喇～！Goomusic新錄音室終於完工，菇掌門同大家介紹呢個新竇背後嘅想法，除咗方便工作之外，亦係為咗希望能製造一個聚腳點俾一眾友好音樂人～！另外askgoo會介紹擅用時間小秘訣，點樣唱好歌嘅方法等，大家千祈唔好錯過呢集！

菇掌門分享如何睡前減壓。

身處繁忙嘅都市，成日出出入入啲人多擠逼嘅地方，我地身上都會沾染咗好多負能量。係咪要住到深山先可以杜絕㗎呢？咁又唔一定，等菇掌門同大家分享一下佢清理負能量嘅幾件法寶啦，好有用㗎，你睇菇掌門做咁多嘢都未死得，幾咁精靈？

菇掌門嚟緊十一月即將出發到英國做首個Dear Self, Dear World UK tour，要自己主辦一個世界巡演絕對不是易事，尤其要打破常規不求人，自己一team人一手包辦曬所有事，少啲毅力都唔得！想知邊個促成呢次英國行，大家快啲聽今日呢集菇武門！..........

菇掌門星期六回答大家嘅問題，談到土炮分配工作之方法，佛學與創作，什麼是空性，仲有如何判斷一份歌詞的好與壞等。如果你地都有想問嘅問題，記得去anchor嘅channel度call-in喇！

想擅用時間，一人分飾多個身份，又要管理幾間公司，仲要抽出時間創作？唔係無可能，但唔想自己兩個月後就淋檔，就要為自己搵出一個可以平衡體能同腦袋嘅生活模式。另外更要搵出可以幫助自己節省腦力嘅方法，菇掌門呢集分享自己嘅繁忙人生分身術獨門秘笈！

正在創業、或已經創業一段時間嘅朋友都會知道，「老闆」呢個角色，其實諗落好似好爽，做起上嚟先知原來難度極高。幾時友善、幾時嚴肅、幾時諒解員工過失、幾時要果斷炒人，通通都係學問。菇掌門分享自己做幾間小型公司嘅心得，點樣同員工們保持友愛關係，但又唔會喺需要時失去權威，其實最重要一個字，將心比己，以身作則。聽吓啦笨！

自從自立門戶，菇掌門發現原來做老闆首要條件係要識得一人分飾三千角（尤其當你同時要管理三間公司但只得四個員工嘅時候，另加幾個project同時進行）。今集菇掌門同大家分享學做老闆嘅心路歷程，以及所需要注意事項，如果大家當中有正在考慮自立門戶嘅朋友，呢集你一定要聽！