អ្នកស្រី ហុក ស្រីមុំ ទើប​ទទួល​បាន​ពាន​រង្វាន់​ស្ត្រីនៃ​អនាគត​អាស៊ី​អាគ្នេយ៍ រៀប​ចំ​ឡើង​នៅ​ប្រទេស​សិង្ហ​បុរី កាល​ពី​ខែ​វិច្ឆិកា​ឆ្នាំ​២០២៤​។​ សហគ្រិន​ស្ត្រី​រូប​នេះ ​គឺ​ជា​អ្នក​បង្កើត​មាតិ​កា​សង្គម​មួយ​រូប​ ដែល​ផ្តោត​ទៅ​លើ​ការ​ផ្តល់​អំណាច​ដល់​ស្ត្រីនៅ​ជន​បទ ដើម្បី​ពង្រីក​អាជីវ​កម្ម​តាម​ផ្ទះ​។ ​មាន​ស្ត្រីខ្មែរ​នៅ​តំបន់​ដាច់​ស្រយាល​ប្រមាណ​៣០០​នាក់ បាន​ផ្លាស់​ប្តូរ និង​មាន​ខ្សែ​ជីវិត​ល្អប្រសើរ​ជាង​មុន ដោយ​សារ​ការ​បង្ហាត់​បង្ហាញ​របស់​អ្នកស្រី ហុក ស្រីមុំ​។ ស្រីមុំ ចាត់​ទុក​ការ​ងារ​សង្គម​មួយ​នេះ ​ជា​ចំណង់​ចំណូល​ចិត្ត​របស់​ខ្លួន​ ក្នុង​ការ​រួមចំណែក​ពង្រឹង​អំណាច​របស់​ស្ត្រីនៅ​ក្នុង​សហគមន៍​។