ഗാസയിൽ ഉപാധികളില്ലാതെ വെടിനിർത്തൽ വേണമെന്ന യു.എൻ പ്രമേയം അമേരിക്ക വീറ്റോ ചെയ്തതോടെ ഇസ്രായേൽ അധിനിവേശം സ‍ർവ്വനാശത്തിലേക്ക് കടന്നിരിക്കുന്നു. പലസ്തീനികളെ കുടിയൊഴിപ്പിച്ച ശേഷമുള്ള ​ഗാസയിലെ റിയൽ എസ്റ്റേറ്റ് പ്ലാൻ ട്രംപിന്റെ മേശപ്പുറത്താണെന്ന് ഇസ്രായേൽ ധനമന്ത്രി തന്നെ വെളിപ്പെടുത്തുകയുണ്ടായി. ഈ സാഹചര്യത്തിൽ എന്ത് നിലപാടാണ് ഇന്ത്യൻ ജനത സ്വീകരിക്കേണ്ടത് എന്ന് സംസാരിക്കുന്നു മുതിർന്ന സി.പി.ഐ നേതാവ് രാജാജി മാത്യു തോമസ്.

ആരോഗ്യവകുപ്പ് പുറത്തുവിട്ട കണക്ക് പ്രകാരം സംസ്ഥാനത്ത് ഈ വർഷം അമീബിക് മസ്തിഷ്ക ജ്വരം ബാധിച്ച് 17 പേരാണ് മരിച്ചത്. എങ്ങനെയാണ് ഈ രോഗത്തെ നമുക്ക് നേരിടാൻ കഴിയുന്നത്? അമീബിക് മസ്തിഷ്ക ജ്വരം തടയുന്നതിൽ ആരോ​ഗ്യ പ്രവർത്തകർക്കും പൊതുസമൂഹത്തിനും എന്തെല്ലാം ഉത്തരവാദിത്തങ്ങളാണുള്ളത്? കോഴിക്കോട് മെഡിക്കൽ കോളേജ് ജനറൽ മെഡിസിൻ വിഭാ​ഗം അസി. പ്രൊഫസർ ഡോ. ഷമീർ വി.കെ സംസാരിക്കുന്നു.

ആലപ്പുഴയിൽ നടന്ന സിപിഐയുടെ സംസ്ഥാന സമ്മേളനം എന്ത് രാഷ്ട്രീയ നിലപാടാണ് മുന്നോട്ടുവച്ചത്? ഇടത് മുന്നണിയിലെ രണ്ടാമത്തെ വലിയ ഘടകകക്ഷിയുടെ സമ്മേളനം എൽഡിഎഫ് സ‍ർക്കാരിന്റെ നയങ്ങളെയും പ്രകടനത്തെയും എങ്ങനെയാണ് വിലയിരുത്തിയത്? മുതി‍ർന്ന മാധ്യമ പ്രവർത്തകനും സിപിഐ അനുഭാവിയുമായ മുസാഫിർ സംസാരിക്കുന്നു.

എന്താണ് നേപ്പാളിൽ സംഭവിക്കുന്നത്? സോഷ്യൽ മീഡിയ ആപ്പുകളുടെ നിരോധനത്തോടുള്ള 'ജെൻ-സീ' പ്രതിഷേധം മാത്രമല്ല നേപ്പാളിൽ സംഭവിക്കുന്നതെന്നും പലതരം ജീവിതപ്രയാസങ്ങൾ കാരണം സൗത്ത് ഏഷ്യയിലെ ചെറുരാജ്യങ്ങളിൽ ഉയർന്നുവരുന്ന ജനരോഷത്തിന്റെ തുടർച്ചയാണിതെന്നും പറയുന്നു ജാമിയ മില്ലിയ ഇസ്ലാമിയ യൂണിവേഴ്സിറ്റിയിൽ ഇന്ത്യ - നേപ്പാൾ ഹൈഡ്രോ ഡിപ്ലോമസിയിൽ ​ഗവേഷകയും കാഠ്മണ്ഡുവിലെ NIICE വിസിറ്റിംഗ് ഫെലോയുമായ അമ്മു എസ് അനിൽ.

കേരളത്തിൽ പൊലീസ് നടത്തുന്ന അതിക്രമങ്ങളുടെ റിപ്പോർട്ടുകളും ദൃശ്യങ്ങളും വ്യാപകമായി പുറത്തുവന്നുകൊണ്ടിരിക്കുകയാണ്. ക്രിമിനലുകളായ പൊലീസുകാർക്കെതിരെ സർക്കാർ കർശനമായ നടപടി സ്വീകരിക്കാത്തതുകൊണ്ടും ജനങ്ങൾ ശക്തമായി പ്രതികരിക്കാത്തതുകൊണ്ടുമാണ് ഇത്തരം സംഭവങ്ങൾ അവസാനിക്കാത്തത് എന്ന് പറയുന്നു വിവരാവകാശ പ്രവർത്തകൻ കെ.വി ഷാജി.

