Die Wes-Kaapse hooggeregshof het beslis dat die SAUK se operasionele hoof, Hlaudi Motsoaneng, geskors moet word. Volgens regter Ashton Scheepers moet 'n klagstaat binne twee weke aan Motsoaneng oorhandig word. Die DA het die SAUK hof toe gevat oor sy permanente aanstelling nadat die openbare beskermer bevind het dat Motsoaneng gedissiplineer moet word omdat hy gejok het oor sy matriekkwalifikasie.