Heimsmeistaramót karla í handbolta hefst eftir örfáa daga. Af því tilefni verður Íþróttavarpið á fullri ferð í janúar bæði á Rás 2 og í lengri útgáfu á hlaðvarpsveitum. Gestur þessa þáttar er landsliðsfyrirliðinn Aron Pálmarsson. Aron ræðir upphaf síns landsliðsferils, vonir og væntingar með landsliðinu á HM í janúar, væntanlega heimkomu í FH og ýmislegt fleira.

Umsjón: Þorkell Gunnar Sigurbjörnsson.

Í þætti dagsins, sem var jafnframt sá síðasti á þessu heimsmeistaramóti í fótbolta, fengum við Hörð Magnússon og Ólaf Kristjánsson til að fræða okkur um hin ýmsu mikilvægu málefni. Er þetta besta HM sögunnar? Ef ekki hvað er þá besta HM sögunnar? Hvernig fer úrslitaleikurinn? Og hverjir hafa staðið sig best á mótinu?

Umsjón: Gunnar Birgisson

Það vantaði ekki upp á skoðanir þeirra Ólafs Kristjánssonar og Harðar Magnússonar sem voru gestir í íþróttavarpi dagsins. Báðir hafa þeir farið mikinn á HM og fáir sem vita meira um þetta mót en einmitt þeir. Farið var yfir 16-liða úrslitin, spáð í spilin fyrir 8-liða úrslitin og mikilvæg málefni tengd mótinu rædd. Hvað er svo stærsti íþróttaviðburður allra tíma?

Umsjón: Gunnar Birgisson

Edda Sif Pálsdóttir og Heimir Hallgrímsson fóru yfir 1. umferð riðlakeppninnar á HM í Katar frá hverfiskaffihúsinu sínu í Doha, þar sem þau hafa dvalið síðustu daga.

Edda Sif Pálsdóttir og Heimir Hallgrímsson ræða lífið á HM í Katar, en þau eru stödd við Persaflóann á HM í fótbolta.

HM í Katar hefst í dag og við ljúkum upphituninni með því að fara yfir bestu markverðina í sögu mótsins. Sandra Sigurðardóttir, landsliðsmarkvörður, og Guðmundur Hreiðarsson, fyrrverandi markmannsþjálfari íslenska karlalandsliðsins og núverandi markmannsþjálfari Jamaíku, mættu með sína topp fimm lista. Þau ræddu auk þess ýmislegt sem við kemur markvörðum almennt, þróun stöðunnar í nútímaknattspyrnu og vítaspyrnukeppnir svo eitthvað sé nefnt.

Íþróttavarpið heldur áfram að hita upp fyrir HM í Katar. Í þessum þætti er gesturinn Sigurlaugur Ingólfsson sagnfræðingur, eða Silli á Árbæjarsafni. Hann fór yfir HM söguna með okkur í þætti dagsins og tók gaf okkur alls kyns áhugaverða HM mola. Þó ekki að rifja upp hvert og eitt heimsmeistaramót lið fyrir lið. Það er um að gera að leggja við hlustir. Fullt af áhugaverðum staðreyndum og sögum í þessum þætti.

Íþróttavarpið er á HM stillingu þessa dagana, enda hefst HM í fótbolta í Katar á sunnudag. Gestur Íþróttavarpsins í dag hefur spilað á HM. Hann spilaði raunar hverja einustu mínútu í öllum þremur leikjum Íslands á HM fyrir fjórum árum. Hann er þriðji leikjahæsti landsliðsmaður karlalandsliðsins frá upphafi með 103 leiki og heitir Birkir Már Sævarsson. Bakvörðurinn ræddi hina ýmsu hluti í þætti dagsins. HM minningar frá því hann var í myndmennt í grunnskóla og svo þegar hann spilaði sjálfur á HM í Rússlandi 2018. Hann sagðist til dæmis hafa sofið mun betur en Alfreð Finnbogason fyrir leikinn við Argentínu á HM. Umsjón: Þorkell Gunnar Sigurbjörnsson

Adda Baldursdóttir og Ólafur Kristjánsson völdu bestu miðjumennina í sögu HM, óvæntustu úrslit og óvæntustu hetjuna á HM í Íþróttavarpi dagsins. Umsjón: Edda Sif Pálsdóttir.

Íþróttavarpið ræðir í dag við Alfreð Finnbogason, sem skoraði fyrsta mark Íslands á HM í fótbolta. Hann ræðir aðdraganda mótsins, en meiðsli plöguðu hann harkalega í aðdragandanum. Svo svaf hann illa nóttina fyrir leik. Hann ræðir markið og minningar HM og gælunafni Freddi Finnboga.