កម្មវិធីវិទ្យុពេលព្រឹក - វីអូអេ podcast - Page 175

June 22, 2021 ព័ត៌មានពេលព្រឹក៖ ២៣ មិថុនា ២០២១ - មិថុនា 23, 2021

ព័ត៌មានអំពីកម្ពុជាមានដូចជា គណបក្សបង្កើតដោយអតីតតំណាងរាស្រ្តបក្សសង្រ្គោះជាតិចាប់ផ្តើមពង្រឹងរចនាសម្ព័ន្ធមូលដ្ឋាន។ កម្ពុជារំពឹងចំណូល៤០លានដុល្លារអាមេរិកក្នុងមួយឆ្នាំពីអាជីវកម្មរ៉ែមាសវិនិយោគដោយក្រុមហ៊ុនអូស្រ្តាលី។ រីឯព័ត៌មានអន្តរជាតិវិញមានដូចជា ព្រឹទ្ធសភាខាងគណបក្សសាធារណរដ្ឋគ្រោងរារាំងសេចក្តីព្រាងច្បាប់សិទ្ធិបោះឆ្នោតសហរដ្ឋអាមេរិក។ ការសិក្សារបស់ទីភ្នាក់ងារគ្រប់គ្រងនិងបង្ការជំងឺថា យុវជនអាមេរិកាំងទំនងទទួលការចាក់វ៉ាក់សាំងកូវីដ១៩ តិចជាងមនុស្សចាស់។ មនុស្សបួននាក់ស្លាប់ក្នុងការប៉ះទង្គិចគ្នារវាងទាហានមីយ៉ាន់ម៉ានិងកងជីវពលប្រឆាំងរដ្ឋប្រហារយោធា។ សហគមន៍អឺរ៉ុប សហរដ្ឋអាមេរិក អង់គ្លេស និងកាណាដារួមគ្នាដាក់ទណ្ឌកម្មលើមន្ត្រីបេឡារុស។ ប្រធានាធិបតីហ្វីលីពីនគំរាមចាប់ខ្លួនជនជាតិហ្វីលីពីនដែលបដិសេធមិនព្រមចាក់វ៉ាក់សាំង។ លោកស្រី Angelina Jolie តារាភាពយន្ត Hollywood ធ្វើទស្សនកិច្ចទៅប្រទេសបួគីណាហ្វាសូ។ អូស្ត្រាលីនាំមុខគេក្នុងការកសាងកែវយឹតដ៏អស្ចារ្យដើម្បីស្វែងយល់អាថ៌កំបាំងនៃសាកលលោកនាពេលកកើតដំបូង៕

30 min

June 21, 2021 ព័ត៌មានពេលព្រឹក៖ ២២ មិថុនា ២០២១ - មិថុនា 22, 2021

ព័ត៌មានអំពីកម្ពុជាមានដូចជា ក្រុមសិទ្ធិមនុស្សព្រួយបារម្ភបន្ថែមទៀតអំពីសិទ្ធិសេរីភាពក្នុងការបញ្ចេញមតិ ក្រោយចាប់ខ្លួនសកម្មជនបរិស្ថានវ័យក្មេង៣នាក់។ ក្រុមហ៊ុនអូស្ត្រាលីចាប់ផ្តើមអាជីវកម្មអណ្តូងរ៉ែមាសសម្រាប់ពាណិជ្ជកម្មលើកដំបូងនៅក្នុងប្រទេសកម្ពុជា។ សង្គមស៊ីវិលបារម្ភការរឹតត្បិតសេរីភាព ក្រោយអ្នកយកព័ត៌មានម្នាក់ត្រូវហាមឃាត់មិនឲ្យថតវីដេអូទាក់ទងនឹងការបណ្តេញពលរដ្ឋចេញពីផ្ទះបណ្តែតទឹក។ រីឯព័ត៌មានអន្តរជាតិវិញមានដូចជា នាយករដ្ឋមន្ត្រីស៊ុយអែតបានត្រូវបណ្តេញចេញពីតំណែងនៅក្នុងការបោះឆ្នោតមិនទុកចិត្តនៅក្នុងសភាជាលើកទី១។ សហភាពអឺរ៉ុបប្រកាសការដាក់ទណ្ឌកម្មថែមទៀតលើប្រទេសបេឡារុស។ កាសែតគាំទ្រប្រជាធិបតេយ្យក្រុងហុងកុង HK Apple Daily អាចឈប់បោះពុម្ពផ្សាយនៅសប្តាហ៍នេះ។ ប្រទេសជប៉ុនចាប់ផ្តើមកម្មវិធីចាក់វ៉ាក់សាំងនៅកន្លែងធ្វើការ។ អាល្លឺម៉ង់ចាប់ខ្លួនអ្នកវិទ្យាសាស្ត្ររុស្ស៊ីម្នាក់អំពីការធ្វើចារកម្មឲ្យរដ្ឋាភិបាលក្រុងមូស្គូ។ ប្រេសិតកំពូលអាមេរិកថា ការវាយប្រហាររបស់ចិនលើ«កងកម្លាំងបរទេស»គំរាមកំហែងដល់ជំហរជាសាកលរបស់ហុងកុង៕

