Het jy al ooit gewonder of dit hoegenaamd moontlik sou wees om 'n gekookte eier te ontkook? Hoekom sou enigiemand dit wou doen, en waarom sou dit belangrik wees om te weet hoe? Wetenskaplikes aan die Univeristeit van Kalifornië het dit onlangs reggekry om eierwitte weer na die loperige oorspronklike vorm terug te verander. Dit is belangrik want dit kan kankerterapie in die toekoms goedkoper maak, omdat dit die proteïene wat vir terapie gebruik word, meer effektief laat oplos. Dr. Carl Albrecht van die Suid-Afrikaanse Kankernavorsingsraad sê hierdie onthulling is baie belangrik.