នៅ​ព្រឹក​ថ្ងៃ​ទី​១១ ខែ មករា ឆ្នាំ​២០២៥​ សមត្ថ​កិច្ច​កម្ពុជា ​សម្រេច​ប្រគល់​ជន​សង្ស័យ​ឈ្មោះ ​អេកាឡាក់ ​ភាណយ (Ekkalak Pheanou) ដែល​បាញ់​សម្លាប់​ លោក លិម គិមយ៉ា ​តំណាង​រាស្ត្រ ​នៃ​អតីត​គណ​បក្ស​សង្គ្រោះ​ជាតិ ​ទៅ​ឲ្យ​សមត្ថ​កិច្ច​ថៃ​បន្ត​នីតិ​វិធី​តាម​ច្បាប់​របស់​ប្រទេស​ថៃ​។ ​អ្នក​ការ​ពារ​សិទ្ធិ​មនុស្ស​ នៅ​កម្ពុជា ​យល់​ថា ការ​សម្រេច​បញ្ជូន​ជន​ល្មើស​ទៅ​ឲ្យ​ថៃ​ជា​អ្នក​កាត់​ទោស ​ដើម្បី​បន្ថយ​ការ​រិះគន់​មក​លើ​រដ្ឋា​ភិ​បាល​កម្ពុជា ​ខណៈ​អ្នក​ច្បាប់​ថា​ កម្ពុជា​ក៏​មាន​សិទ្ធិ​ក្នុង​ការ​កាត់​ទោស​ជន​ល្មើស​រូប​នេះ​ ដោយ​តុលា​ការ​កម្ពុជា​ផង​ដែរ​។​