រដ្ឋាភិបាល​កម្ពុជា​បាន​កំណត់​យក​ថ្ងៃ​ទី​០៥ ខែ​មិថុនា ឆ្នាំ​២០២២ ជា​កាល​បរិច្ឆេទ​សម្រាប់​ការ​បោះ​ឆ្នោត​ជ្រើស​រើស​ក្រុម​ប្រឹក្សា​ឃុំ​សង្កាត់ អាណត្តិ​ទី​៥​។ គណៈកម្មាធិការ​ជាតិ​រៀបចំ​ការ​បោះ​ឆ្នោត ហៅ​កាត់​ថា គ.ជ.ប បាន​អះអាង​ថា ខ្លួន​បាន​ត្រៀម​លក្ខណៈ​រួច​ជា​ស្រេច​ហើយ​សម្រាប់​ការ​បោះ​ឆ្នោត​នេះ​។ យ៉ាង​ណា​ក៏​ដោយ អ្នក​ជំនាញ​កត់​សម្គាល់​ឃើញ​ថា គណៈកម្មាធិការ​ជាតិ​រៀបចំការ​បោះ​ឆ្នោត ត្រូវ​ប្រឈម​មុខ​នឹង​​វិញ្ញាសា​មួយ​ចំនួន​ ដើម្បី​ធានា​នូវ​ភាព​ជោគជ័យ​នៃ​ការ​បោះ​ឆ្នោត​ខាង​មុខ ក្នុង​បរិបទ​នៃ​ជំងឺ​កូវីដ​១៩​​។