មិន​ចំពោះ​កាលៈទេសៈទេ សន្តិភាព​ឬសង្គ្រាម​ក្តៅត្រជាក់​ ប្រទេស​នានា​ មាន​អធិការ​ដ្ឋាន​ចារកម្ម​ប្រចាំ​គ្រប់​វិស័យ​ ស៊ីវិល​និង​យោធា​។ ព្រឹត្តបត្រ​ថ្ងៃ​ព្រហស្បតិ៍ ទី​១៣សីហា បណ្ឌិត​ ឆាយ​ ហុក​ផេង បកស្រាយ​អំពី«កាំបិតមុខពីរនៃវិធីយកការណ៍សម្ងាត់​» ។

ដើម្បី​ទទួល​បាន​ជោគជ័យ​ក្នុង​វិស័យ​ណាមួយ គេ​ត្រូវតែ​មាន​ឯកសារ និង​ព័ត៌មាន​រាប់​រយ​ពាន់​ប្រភេទ​ គ្រាន់​នឹង​វិភាគ​ ស្វែង​រក​យុទ្ធ​វិធី​។ ក្នុង​វិស័យ​សេដ្ឋកិច្ច​ សាងសង់​រោង​ចក្រ​ ឬ​ផលិត​រថយន្ត​ អាវុធ​យុទ្ធភ័ណ្ឌ​ ក៏​ដូច​វិស័យ​ការពារជាតិ​ដែរ​ ជង្រុក​ព័ត៌មាន​ ជា​វត្ថុ​ធាតុ​ដើម​ បាន​មកដ៏​កម្រ​ ហើយ​មាន​តម្លៃ​ជាទីបំផុត​។ ព័ត៌មានអំពី​បច្ចាមិត្ត​ អំពី​ក្រុមហ៊ុន​ផលិត​នានា ដែល​ប្រកួត​ប្រជែង​ដណ្តើម​ទីផ្សារ​គ្នា​ ព័ត៌មាន​អំពី​ក្រុម​ញាត្តិមិត្ត​គ្រួសារ​នៃ​ជន​ណាម្នាក់​ដែល​គេ​ប៉ុន​ប៉ង​សម្លាប់​ ឬ​ចាប់​ចង​។ល។ ដើម្បី​សម្រេច​បំណង​ក្នុង​ការ​ចង​ក្រង​ចង្កោម​ឯកសារ​ទាំង​នេះ ប្រទេស​នីមួយៗ​ បង្កើត​ក្រុម​ចារកម្ម ​ធ្វើ​ការ​កំបាំង​មុខ​យ៉ាង​សស្រាក់​សស្រាំ។​

Quand bien même la technologie détruit des obstacles jadis infranchissables, la main de l'homme en matière d'espionnage demeure un atout maître pour réussir une opération. A titre d'illustration, dans la traque des criminels de guerre Karadzic et Mladic, les satellites d'observation qui relèvent toutes les tranchées qui se creusent découvre que ces derniers avaient fait installer un réseau enterré de fibre optique reliant Pale à Belgrade. Impossible donc d'obtenir de renseignements sauf à faire installer un système d'interception sur la fibre. Ensuite, après ce constat on passe le relais à l'homme. C'est une tente montée dans une clairière que les hommes de la CIA sont entrés en action.

ដោយ​ឡែក​ ស្តីអំពី​​ចារកម្ម​ដែល​មិន​ចាំ​បាច់​ប្រើ​មធ្យោបាយ​ទំនើប​ មាន​ផ្កាយ​រណប​ ឬ​យន្តហោះ​ឌ្រូន​ (Drone) ក៏​ការ​រៀបចំ​ខ្លួន​ដើម្បី​ក្លែង​បន្លំ​ជា​ឈ្មួញ​ដើរ​ទិញ​ជ្រូក​ ក្នុង​បំណង​ចូល​លុក​ដល់​តំបន់​ខ្មែរក្រហម​ គេ​ត្រូវ​ការ​រៀន​ហ្វឹក​ហាត់​ឱ្យ​បាន​ច្បាស់​លាស់​។ ទីមួយ​ ចារបុរស​រៀន​កាប់​ជ្រូក​ឱ្យ​ស្ទាត់​ ថែមទាំង​មាន​បច្ចេកទេស​ដេញ​ចាប់សម្លាប់​អារកជ្រូក​ផង​ទៀត។ នៅក្នុង​ករណី​ធ្លាក់​ចូល​ការ​សង្ស័យ​អំពី​បច្ចាមិត្ត​ ដោយ​ប្រការ​ណាមួយ​ គឺត្រូវ​គេ​ចាប់​សួរ​ចម្លើយ​ ចារបុរស​ត្រូ​វ​ចេះ​ដោះខ្លួន​ទៅតាម​បច្ចេកទេស​ «នាយ​ចុន្ទ»កាប់​ជ្រូក​ ទើប​អាច​លាក់​អត្តសញ្ញាណ​ខ្លួនឯង​បាន។

