នៅល្ងាចថ្ងៃទី១៦ ឧសភា ឆ្នាំ២០២៥ មានករណីបាតុភូតធម្មជាតិរន្ទះបាញ់នៅតំបន់ប្រាសាទអង្គរវត្ត ដែលបានបណ្តាលឲ្យមានអ្នកស្លាប់ និងរបួសមួយចំនួនផងដែរ។ ក្រោយកើតហេតុភា្លមៗ មន្ត្រីរដ្ឋាភិបាលកម្ពុជា និងអាជ្ញាធរពាក់ព័ន្ធមួយចំនួនបានអំពាវនាវកុំឲ្យផ្សាយរូបភាពនានា ដែលកើតឡើងនៅប្រាសាទអង្គរវត្ត ដោយ​ចាត់ទុកថា គ្មានអ្វីចំណេញនោះឡើយ។ តែអ្នកជំនាញប្រព័ន្ធផ្សព្វផ្សាយ យល់ថា ការហាមឃាត់មិនឲ្យផ្សព្វផ្សាយព័ត៌មានពិត គឺធ្វើឲ្យប៉ះពាល់ដល់សេរីភាពអ្នកសារព័ត៌មាន និងការទទួលបានដំណឹងរបស់ពលរដ្ឋ។