30 min

June 20, 2021 ព័ត៌មានពេលព្រឹក៖ ២១ មិថុនា ២០២១ - មិថុនា 21, 2021

ព័ត៌មានអំពីកម្ពុជាមានដូចជា អ្នកវិភាគឃើញឥទ្ធិពលកម្ពុជា លេចឡើងក្នុងចំណោមមហាអំណាចចិននិងអាមេរិក។ រីឯព័ត៌មានអន្តរជាតិវិញមានដូចជា អ្នកទោសនយោបាយរាប់រយនាក់ត្រូវបានឃុំខ្លួននៅក្នុងពន្ធនាគារក្នុងក្រុងរ៉ង់ហ្គូន ប៉ុន្តែការសួរចម្លើយ និងការធ្វើទារុណកម្មត្រូវបានធ្វើឡើងនៅកន្លែងផ្សេង។ ការស្រាវជ្រាវរកឃើញថា ស្ត្រីជាម្តាយដែលបានចាក់វ៉ាក់សាំងបង្ការកូវីដ១៩ អាចផ្តល់អង់ទីគ័រការពារជំងឺដល់ទារក៕

30 min

June 19, 2021 ព័ត៌មានពេលព្រឹក៖ ២០ មិថុនា ២០២១ - មិថុនា 20, 2021

ព័ត៌មានអំពីកម្ពុជាមានដូចជា អ្នកវិភាគឃើញឥទ្ធិពលកម្ពុជា លេចឡើងក្នុងចំណោមមហាអំណាចចិននិងអាមេរិក។ រីឯព័ត៌មានអន្តរជាតិវិញមានដូចជា ប្រទេសអាស៊ីខាងត្បូងងាកទៅរកចិនដើម្បីទទួលបានវ៉ាក់សាំងប្រឆាំងជំងឺកូវីដ១៩ បន្ទាប់ពីប្រទេសឥណ្ឌាផ្អាកការនាំចេញវ៉ាក់សាំងរបស់ខ្លួន៕

30 min

June 18, 2021 ព័ត៌មានពេលព្រឹក៖ ១៩ មិថុនា ២០២១ - មិថុនា 19, 2021

ព័ត៌មានអំពីកម្ពុជាមានដូចជា សង្គមស៊ីវិលស្នើរដ្ឋាភិបាលជួយបន្ថែមទៀតដល់អ្នករងគ្រោះដោយសារកូវីដ១៩ទាំងវិស័យសេដ្ឋកិច្ចក្នុងនិងក្រៅប្រព័ន្ធ។ ក្រុម«ស្ត្រីថ្ងៃសុក្រ»បន្តការតវ៉ាខណៈសម្ពាធពីខាងក្រៅឲ្យដោះលែងស្វាមីមិនទាន់មានលទ្ធផល។ ពលរដ្ឋរងការបណ្តេញចេញពីលើទឹកមិនចង់ទៅនៅក្អមសំណ ដោយស្នើសុំចតផ្ទះទឹកនិងរស់នៅជិតភ្នំពេញ៕

