ជម្លោះព្រំដែនជាថ្មីរវាងប្រទេសកម្ពុជា និងថៃ ដែលបានចាប់ផ្តើមកាលពីថ្ងៃទី២៨ ខែឧសភា ឆ្នាំ២០២៥មក នៅចំណុចមុំបី ក្នុងខេត្តព្រះវិហារបានបង្កើតឲ្យមានភាពតានតឹងរវាងកងទ័ពនៅតាមព្រំដែននៃប្រទេសទាំងពីរ។ សភាពការណ៍កងទ័ពព្រំដែនហាក់ស្ងប់ស្ងាត់ទៅវិញបន្តិចសម្រាប់ពេលនេះ។ ក៏ប៉ុន្តែសភាពការណ៍នៅលើបណ្តាញសង្គមនៅតែមានភាពតានតឹង ដោយសារពលរដ្ឋកម្ពុជា-ថៃ មួយចំនួននៅតែប៉ះទង្គិចទស្សនៈគ្នាឥតឈប់ឈរ។ តើជម្លោះព្រំដែនរវាងថៃ និងកម្ពុជាពេលនេះ នឹងធ្វើឲ្យកើនឡើងនូវការប្រកាន់ជាតិសាសន៍រវាងប្រជាជនខ្មែរ និងថៃ ឬយ៉ាងណា?