ഓണത്തിനും മഹാബലി സങ്കല്പത്തിനും ബുദ്ധനും അശോകനുമായുള്ള ബന്ധം എന്താണ്? മനുവിന്റെയും സനാതന ധർമ്മത്തിന്റെയും തുടർച്ചകൾ വാമനനിൽ കാണാൻ കഴിയുന്നത് എന്തുകൊണ്ടാണ് ? നാരായണ​ ​ഗുരുവിന്റെയും സഹോദരൻ അയ്യപ്പന്റെയും ഡോ. ബി.ആ‍ർ അംബേദകറിന്റെയും ചിന്തകളുടെ പശ്ചാത്തലിൽ നിന്നുകൊണ്ട് വിശദീകരിക്കുന്നു കാലടി ശ്രീശങ്കര സ‍ർവകലാശാലയിലെ അധ്യാപകനും സെന്റർ ഫോർ ബുദ്ധിസ്റ്റ് സ്റ്റഡീസ് സ്ഥാപക കോ-ഓ‍ർഡിനേറ്ററുമായ ഡോ. അജയ് എസ് ശേഖർ.

ഷാങ്ഹായ് സഹകരണ സംഘടന ഉച്ചകോടിയിൽ പങ്കെടുക്കുന്നതിനായി നരേന്ദ്ര മോദി നടത്തിയ ചൈനീസ് സന്ദർശനവും ഷി ജിൻപിങുമായുള്ള ചർച്ചയും ഇന്ത്യ–ചൈന ബന്ധത്തിൽ മാറ്റങ്ങളുണ്ടാക്കുമോ? അമേരിക്കൻ നിയന്ത്രണത്തിലുള്ള ഏകധ്രുവ ലോകക്രമത്തിന് ഇത് തിരിച്ചടിയായി മാറുമോ? വിദേശകാര്യ വിദഗ്ധനും അധ്യാപകനുമായ ഡോ. ലിറാർ പുളിക്കലകത്ത് സംസാരിക്കുന്നു.

സെപ്തംബർ 20ന് ശബരിമലയിൽ ആ​ഗോള അയ്യപ്പഭക്ത സം​ഗമം സംഘടിപ്പിക്കാനൊരുങ്ങുകയാണ് കേരള സർക്കാർ. ഈ സാഹചര്യത്തിൽ, കേരളത്തിലെ അവർണ്ണ ജനവിഭാ​ഗങ്ങളുടെ ദൈവമായിരുന്ന അയ്യപ്പനെ ബ്രാഹ്മണരിൽ നിന്നും മോചിപ്പിച്ച് തിരികെ അവർണ്ണ ജനവിഭാ​ഗങ്ങൾക്ക് നൽകണമെന്ന മുദ്രാവാക്യം ഉയർത്താൻ കഴിയുമോ എന്ന ചോദിക്കുന്നു ചിന്തകനും എഴുത്തുകാരനുമായ ഡോ. ടി.എസ് ശ്യാംകുമാർ.

ഇന്ന് അയ്യൻകാളി ജയന്തി. സംവരണം എന്ന രാഷ്ട്രീയ അവകാശം തൊഴിൽ-വിദ്യാഭ്യാസ മേഖലയിൽ വ്യാപകമായി അട്ടിമറിക്കപ്പെടുകയും ഇ.ഡബ്യു.എസ് വഴി സവര്‍ണ സംവരണം നടപ്പിലാക്കുകയും ചെയ്യുന്ന കാലത്ത് അയ്യൻകാളിയെ എങ്ങനെയാണ് ഓ‍ർമ്മിക്കേണ്ടത്? അധ്യാപകനും എഴുത്തുകാരനുമായ ഡോ. ഒ.കെ സന്തോഷ് സംസാരിക്കുന്നു.

ജനപ്രതിനിധികൾക്കും രാഷ്ട്രീയ നേതൃത്വങ്ങൾക്കുമെതിരെ സ്ത്രീകൾ ഉന്നയിക്കുന്ന പരാതികൾ അവ​ഗണിക്കുകയും നിസ്സാരവത്കരിക്കുയും പരാതി ഉന്നയിച്ചവരെ ആക്ഷേപിക്കുകയും ചെയ്യുന്ന രീതി കേരളത്തിലെ എല്ലാ രാഷ്ട്രീയ പാർട്ടികളും തുടരുന്നതുകൊണ്ടാണ് രാഹുൽ മാങ്കൂട്ടത്തിലിനെ പോലെയുള്ളവർ ആവർത്തിക്കപ്പെടുന്നത് എന്ന് പറയുന്നു അധ്യാപികയും ജൻഡർ ജസ്റ്റിസ് ആക്ടിവിസ്റ്റുമായ എം സുൽഫത്ത്.