30 min

June 17, 2021 ព័ត៌មានពេលព្រឹក៖ ១៨ មិថុនា ២០២១ - មិថុនា 18, 2021

ព័ត៌មានអំពីកម្ពុជាមានដូចជា ធនាគារពិភពលោកថាកំណើនសេដ្ឋកិច្ចកម្ពុជាអាចកើនដល់៤ភាគរយសម្រាប់ឆ្នាំ២០២១ បើគ្មានវិធានការបិទខ្ទប់បន្ត។ អាមេរិកបញ្ចប់ជំនួយការពារព្រៃឡង់កម្ពុជា ក្រោមហេតុផលថាបញ្ហាព្រួយបារម្ភមិនត្រូវបានដោះស្រាយ។ អ្នកនាំពាក្យប៉ូលិសថា យុវជនបរិស្ថាន៣នាក់ត្រូវឃាត់ខ្លួននៅភ្នំពេញក្នុងការចោទប្រកាន់«រួមគំនិតក្បត់»៕

30 min

June 16, 2021 ព័ត៌មានពេលព្រឹក៖ ១៧ មិថុនា ២០២១ - មិថុនា 17, 2021

ព័ត៌មានអំពីកម្ពុជាមានដូចជា ករណីឆ្លងជំងឺកូវីដ១៩បន្តកើនឡើងតាមបណ្តាខេត្ត ខណៈអាជ្ញាធរបន្តពង្រឹងវិធានការទប់ស្កាត់។ ថ្នាក់ដឹកនាំគណបក្សមួយចំនួន៖ ជំងឺកូវីដ១៩ មានឥទ្ធិពលលើដំណើរការបោះឆ្នោតឃុំសង្កាត់ឆ្នាំ២០២២។ អង្គការសហប្រជាជាតិថា កម្មកររោងចក្រជាច្រើន ប្រឈមនឹងការធ្លាក់ខ្លួនក្រនិងថែមទាំងអត់ឃ្លានក្នុងគ្រាកូវីដ១៩។ រីឯព័ត៌មានអន្តរជាតិវិញមានដូចជា ប្រធានាធិបតីអាមេរិកនិងរុស្ស៊ីចាប់ផ្តើមជំនួបកំពូលដែលបានរង់ចាំជាយូរមកហើយ។ ការសិក្សាថ្មីបង្ហាញថា អ្នកជំងឺកូវីដ១៩ ជិត ២៥% ក្នុងសហរដ្ឋអាមេរិក មានរោគសញ្ញាកូវីដរយៈពេលយូរអង្វែង។ អង្គការសហប្រជាជាតិអំពាវនាវឲ្យមានសេវាកម្មផ្ញើប្រាក់កាន់តែប្រសើរឡើងដោយមានតម្លៃទាប។ អង្គការសហប្រជាជាតិព្រមានថា គ្រោះទុរ្ភិក្សក្នុងតំបន់ Tigray អាចរាលដាលដល់តំបន់ផ្សេងៗទៀតក្នុងប្រទេសអេត្យូពី។ វិស័យភាពយន្តនៅញូវយ៉កកាន់តែរីកចម្រើនទោះមានវិបត្តិកូវីដ១៩៕

