Í þessum þætti fóru þeir Jói Lange og Gestur yfir 13.umferðina í Olísdeild karla. En þó byrjuðu þeir á því að fara aðeins yfir ”stóra” kennitölu málið en í dag kom yfirlýsing frá HSÍ um það að Vængir Júpíters væru með gilt keppnisleyfi og því gætu þeir haldið keppni áfram í Grill66 deild karla. Þeim félögum þykir þó skrýtið að það teljist í lagi að vera með félag í gangi í allan þennan tíma án þess að vera með virka kennitölu og velta fyrir sér hlutum eins og hvort leikmannasamningar sem eru gerðir á óvirkri kennitölu geti talist löglegir.

Þá völdu þeir þá leikmenn sem koma til greina sem BK leikmaður 13.umferðar en það eru þeir Björgvin Páll Gústavsson (Haukum), Tandri Már Konráðsson (Stjörnunni), Egill Magnússon (FH), Hergeir Grímsson (Selfoss), Lárus Helgi Ólafsson (Fram) og Þorgils Jón Svölu Baldursson (Val).

Tilefnið af þessum aukaþætti var að þeim félögum barst það til eyrna að Vængir Júpíters sem eru í Grill66 deild karla eru ekki með gilda kennitölu og þar af leiðandi  eru þeir ekki með gilt keppisleyfi þar sem forsendur fyrir keppnisleyfi er að hafa gilda kennitölu.  Þeir félagar fóru á stúfanna og fengu Róbert Geir Gíslason framkvæmdarstjóra HSÍ í spjall þar sem hann tjáði þeim málið væri komið inná borð HSÍ og ÍSÍ þar sem menn væru að skoða þetta ofan í kjölinn. Róbert taldi líkur á að einhver mynd yrði komin á málið á morgun föstudag.  Þá heyrðu þeir í Braga Rúnari Axelssyni forsvarsmanni Harðar en Harðarmenn sendu í dag kæru vegna þessa mál til dómstóls HSÍ. Bragi sagði þeir fyrir vestan höfðu farið í það að afla sér upplýsinga um félagði Vængi Júpiters vegna yfirvofandi kæru í leik félagnna á dögunum og við þá eftigrenslan kom í ljós að kennitalan sem gefin var upp til skrifstofu HSÍ hefði verið afskráð þann 12.mars 2020.  Forsvarsmenn Vængja Júpíers þáðu ekki boð um viðtal þar sem þeir vildu skoða málið áður en þeir myndu tjá sig um það.

þessu sinni fóru þeir yfir allt það sem gerðist í 12.umferð í Olísdeild karla. Þeir félagar fögnuðu því að Björgvin Páll Gústavsson sýndi sitt rétta andlit sem besti markvörður deildarinnar sem og að Adam Haukur Bamruk sé fundinn.  Þá fannst þeim pillan sem Halldór Jóhann Sigfússon þjálfari Selfyssinga sendi HSÍ ekki halda vatni þar sem það voru formenn félaganna sem ákváðu hvernig mótahaldið yrði eftir að keppni var leyfð á ný.  Félagarnir fóru svo yfir það að Tumi Steinn hefði með frammistöðu sinni veitt Snorra Steini þjálfara Valsliðsins ákveðnum hausverk þar sem hann sýndi að hann gerir tilkall til meiri spilatíma með liðinu.  Að endingu gengu þeir svo langt að tilkynna um það að Þór Akureyri og ÍR væru fallin niður í Grill66 deild karla.

Þá fóru þeir að lokum yfir nokkra slúðurmola þar sem að heyrst hefur að ÍBV sé í viðræðum við þá Gunnar Stein Jónsson og Aron Rafn Eiðsson og eins hefur heyrst að Ólafur Guðmundsson sé á heimleið og sé í viðræðum við KA.

Í þætti dagsins fóru þeir félagar yfir 10.umferðina í Olísdeild kvenna.  Það var nú ekki margt sem þótti til tíðinda í þessari umferð en þó voru þeir ánægðir með að sjá að lið Fram er óðum að ná upp sínum fyrri styrk en að sama skapi hafa þeir félagar áhyggur af sóknarleik valsstúlkna. Þá eru þeir óánægðir með uppgjöf FH liðsins en þær eru greinilega búnar að játa sig sigraðar í deildinni en þó vilja þeir félagar sjá meiri baráttuanda frá þeim og hvetja þæt til þess að mæta til leiks í þeim fjórum umferðum sem eftir eru með það að vopni að hafa gaman af því að spila handbolta.

Í þætti dagsins er farið yfir allt það helsta sem gerðist í 11.umferð Olísdeildar karla sem og farið var yfir stöðu mála í Grill66 deild karla og þá sérstaklega atvik sem gerðist í leik Vængja Júpiters og Harðar og þá eftirmála sem því fylgja.

Í þætti dagsins fórum við yfir allt það sem gerðist í 10.umferð Olísdeildar karla þar sem nóg var um að tala. 

Í þessum þætti fórum við yfir allt það helsta sem gerðist í 9.umferð Olísdeildar karla og við hreinlega óskum eftir því að nokkrir leikmenn fari að sýna betri framistöðu. Þá hefur heyrst að Geir Sveinsson hafi sést á Hlíðarendasvæðinu þó ekki vitað hvort það sé í fasteingarhugleiðingum eða að fara reima á sig þjálfaraskóna.

Í þætti dagsins fóru við yfir leikina í 9.umferð í Olísdeild kvenna þar sem mál málanna voru mistökin á tímavarðarborðinu í Garðarbæ og þá fórum við líka yfir ásakanir Britney Cots leikmanns FH í garð Sigurðs Bragasonar þjálfara ÍBV.

Í þætti dagsins fórum við yfir 8.umferð karla og kvenna þar sem við tilnefnum þá leikmenn sem koma til greina sem BK leikmaður umferðarinnar í báðum deildum. Þá ræddum við aðeins um okkar sýn á vistaskipti Björgvins Páls Gústavssonar yfir til Vals í sumar og tókum smá umræðu um metnað félagar í umgjörð um liðin sín.

Í þættinum í dag fórum við yfir 7.umferðina í Olísdeild karla ásamt því að velja þá leikmenn sem koma til greina sem BK leikmaður 7.umferðar í Olísdeild karla. Þá fórum við yfir fyrri hluta í Olísdeild kvenna.