នៅថ្ងៃទី២៦ ខែឧសភា ប្រមុខរដ្ឋាភិបាលកម្ពុជា ឡាវ និងវៀតណាមបានជួបគ្នាក្រៅផ្លូវការមួយអំឡុងពេលចូលរួមកិច្ចប្រជុំកំពូលអាស៊ាននៅម៉ាឡេស៊ី។ មិនខុសពីសព្វមួយដង មេដឹកនាំវៀតណាមបានបន្តផ្តាំផ្ញើឱ្យមេដឹកនាំកម្ពុជា និងឡាវផ្តល់ការគាំទ្រ និងមើលថែពលរដ្ឋខ្លួនដែលកំពុងរស់នៅលើទឹកដីកម្ពុជា និងឡាវដោយសង្កត់ធ្ងន់ថា សុខទុក្ខរបស់ពលរដ្ឋវៀតណាមអាចជះឥទ្ធិពលដល់ទំនាក់ទំនងត្រីភាគីកម្ពុជា ឡាវ និងវៀតណាម។ អ្នកវិភាគសង្គម និងអ្នកនយោបាយចាត់ទុកការផ្តាំផ្ញើរបស់មេដឹកនាំវៀតណាមថាមិនទាស់ខុសឡើយ។ តែថា ការនិយាយច្រំដែលរបស់វៀតណាមនឹងធ្វើឱ្យពលរដ្ឋខ្មែរខ្លះកាន់តែមិនសប្បាយចិត្ត និងខ្លះទៀតមានមន្ទិលសង្ស័យលើរដ្ឋាភិបាល។