សកម្មជនបរិស្ថាន​ សង្គម​ សកម្មជន​សិទ្ធិមនុស្ស​ និង​គណបក្សនយោបាយ​ប្រឆាំង​ ច្រើនជាង​១០នាក់​ ត្រូវបាន​អាជ្ញាធរ​កម្ពុជា​ ធ្វើការ​ដោះលែង​ជាបន្តបន្ទាប់​ក្នុងរយៈពេល​ប្រមាណ​ ២សប្តាហ៍​ចុងក្រោយនេះ។​ ដោយសារ​ការដោះលែង​សកម្មជន​ទាំងអស់នេះ​ ជួនពេល​នឹងប្រទេស​កម្ពុជា​ត្រូវធ្វើម្ចាស់ផ្ទះ​នៃ​កិច្ចប្រជុំកំពូល​អាស៊ី-អឺរ៉ុប​ និង​ធ្វើជា​ប្រធាន​អាស៊ាន​ប្តូរវេន​នៅឆ្នាំក្រោយ​ ជាហេតុនាំ​ឲ្យមានការ​សន្និដ្ឋានថា​ ការ​ដោះលែង​សកម្មជន​ទាំងអស់នេះ​ ទំនង​ជា​ជាប់ពាក់ព័ន្ធ​នឹងព្រឹត្តិការណ៍​ធំៗ​ ដែលជា​មុខមាត់​កម្ពុជា។​