ក្នុងខណៈ​ដែល​ប្រទេស​កំពុង​ត្រៀម​ខ្លួន​ក្លាយ​ជា​សមាជិក​អង្គការ​អូតង់​ជា​ផ្លូវការ ​ហ្វាំងឡង់ត្រូវ​​​បោះឆ្នោត​សភា​ជ្រើស​តាំង​រដ្ឋាភិបាល​ថ្មី នៅថ្ងៃ​​អាទិត្យ​ទី​២​មេសា​នេះ។ នាយករដ្ឋមន្ត្រីផុត​អាណត្តិ លោកស្រី សានណា ម៉ារីន ​ដែល​មាន​ប្រជាប្រិយភាព​ខ្ពស់ ល្បី​លើ​ឆាក​អន្តរជាតិ​ចំពោះ​ស្នាដៃ​ដឹកនាំ​ប្រទេស ​កំពុងប្រឹង​​រក្សា​តំណែង​មួយ​អាណត្តិ​ទៀត ប៉ុន្តែការ​បោះឆ្នោត​​មាន​ភាព​ប្រកួត​ប្រជែង​ខ្លាំង​ ពិបាក​នឹង​ទាយ​លទ្ធផល​ណាស់។