Altine, ñannde 1, lewru 12ɓuru, en kaalan ko faati e alhaali dawro fewndiiɗo Gine Bisaawo, nokku to hooreejo laamu faddewu, Jeneral Horta N'Tam joƴƴini e aset guwernema makko arano mo jaagorɓe 23 e hoolaaɓe kuuɓal njoyo, mo Ilídio Vieira Té ardii. Yoga e Jaagorɓe oo guwernama ko jeyaaɓa e laamu hinngu ngun, walla ɓaɗiiɓe maa hiɓɓiiɓe hooreejo kiɗɗo Guinee Bissau, Jeneral Umaro Sissoco Embalo wonɗo e oo saha Congo Brazaville caggal nde laamu mun liɓa.

 

Ciwlere laamu dartinnde suɓngooji hooreyaaku e sarɗinkooji ɗi njaltuɗi mun lollintenoo e alkamisa faltiiɗo. Ngol toɗɗagol guwernama keso Guinee Bissau jibini haalullaaji ɗuuɗuɗi e miijooji seertuɗi hakkunde fedde dawro Umaro Sissoco Embalo e PAIGC lamdiiɓe yo laamu ngu watte e juuɗe fooluɗo on ka woote.

CEDEAO hewti hannde Guinee Bissau ngam etaade no laamu ngun artira e laawol sariya.