Cependant, trop souvent, le point faible d'un agent est sa famille. C'est ainsi que le service de sécurité intérieure israélienne, le Shin Bet, a pu repérer l'artificier palestinien Yahia Ayache. Son fils et sa femme le rejoignent près de Gaza. Et il téléphone parfois à son père demeurant en Cisjordanie. Finalement, grâce à un agent infiltré qui a réussi à remettre à Ayache un téléphone piégé, que ce dernier fut tué lors d'un appel passé à son père.

ចារកម្ម​មួយ​បែប​នេះទៀត ប្រៀប​បាន​នឹង​ដង្កូវ​ពី​សាច់​ឯង​។ Schmidt ដែល​ត្រូវ​ជាប្អូន​បង្កើត​នៃ​ឧត្តម​សេនីយ៍​រថក្រោះអាល្លឺម៉ង់​ណាស៊ី បាន​បញ្ចូន​ឯកសារ​សម្ងាត់​ជា​ច្រើន​ឱ្យ​បារាំង​ ស្តីអំពី​សោសម្ងាត់​នៃម៉ាស៊ីន​ Enigma សម្រាប់​ទាក់​ទង​គ្នា​រវាង​មេបញ្ជាការ​កង​ទ័ព​អាល្លឺម៉ង់​ ពីព្រោះ​ Schmidt ចង់​មាន​ចង់​បាន​ទ្រព្យ​ធន​ដូច​បងប្រុស​ដែល​ជា​ឧត្តម​សេនីយ៍។​ សម្ភារនិយម មហិច្ឆិតា​ឃើញ​លុយដុល្លារ​ជាធំ​ ជំរុញ​ឱ្យ​ជន​ខ្លះ​ក្បត់​ជាតិ​ឯង​ ដូច​ជាគ្រយសារ​នាយ​ទាហាន​អាមេរិកាំង​ John Walker ដែល​លក់​ព័ត៌មាន​ឱ្យ​សហព័ន្ធ​សូវៀត​ស្តីអំពី​សារ​ឆ្លើយ​ឆ្លង​រវាង​នាវា​មុជក្រោម​សមុទ្រ​ និង​នាវា​ចម្បាំង​អាមេរិកាំង​ឯទៀត ឬ​យន្ត​ហោះ​ទម្លាក់​គ្រាប់បែក។ John Walker បបួល​បង​ប្រុស និង​កូន​ប្រុស​ខ្លួន​ឱ្យ​ក្បត់​មាតុភូមិ​ដូច​គាត់​ដែរ។ ប្រពន្ធគាត់​ក៏បាន​សាត​ត្រដាង​រឿង​នេះ​ប្រាប់អាជ្ញាធរ​ ដើម្បី​បញ្ចប់​ចារកម្ម​ក្បត់ជាតិ​របស់​អ្នក​ទាំងបី​។ នៅ​គ្រា​នោះ​ឯង​ សហព័ន្ធរុស្ស៊ី​ទទួល​បាន​ពី John Walker នូវ​ព័ត៌មាន​​សម្ងាត់​អំពី​គម្រោង​ទម្លាក់​គ្រាប់បែក​លើ​ទ័ព​វៀតកុង​ រៀតណាម​ខាងជើង។ អ៊ីចឹង​ហើយ បាន​ជា​សង្គ្រាម​នៅវៀតណាម​ អូសបន្លាយ​រ៉ាំរ៉ៃ​ជាយូរ​ឆ្នាំ។​

En effet, "les américains doutaient depuis des années que les Soviétiques avaient eu accès à certains de leurs codes. 'Les Vietnamiens étaient toujours informés d'avance de nos bombardements', raconte l'ancien responsable de la station de la CIA à Saïgon. 'Même quand nos B 52 se rabattaient sur des objectifs secondaires, ils savaient où on allait frapper."

