ក្នុងពិធីបិទសន្និបាតការងាររបស់ក្រសួងអប់រំនាថ្ងៃទី២៦ ខែកុម្ភៈ ឆ្នាំ២០២៥ លោកនាយករដ្ឋមន្ត្រី ហ៊ុន ម៉ាណែតបានជំរុញឱ្យក្រសួងអប់រំយកគ្រូបង្រៀនចូលនិវត្តន៍មកបម្រើការងារឡើងវិញ។ លោក ហ៊ុន ម៉ាណែតពន្យល់ថា លោកមិនចង់បាត់បង់ធនធានគ្រូបង្រៀនដែលមានសមត្ថភាព និងបទពិសោធន៍ ខណៈគ្រូបង្រៀនចូលនិវត្តន៍មួយចំនួនបានទៅមកបម្រើការងារនៅគ្រឹះស្ថានឯកជន។ តែអ្នកជំនាញវិស័យអប់រំមិនបានគាំទ្រលើការជំរុញរបស់លោក ហ៊ុន ម៉ាណែតទេដោយពួកគេយល់ថា យុវជនជំនាន់ក្រោយដែលចង់ក្លាយជាគ្រូបង្រៀននឹងបាត់បង់ឱកាស។ ហេតុអ្វីរដ្ឋាភិបាលជំរុញឱ្យក្រសួងអប់រំយកគ្រូបង្រៀនចូលនិវត្តន៍មកបម្រើការងារឡើងវិញ?