ប្រធាន​ព្រឹទ្ធ​សភា​កម្ពុជា លោក ហ៊ុន សែន បង្ហាញពី​បំណង​បង្កើត​ច្បាប់​ថ្មី ដាក់​ក្រុម​មនុស្ស​ ឬ​អង្គការ​ចាត់​តាំង​មួយ​ចំនួន​ទៅ​«ក្នុង​ក្រុម​ភេរ​វ​កម្ម»​ នៅក្រោម​ហេតុ​ផល ដើម្បី​ទប់​ស្កាត់​រាល់​សកម្ម​ភាព​ប៉ុន​ប៉ង​បំផ្លាញ​សន្ដិ​ភាព​របស់​កម្ពុជា​។​ បើ​តាម​អតីត​នាយក​រដ្ឋ​មន្ត្រី​រូប​នេះ​ ការ​បង្កើត​ច្បាប់​នេះ​គឺ​លោក​ចង់​ដាក់​សំដៅ​ទៅ​លើ​អ្នក​ប្រឆាំង​នៅ​ក្រៅ​ប្រទេស និង​អង្គការ​ចាត់​តាំង​មួយ​ចំនួន​ដែល​លោក​ហៅ​ថា​«ជា​ក្រុម​ជ្រុល​និយម»​។​ តែ​សម្រាប់​អ្នក​នយោបាយ​បក្ស​ប្រឆាំង លើក​ឡើង​ថា ​បើ​ទោះ​ជា​ប្រទេស​កាន់​របប​ផ្តាច់​ការ​ក៏​គេ​មិន​បាន​ចាត់​ទុក​អ្នក​រិះ​គន់​ថា ​«ជា​ក្រុមភេរវ​ករ​ទេ»។​