គិត​ត្រឹម​ឆ្នាំ​២០២១​នេះ ​កិច្ច​ព្រម​ព្រៀង​សន្តិភាព​ក្រុង​ប៉ារីស ចម្រើន​វ័យ​បាន​៣០​ឆ្នាំ​ហើយ​​។ ៣០​​ឆ្នាំ​មុន ភាគី​ជម្លោះ​ទាំង​៤​ក្រុម​របស់​កម្ពុជា បាន​ចុះ​ហត្ថលេខា​លើ​កិច្ច​ព្រម​ព្រៀង​សន្តិភាព​ ក្រោម​វត្តមាន​សាក្សី​ដែល​មក​ពី​១៨​ប្រទេស និង​អគ្គលេខាធិការ​អង្គការ​សហប្រជាជាតិ​។ នៅ​កម្ពុជា បើទោះ​បី​ជា​កិច្ច​ព្រម​ព្រៀង​២៣​តុលា​ត្រូវ​បាន​បក​ស្រាយ​ផ្សេង​ៗ​គ្នា​ក៏​ដោយ ប៉ុន្តែ​គ្រប់​គ្នា​សុទ្ធ​តែទទួល​ស្គាល់​ពី​តម្លៃ​របស់​វា​។ យ៉ាង​ណា​ក៏​ដោយ​​អ្នក​វិភាគ​មើល​ឃើញ​ថា កិច្ច​ព្រម​ព្រៀង​ជា​ប្រវត្តិសាស្ត្រ​នេះ មាន​តម្លៃ​អាស្រ័យ​លើ​ការ​អនុវត្ត​។