Kisa Changu

Eliot Berry, Raia wa Uingereza alikuja Kenya akiwa na umri wa miaka 19 alipotumwa na mamaye kutembea. Anasema alikuwa msumbufu na mara nyingi alikuwa akitoroka shuleni lakini alipofika Kenya alihisi kuwa nyumbani na maisha yake yakabadilika.

Alianza rasmi kuishi nchini Kenya mwaka 2011 na amejifunza Kiswahili na pia Sheng kwa lengo la kutangamana na watu wa matabaka yote.

Aidha, kwenye mitandao ya kijamii anakojulikana kama Reverend Dad, amekuwa akiwafurahisha watu kwa video za ucheshi kutumia Kiswahili. Katika Kicha Changu Podcast wiki hii tunaangazia maisha ya Reverend Dad, katika mahojaino haya na Faith Kutere.

Kwa zaidi ya mwaka mmoja sasa familia mbili kwenye eneo la Likoni katika Kaunti ya Mombasa zinaendelea kuhangaika kuwatafuta wapendwa wao ambao wanaaminika kuchukuliwa kwa nguvu na maafisa wa Idara ya Usalama.

Tumesema na familia ya Bakari Mwanyota mwenye umri wa miaka 38 wa Mtaa wa Consolata na familia ya Tunu Said mwenye umri wa miaka 55. Familia hizo mbili zinasema wapendwa wao walichukuliwa kwa nguvu mwezi Februari na Julai, 2021 na hadi sasa hawajui waliko.

Robert Menza amezungumza na familia za wawili hao katika makala haya ya Kisa Changu Podcast.

Bernard Kibet amekuwa bawabu kwa zaidi ya miaka kumi. Japo kazi hii imemwezesha kuilisha familia yake na kuwasomesha watoto wake ni kazi ii hii ambayo imemsababishia machungu ambayo hatawahi kusahau kamwe.

Kibet anasema wakati mmoja genge la majambazi lililokuwa kwenye eneo lake la kazi liliiba na kumpiga risasi kichwani bila kukusudia. Waliomwokoa walimchanganya na mili minane bila kukusudia tayari kupeleka katika hifadhi ya maiti lakini kwa bahati nzuri aliokolewa. Ilikuwa aje?

Martin Ndiema amefanya mezungumzo na Kibet katika Podcast hii.

Kijijini Namawanga, kilichoko eneo la Busunu Kaunti ya Bungoma kuna takriban familia 27 hivi. Kisicho cha kawaida ni kwamba katika kila familia kuna angalau mtoto mmoja mwenye ulemavu. Wapo waliozaliwa wakiwa na matatizo kuona, kuna wengine waliozaliwa bila viungo vya mwili kama vile miguu na mikono na wengine wanaugua ugonjwa wa seli-mundu yaani sickle cell.

Duncan Waswa amefika katika kijiji hicho na kuzungumza na baadhi ya wakazi. Haya hapa masimulizi yao ya kuhuzunisha.

Duncan Waswa amefika katika kijiji hicho na kuzungumza na baadhi ya wanakijiji. Haya hapa masimulizi yao ya kuvunja moyo.

Stephen Kwisis, mwanafunzi wa Chuo Kikuu cha Laikipia ana machungu baada ya kukosa kufaulu katika azma yake ya kuwa mbunge wakati wa uchaguzi mkuu wa Agosti 9, mwaka 2022. Kwisis mwenye umri wa miaka 24 anasema alitumia fedha za mkopo wa kufadhili elimu ya chuo kikuu, HELB kufanyia kampeni.

Mwanasiasa huyo mchanga aliyekuwa akikabiliana na washindani 13 alipata kura 156 pekee. Amezungumza na Duncan Waswa kuhusu masaibu yanayomkumba katika masimulizi yafuatayo.

