Ka kɛɲɛ ni sumayabana kɛlɛlilon kɛrɛnkɛrɛnnen ye, avirilikalo tile 25, kɛnɛya jɛmukan bɛ  tali kɛ bolocifuraw ka lahalaya de kan an ka manden jamanaw kɔnɔ. Kabi san tɛmɛnen, farafinjamana dɔw ye denmisɛnw bolocili daminɛ sumayabana kama. Yala ɲɛtaga jumɛn sɔrɔla a ko la ? Sarata CAMARA n'a ka mɔgɔ welelenw b'an jaabi.

Denmisɛnw bɛ to ka fɛn minnu ta ka don u da la, n'o fɛn ninnu bɛ tila k'u kɛlɛ, an bɛ kuma olu de kan bi.  Sarata CAMARA n'a ka mɔgɔ welelenw bɛ faamuyali di an ma.

Densɔrɔbaliya  sababu ye mun de ye ? fɛɛrɛ jumɛnw de bɛ se ka sɔrɔ a la ? Bi Kɛnɛya jɛmukan baabu bɛ tali kɛ o de kan. Diɲɛ kɛnɛyako tɔnba OMS ka jatew la, diɲɛ kɔnɔ mɔgɔ wɔɔrɔ o mɔgɔ wɔɔrɔ kan, denko gɛlɛya bɛ sɔrɔ kelen na. Wa a ko kɛlen don degunba ye kɛrɛnkɛrɛnnenya la Farafinna.

Tuma caman den sɔrɔli gɛlɛya tuuru bɛ da musow de kun kasɔrɔ cɛw fana nɔ bɛ se ka ye a ko la kosɔbɛ. Walasa ka faamuyali jɔnjɔn sɔrɔ nin ko bɛɛ lajɛlen kan Sory IBRAHIM ye weele sama musofurakɛdɔgɔtɔrɔ (Gynécologie) Dr Djédi Kaba Diakité de ma ka bɔ Mali la.

Dɔgɔkun in na, kɛnɛya jɛmukan bɛ kuma "sinusite" bana de kan. Bana don min bɛ se ka kɔlɔlɔbaw lase mɔgɔw ma, n'a ma furakɛ. Sarata CAMARA n'a ka mɔgɔ welelenw b'a ɲɛfɔ anw ye.

Ɲinan sunkalo kuncɛra, nka mɔgɔ caman t'a dɔn cogo min u bɛ se ka segin u ka dumuni kɛcogo kɔrɔ ma yanni sunkalo ka daminɛ. A bɛ kɛ waati ye ka yɛlɛmaba don mɔgɔ caman ka balocogo la. Kɛnɛya tigilamɔgɔw bɛ ladilikan caman di walasa a ko kana kɛ degun ye. Ni sunkalo banna an ka kan ka dumuni sugu jumɛnw dun walima an kan ka dumuni yɛrɛ kɛ cogo di ? Sory IBRAHIM bɛ dumuni kɛcogoɲuman dɔgɔtɔrɔ dɔ ɲininkan bi kɛnɛya jɛmunkan kɛnɛ kan.

An ka jɛmukan tako filanan nɛgɛkɔrɔsigi kan. A kɔlɔlɔw kɔ, bi, an bɛna kuma opereli de kan, min be kɛ yasa ka nɛgɛkɔrɔsigi kɔlɔlɔw basi.

Marisikalo tile 8 tɛmɛnen tun ye musow tɔgɔladon kɛrɛnkɛrɛnnen  ye. Don min sugandira yasa ka benkanniw kɔn musow ka hakɛw kan. O benkanniw dɔ ye musomaninw ka nɛgɛkɔrɔsigi  ye, O min bɛ kɛ ka caya farafinna. Fevuruyekalo tɛmɛnen dɔrɔn, musomanin 11 sigira nɛgɛ kɔrɔ Sénégal, minnu si bɛ kalo 5 ni san 5 cɛ. ONU y’a ko kɔn, bawo a kɔlɔlɔtan tɛ. Bi, kɛnɛya jɛmukan bɛ tali kɛ o kɔlɔlɔw de kan.

Fevuruyekalo tile 10 n'a tile 11 cɛ, sifin dɔ y'a yɛrɛ faga Sénégal jamana kɔnɔ. A tun ye bataki dɔ to a kɔ, o min kɔnɔ a be kuma hakililadegun kan, min tun b'a kan, ani cogo min na mɔgɔ si m'a janto a la. O yɛrɛ fagali in b'a yira hakililadeguntɔw be lahalaya min kɔnɔ an ka sigidaw la. Kɛnɛya jɛmukan be kuma o de kan.

Bi kɛnɛya jɛmukan bɛ baro filanan sigi bonbana kan (Cancer). O bana min kɛlɛli lon kɛrɛnkɛrɛnen tun ye fevuruyekalo tele 4 tɛmɛnen ye. Baro tako filanan in bɛ kuma bonbana furakɛliw ka lahalaya de kan farafinna. O furakɛli minnu sɔngɔ ka gɛlɛ, wa u lasɔrɔli fana man nɔgɔ banabagatɔw fɛ. Sarata CAMARAé n'a ka mɔgɔ ,welelenw bɛ ɲɛfɔli kɛ.

Dɔgɔkun in na, kɛnɛya jɛmukan be tali kɛ Soda de kan, "Hymen" faransɛkan na. O ye fara fitinin de ye, min bɛ musow dogoyɔrɔw da la. O fara in bɛ jate sigidaw kɔnɔ i n'a fɔ muso ka bogotigininya taamaseere. Kasɔrɔ, u tɛ kelen ye, u tɛ ɲɔgɔn ɲɛsira la. Sarata CAMARA n'a ka mɔgɔ welelenw bɛ ɲɛfɔli kɛ an ye.