ប្រវត្តិ​សាស្ត្រ​ប្រាប់យើង​ថា សូម្បី​ប្រទេស​មហាអំណាច​ ក៏​គេច​មិន​រួច​ពីចារកម្ម​ដែល​ស៊ីរូង​ផ្ទៃ​ក្នុង​ មាន​ឧទាហរណ៍​កាល​អាមេរិក​កាំង​កំពុង​សាកល្បង​ផលិត​គ្រាប់​បែក​បរមាណូ​ គូបដិបក្ខ​ គឺ​សហព័ន្ធរុស្ស៊ី​ ដឹងទាំងអស់​នូវ​ការពិសោធ​នានា​ ព្រមទាំង​បច្ចេកទេស​បំបែក​អាតូម​ ត្បិតអី​មាន​ចារបុរស​៦រូប​ Fuch, Hall, Ponte Corvo ជា​អាទិ៍​ បា​នបញ្ចូន​សារ​ជាង​មួយ​ម៉ឺន​សន្លឹក​ឱ្យ​ទៅរុស្ស៊ី។ លុះ​បាន​ជោគជ័យ​ហើយ ប្រធានាធិបតី​អាមេរិក​ប្រាប់ទៅ​ ស្តាលីន (Staline) មេផ្តាច់​ការ​រុស្ស៊ី​ថា អាមេរិក​មាន​គ្រាប់​បរមាណូ​ ស្តាលីន​ធ្វើ​ព្រងើយ​ មិន​ភ្ជាក់​ផ្អើល។​

L'espionnage de haut niveau entraîne parfois la démission du chef de gouvernement du pays concerné. La démission du Chancelier allemand Willy Brandt après l'arrestation de son éminence grise, une taupe de l'Union soviétique Günter Guillaume, est significative à cet égard.

ម្យ៉ាង​ទៀត​​ Golitsyne ដែល​មក​ពី​សហព័ន្ធ​រុស្ស៊ី​ សុំ​ជ្រក​កោន​នៅ​អាមេរិក​ ប៉ុន្តែ​ការ​ពិត​ គាត់​ជា​ចារបុរស​របស់​រុស្ស៊ី​មក​កកូរកកាយ​បំពុល​បណ្តាញ​ចារកម្ម​ពួក​បច្ចិម​ប្រទេស។​ Golitsyne ប្រព្រឹត្ត​រឿង​ពុក​រលួយ​ រឿង​ប្រព្រឹត្ត​ខុស​សីលធម៌​ និង​គម្រោង​ធ្វើ​រដ្ឋប្រហារ​ ដាក់​បន្ទុក​លើ​នាយករដ្ឋមន្ត្រី​អង់គ្លេស​ Harold Wilson រហូត​ដល់​លោកទ្រាំមិន​បាន​ ក៏​សុំ​លាលែង​ពីតំណែង​ នៅថ្ងៃ​ទី​១៦ ខែ​មីនា​ ឆ្នាំ​១៩៧៦ ដោយ​ហេតុ​ថា​អធិការ​ដ្ឋាន​ចារកម្ម​ប្រទេស​អង់គ្លេស​ខ្លួន​​​ឯង​ផ្ទាល់​ ក៏​ស្លុង​គំនិត​តាម​ Golitsyne ដែរ​។ ដោយឡែក​រឿង​ចារកម្ម​មួយ​ដែល​គួរ​ឱ្យ​អស់​សំណើច​នៅ​សម័យ​សង្គម​ នាទសវត្សរ៍​១៩៦០ ភ្នាក់​ងារ​នគរបាល​ស៊ីវិល​តាម​ដាន​លោក​សាស្ត្រាចារ្យ​ កេង វ៉ាន់​សាក់​ ដោយ​ចូល​ស្តាប់​មេរៀន​របស់​គាត់​គ្រប់​ពេល​នៅ​មហាវិទ្យាល័យ​អក្សរសាស្ត្រ​និង​មនុស្ស​សាស្ត្រ​ និយាយ​អំពី​វប្បធម៌​មនខ្មែរ ឥណ្ឌា អង្គរ មេ បា​ តា ​ព្រះ ​ចៅ​ យូរៗទៅ​ ចារបុរស​នេះ មក​សារភាព​ចំពោះ​មុខ​លោក​ កេង វ៉ាន់សាក់ ថា ពីរោះណាស់​ គ្មាន​វិទ្ធំស្សនានយោបាយ​អ្វីទេ​ ប៉ុន្តែ​ឥឡូវ​នេះ មេបញ្ឈប់​បេសក​កម្ម​​គាត់​ហើយ គាត់​សោកស្តាយ​មិន​បាន​រៀន​សូត្រ​ជាមួយ​លោកគ្រូ​តទៅទៀត។

Pour terminer, je dirais que l'espionnage n'est pas comparable à Janus qui a, quant à lui, deux visages. L'espionnage est multifacette et l'espion multifonctions.