30 min

June 15, 2021 ព័ត៌មានពេលព្រឹក៖ ១៦ មិថុនា ២០២១ - មិថុនា 16, 2021

ព័ត៌មានអំពីកម្ពុជាមានដូចជា តំណាងទូតអូស្រ្តាលីបារម្ភអំពីការរឹតត្បិតសិទ្ធិសេរីភាពនយោបាយនៅកម្ពុជា។ រដ្ឋសភាអនុម័តបេក្ខជនឈរឈ្មោះជាប្រធាន គ.ជ.ប ពីររូប ដែលម្នាក់ជាតំណាងរាស្រ្តបក្សកាន់អំណាច។ រីឯព័ត៌មានអន្តរជាតិវិញមានដូចជា អង្គការអូតង់បញ្ជាក់ឡើងវិញអំពីភាពខ្លាំងក្លានៃសម្ព័ន្ធភាព និងរិះគន់រុស្ស៊ីនិងចិន។ចិនថា ការណ៍ដែលអង្គការអូតង់ថាខ្លួនគំរាមកំហែងដល់សន្តិសុខសាកលលោកគឺជាការបំផ្លើស។ តៃវ៉ាន់ថាចិនបានទន្ទ្រានដែនអាកាសរបស់ខ្លួនទ្រង់ទ្រាយធំបំផុត។ សហរដ្ឋអាមេរិកនិងសហភាពអឺរ៉ុបឯកភាពគ្នាបញ្ចប់ជម្លោះអំពីថវិកាឧបត្ថម្ភសម្រាប់ក្រុមហ៊ុនផលិតយន្តហោះ។ លោក Biden ផ្សព្វផ្សាយយុទ្ធសាស្ត្រប្រឆាំងភេរវកម្មក្នុងប្រទេស «លើកដំបូងបង្អស់»។ គណបក្សកាន់អំណាចកូរ៉េខាងជើងបង្កើតមុខតំណែងថ្មី បន្ទាប់ពីលោក គីម ជុងអ៊ុន៕

30 min

June 14, 2021 ព័ត៌មានពេលព្រឹក៖ ១៥ មិថុនា ២០២១ - មិថុនា 15, 2021

ព័ត៌មានអំពីកម្ពុជាមានដូចជា មន្ត្រីបក្សកាន់អំណាចថា ការស្លាប់អតីតមេបះបោរCFFគឺដោយសារជំងឺកូវីដ១៩ តែរដ្ឋាភិបាលកម្ពុជានៅតែប្រយ័ត្ននឹងក្រុមចង់បះបោរ។ កម្ពុជាទទូចឲ្យអាមេរិកគោរពអធិបតេយ្យភាព ក្រោយមានភាពចម្រូងចម្រាសនៃដំណើរទស្សនកិច្ចនៅមូលដ្ឋានទ័ពរាម។ រីឯព័ត៌មានអន្តរជាតិវិញមានដូចជា ក្រុមប្រទេស G-7 សន្យាផ្តល់វ៉ាក់សាំងកូវីដ១៩ ជាង ១ ពាន់លានដូសដល់ប្រទេសក្រីក្រ។ ចិនជំទាស់ទៅនឹងសេចក្តីថ្លែងការណ៍របស់ក្រុមប្រទេស G-7។ ក្រុមហ៊ុន Novavaxថា វ៉ាក់សាំងកូវីដ១៩ របស់ខ្លួនមានប្រសិទ្ធភាពជាង ៩០%។ លោក Putin បដិសេធថា រុស្ស៊ីមិនបានវាយប្រហារតាមអ៊ីនធឺណិតលើសហរដ្ឋអាមេរិកទេ។ នាយករដ្ឋមន្ត្រីថ្មីនៃប្រទេសអ៊ីស្រាអែលស្បថចូលកាន់តំណែង៕

30 min

June 13, 2021 ព័ត៌មានពេលព្រឹក៖ ១៤ មិថុនា ២០២១ - មិថុនា 14, 2021

ព័ត៌មានសំខាន់ៗអំពីកម្ពុជាមានដូចជា សកម្មជនប្រើបទពិសោធន៍ផ្ទាល់ខ្លួនជួយលើកតម្កើងសហគមន៍ខ្មែរនៅរដ្ឋ Georgia។ រីឯព័ត៌មានអន្តរជាតិវិញមានដូចជា ជំនួញថ្នាំញៀននៅតំបន់ត្រីកោណមាសនៅអាស៊ីកើនឡើងខ្លាំង។ លោក Erdogan នៃប្រទេសទួរគីរងសម្ពាធជាថ្មីនៅក្រោយការចោទប្រកាន់ដោយមេពួក Mafia។ ក្រុមហ៊ុនអាកាសចរណ៍ United Airlines នឹងទិញយន្តហោះហោះលឿនជាងសំឡេង១៥គ្រឿងពីក្រុមហ៊ុនមួយនៅក្រុង Denver៕

30 min