ការ​បោះ​ពុម្ព​សៀវភៅ​នៅ​ស្រុក​ខ្មែរ​កំពុង​តែ​រីក​ដុះ​ដាល​។ សូម្បី​តែ​នៅ​ក្នុង​បរិបទ​កូវីដ​១៩ ក៏​គេ​សង្កេត​ឃើញ​ថា មាន​សៀវភៅ​ថ្មី​ៗ​ជា​ច្រើន​បន្ត​ចេញ​ផ្សាយ ដើម្បី​កំដរ​អារម្មណ៍​មិត្ត​អ្នក​អាន​។ យ៉ាង​ណា​ម៉ិញ ទន្ទឹម​គ្នា​នេះ គេ​ក៏​សង្កេត​ឃើញ​ដែរ​ថា ការ​លួច​ចម្លង​សៀវភៅ​យក​ទៅផលិត​ឡើង​វិញ​ក្នុង​ទម្រង់​ផ្សេង​ៗដោយ​គ្មាន​ការ​អនុញ្ញត មាន​ការ​​កើន​ឡើងគួរ​ឲ្យ​ព្រួយ​បារម្ភ​។ ការ​លួច​ចម្លង​សៀវភៅ​នេះ កំពុង​តែ​ធ្វើ​ឲ្យ​អ្នក​និពន្ធ​ជា​ច្រើន​បាត់​បង់​ប្រាក់​ចំណូល ព្រម​ទាំង​កម្លាំង​ចិត្ត រហូត​គិត​ចង់​ឈប់​តែង​និពន្ធ​ថែម​ទៀត​។