Mwakilishi wa Kike wa Kaunti ya Machakos Rose Museo ana ulemavu. Museo aliyepata ulamavu huo ulemavu kufuatia ajali mwaka 2007 anasema changamoto hiyo haikumzuia kufanikisha ndoto yake ya kuwa kiongozi. Rose Mukonyo amezungumza naye anafafanua zaidi huku akiwashauri wanawake wengine wenye ulemavu kwamba wanaweza.

Mwakilishi wa Kike wa Kaunti ya Machakos, Rose Museo ni mwenye ulemavu. Museo aliyepata ulamavu huo ulemavu kufuatia ajali mwaka 2007 anasema changamoto hiyo haikumzuia kufanikisha ndoto yake ya kuwa kiongozi. Katika mazungumzo na mwanahabari wetu, Rose Mukonyo anawashauri wanawake wengine wenye ulemavu kwamba wanaweza kuafikia malengo maishani.

Silas Githaiga, mkazi wa Kijii cha Giciria, Kaunti ya Nyeri alikuwa mraibu wa mihadarati kwa miaka takriban 14.

Anasema uraibu huo ulilemaza masomo yake na akiwa katika shule ya upili alisomea shule nne tofauti kwa vile alikuwa akifukuzwa kutokana na utovu wa nidhamu. Anasema tatizo hilo liliathiri ndoa yake likazima ndoto ya kuwa mhadhiri wa chuo kikuu na hata safari yake ya kwenda ughaibuni.

Hata hivyo aliamua kurekebisha na hapo ndipo alipojiunga na chuo cha urekebishaji tabia. Kwa sasa maisha yake yamebadilika na ameamua kuwa mstari wa mbele kuwahamasisha vijana dhidi ya utumiaji wa dawa za kulevya vilevile kuwapa ushauri nasaha. Pata masimulizi kamili katika Kisa Changu Podcast na Edwin Mbugua.

Beatrice Wawera mwenye umri wa miaka 24 amekuwa katika njiapanda tangu utotoni hadi sasa. Anasema alipokuwa mdogo hakujua alikuwa tofauti na wasichana wengine kwani alizaliwa na sehemu mbili za siri - ya kiume na kike na wazazi wake walimtambua kuwa msichana.

Lakini alipoanza kubaleghe, mambo yalianza kubadilika. Anasema hakuwa na matiti wala kupata hedhi kama wasichana wengine. Isitoshe, alianza kupata hisia za kimapenzi kwa wasichana wengine hali iliyomchanganya hata zaidi hasa baada ya kudhulumiwa na wasichana ao, hao.

Anasema maisha hayajakuwa rahisi na hata wakati mmoja alijaribu kujiua.

Je, imekua vipi na safari yake ya kujitambua rasmi kuwa mwanaume imefikia wapi? Fahamu zaidi katika makala haya ya Kisa Changu Podcast na Carren Omae.

Elidah Maita mkazi wa Roysambu, Nairobi ni mwanaharakati wa kutetea haki za watu walio katika uhusiano wa jinsia moja na wa jinsia tambuka yaani ''Queer''.

Anasema alianza kuhisi akiwa tofauti na wasichana wengine akiwa na umri wa miaka kumi pekee na licha ya kumuuliza mamake mzazi maswali chungu nzima hakupata maelezo ambayo yangemsaidia kuelewa hali yake.

Maita mwenye umri wa miaka 25 anasema ari yake ya uanaharakati na kuihamasisha jamii kuhusu ''LGBT-Q+'' ilitokana na changamoto alizopitia alipokuwa mdogo.

Maita anasema watu kama yeye mbali na unyanyapaa wengine wamedhulumiwa bila sababu hali inayowasababishia wengine kukumbwa na msongo wa mawazo huku wengine wakijiua. Mfano anasema mienendo yake na hata jinsi anavyovaa huwafanya baadhi ya watu kumtenga. Hata hivyo, anasisitiza hilo halitazima juhudi zake za kuieleimisha jamii kuhusu LGBT-Q+.

Fahamu mengi zaidi kumhusu Maita katika makala ya ''Kisa Changu Podcast'' na Robert Menza.