Kɛnɛya jɛmukan

Nin dɔgɔkun in na, kɛnɛya jɛmukan be tali kɛ farigoloɲanajɛw de kan, sunkalo waati in na. 

Keretiyɛnw ni silamaw ka sunkalo daminɛna ɲɔgɔn fɛ ɲinan. O la, kɛnɛya jɛmukan b’i yɛrɛ ɲininka : dumuni kɛcogo ɲuma ye mun de ye sunkalo in kɔnɔ? Sarata CAMARA n’a ka mɔgɔ welelen b’an jabi.. Dumuni kɛcogo ɲuman dɔnbaga Dr Aminata Dramé

Maasanw ka furusa kɔlɔlɔw be se ka kɛ jumɛn ye denw ma?  kɛrɛnkɛrɛnnenya la u hakili ma? Furusa ye ko ye min be denmisɛnw degun kosɔbɛ, tuma caman na, o bɛ kɛ sababu ye ka denw jɔrɔ, k'u dusu kasi, k'u ladimi, k'u yɛrɛ jalaki. Walima ka wale gɛlɛw lase u yɛrɛ ma, walima mɔgɔ wɛrɛw ma, n'an ko "troubles du comportement" 

Mme Aoua Sanogo de y'an ka mɔgɔ weelelen ye hakilisigi dɔgɔtɔrɔ don "Psychologue"  ka bɔ Mali jamana na

Diɲɛ tɔnba ONU ka jatew la, furu bonbana ye mɔgɔ miliyɔn 1 ni kɔ de minɛ san 2020. Mɔgɔ 769 000 faatura o bana in fɛ. Farafinna, k’a sababu kɛ ko furu bonbana taamasiyɛn kɛrɛnkɛrɛnnenW tɛ ye ka teliya, o b'a kasaaraw bonya. Fɛɛrɛ jumɛn be se ka tigɛ walasa mɔgɔ k'a yɛrɛ tanga furudimi bonbana in ma ? Pr Bangaly Traore be nin bɛɛ jaabi an ye. Ale ye Conakry donka kɛnɛyaso bonbana furakɛliyɔrɔ ɲɛmaa ye.

Farafinna, mɔgɔ caman hakili la, magan ni kungololabanaw ye tubabubanaw de ye, kasɔrɔ OMS ka jatew la, mɔgɔ miliyɔn 150 ɲɔgɔn de bɛ farafinna kamanaganw, maganw ani kungololabanw bɛ ka minnu sɛgɛn. Sénégal sinemanbɔla lakodɔnnenba Halkima GADJI faatura dɔgɔkun tɛmɛnen o misali dɔ la. Magan taamasiɲɛnw bɛ dɔn cogo di? a tigi bɛ se ka dɛmɛ cogo di? Sarata CAMARA n'a maa weelelenw bɛ kuma o de kan. 

Mɔgɔw man teli ka yafa dɔgɔtɔrɔw ma n'u filila. Fili ka bonya walima a ka dɔgɔya, mɔgɔw tɛ sɔn a ma, kasɔrɔ filiw bɛ kɛ. Dɔgɔtɔrɔw bɛ se ka fili u ka baaraw la. O filiw bɛ se ka kɛ sababuw ya ka mɔgɔw bɔnɛ u nin na, wa a bɛ se ka kɛ sababu ye fana ka banabagatɔw ni dɔgɔtɔrɔw cɛ gɛlɛya. An ka bi jɛmukan bɛ boli o de kan. 

A ka seereya tun kɛra makarikoba ye. Sénégal kɔrɔn ni worodugu cɛ, muso dɔ y'a jira ko jitanya kosɔn dɔgɔtɔrɔso la, a labanna ka ji feereta de san k'a bamuso su ko. Dɔgɔtɔrɔw ka lafasatɔn, furafeerelaw, operelikɛlaw minnu bɛ Kénédougou, u bɛɛ tun ye baara sonsori dɔgɔkun kelen walasa ka nin waleya in kɔn. Halini nɔgɔya donna kow la kɔsa in na, an y'a latigɛ ka kuma o baabu de kan bi. Jikogɛlɛya minnu bɛ kɛnɛyasow la. 

Desanburukalo laban na, sénégal dɔtɔrɔw ye kɔmɔkili "rein" operasɔn saba kɛ. U ye mɔgɔ saba "rein" bɔ, k’u di mɔgɔ saba wɛrɛ ma. "Rein" ko bana be minnu na. O operasɔnw kɛra "Hôpital militaire de Ouakam" ni hôpital Dantec dɔgɔtɔrɔw de fɛ, olu de ye "rein" operasɔn fɔlɔw kɛ Sénégal san 2023. Bakuruba la, u ye operasɔn 7 de kɛ fɔlɔ. Yalla o operasɔn bɛ kɛ cogo di?

San 2023 ni ɲinan cɛ ɲɛtaga jumɛnw sɔrɔla "rein" operasɔn na? Pr El Adj Fari Ka b’o ɲininkaliw jabi. "Rein" bana dɔnbaga don, wa a ye tali kɛ nin operasɔnw la. Sarata CAMARA 

Denmisɛnw bɛ to ka fɛn minnu ta ka don u da la, n'o fɛn ninnu bɛ tila k'u kɛlɛ, an bɛ kuma olu de kan bi.  Sarata CAMARA n'a ka mɔgɔ welelenw bɛ faamuyali di an ma.

Dɔgɔkun in na kɛnɛya jɛmukan bɛ masaala ‘’produits aphrodisiaques’’ de kan. Musow ni cɛw be fɛn minnu ta, yasa k’u ka kafoɲɔgɔnyaw diya. U kɔlɔlɔtan tɛ kɛnɛya ma.