កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

May 23, 2021 ព័ត៌មានពេលព្រឹក៖ ២៤ ឧសភា ២០២១ - ឧសភា 24, 2021
ព័ត៌មានសំខាន់ៗអំពីកម្ពុជាមានដូចជា សកម្មជនបក្សប្រឆាំងចង់ចូលរួមការបោះឆ្នោតឃុំសង្កាត់ ដោយរង់ចាំដំណោះស្រាយពីថ្នាក់ដឹកនាំបក្ស។ អូស្ត្រាលីគ្រោងបង្កើតឧទ្យានសមុទ្រសំខាន់ពីរនៅមហាសមុទ្រឥណ្ឌា។ រីឯព័ត៌មានអន្តរជាតិវិញមានដូចជា សកម្មជននៅអាហ្វ្រិកស្វាគមន៍ការគាំទ្ររបស់អាមេរិក ក្នុងការលើកលែងកម្មសិទ្ធិបញ្ញាលើការផលិតវ៉ាក់សាំង។ ករណីឆ្លងជំងឺកូវីដ១៩ នៅថៃឡើងដល់កម្រិតខ្ពស់បំផុតមួយ ខណៈការចាក់វ៉ាក់សាំងមានភាពយឺតយ៉ាវ។ អ្នកបើកកប៉ាល់រៀនពីរបៀបបញ្ចៀសការជាប់គាំងនៅក្នុងព្រែកជីក Suez៕
30 min
May 22, 2021 ព័ត៌មានពេលព្រឹក៖ ២៣ ឧសភា ២០២១ - ឧសភា 23, 2021
ព័ត៌មានសំខាន់ៗអំពីកម្ពុជាមានដូចជា ខ្មែរអាមេរិកាំងកើនចំនួន ប៉ុន្តែជីវភាពនៅតែទាប ធៀបនឹងអាស៊ីអាមេរិកាំងទូទៅ។ រីឯព័ត៌មានអន្តរជាតិវិញមានដូចជា អង្គការសហប្រជាជាតិស្វែងរកការគាំទ្រពីអន្តរជាតិចំពោះវិបត្តិជនភៀសខ្លួនរ៉ូហ៊ីងយ៉ា។ ខណៈឥទ្ធិពលចិនបន្តកើនឡើង ហ្វីលីពីននិងអាមេរិកពិភាក្សាបន្តកិច្ចព្រមព្រៀងទស្សនកិច្ចយោធា៕
30 min
May 21, 2021 ព័ត៌មានពេលព្រឹក៖ ២២ ឧសភា ២០២១ - ឧសភា 22, 2021
ព័ត៌មានសំខាន់ៗអំពីកម្ពុជាមានដូចជា កម្មវិធី COVAX ទំនងពន្យារការដឹកវ៉ាក់សាំងមកកម្ពុជា ដោយសារមហន្តរាយកូវីដនៅឥណ្ឌា។ ពិធីការិនី MyTV អះអាងថា នាងជាជនរងគ្រោះពិតប្រាកដ ហើយនាងប្រើកាំបិតដើម្បីការពារខ្លួនតែប៉ុណ្ណោះ។ លោក ឆឺយ ឧត្តមរស្មី កូនប្រុសរបស់លោក ឈុត វុទ្ធី បានទទួលបណ្ណកិត្តិយសពីអភិបាលក្រុងឡូវែលនិងព្រឹទ្ធសភា រដ្ឋសភារដ្ឋ Massachusetts។ រីឯព័ត៌មានអន្តរជាតិវិញមានដូចជា អ៊ីស្រាអែលនិងក្រុម Hamas ចាប់ផ្ដើមការឈប់បាញ់គ្នាទៅវិញទៅមកដោយគ្មានលក្ខខណ្ឌ។ អង្គការសហប្រជាជាតិស្វែងរកការគាំទ្រពីអន្តរជាតិចំពោះវិបត្តិជនភៀសខ្លួនរ៉ូហ៊ីងយ៉ា៕
30 min
May 20, 2021 ព័ត៌មានពេលព្រឹក៖ ២១ ឧសភា ២០២១ - ឧសភា 21, 2021
ព័ត៌មានសំខាន់ៗអំពីកម្ពុជាមានដូចជា កម្មករ ៥០នាក់ នៅខេត្តកំពង់ចាមឆ្លងជំងឺកូវីដ១៩ នាំឲ្យមានការព្រួយបារម្ភឆ្លងរាលដាលច្រើន។ លោក ហ៊ុន សែន ការពារនយោបាយការបរទេសកម្ពុជានិងប្រជាធិបតេយ្យ ក្នុងគ្រាមានការចោទប្រកាន់លម្អៀងទៅចិន។ រីឯព័ត៌មានអន្តរជាតិវិញមានដូចជា ចិនផ្អាកកិច្ចសន្ទនាសេដ្ឋកិច្ចជាមួយអូស្ត្រាលី។ ក្រុមអង្គការឥស្លាមអាមេរិកាំងធ្វើពហិការមិនចូលរួមពិធីបុណ្យ Eid នៅសេតវិមាន។ បុគ្គលិកសុខាភិបាលអេស្ប៉ាញចាក់វ៉ាក់សាំងឲ្យពលរដ្ឋនៅតំបន់ជនបទ ដែលមិនអាចចេញពីផ្ទះបាន៕
30 min
May 19, 2021 ព័ត៌មានពេលព្រឹក៖ ២០ ឧសភា ២០២១ - ឧសភា 20, 2021
ព័ត៌មានអំពីកម្ពុជាមានដូចជា ក្រសួងការបរទេសកម្ពុជាថាកម្ពុជានិងអាមេរិកខ្វែងគំនិតគ្នាលើបញ្ហាមួយចំនួន តែប្តេជ្ញាបន្តដោះស្រាយ។ តុលាការមិនទាន់មានចំណាត់ការលើអតីតឧកញ៉ា ឌួង ឆាយ ទោះលោកលាចាកសិក្ខាបទរួចហើយ។ រីឯព័ត៌មានអន្តរជាតិវិញមានដូចជា មន្ទីរពេទ្យនៅតំបន់ Gaza ប្រឹងប្រែងទប់ទល់នឹងកំណើនអ្នកជំងឺកូវីដ១៩ និងអ្នករងរបួសដោយសារការទម្លាក់គ្រាប់បែក។ អ៊ីស្រាអែលថាខ្លួននៅពុំទាន់កំណត់ពេលវេលាណាមួយដើម្បីបញ្ចប់ការប្រយុទ្ធគ្នានៅ Gaza នោះទេ។ កោះតៃវ៉ាន់ ដែលធ្លាប់ជាគំរូនៃការគ្រប់គ្រងជំងឺកូវីដ១៩ ពេលនេះកំពុងប្រឈមនឹងការឆ្លងរាតត្បាតខ្លាំង។ លោក Biden ជិះសាកល្បងរថយន្តថ្មីដើម្បីជំរុញការផលិតរថយន្តដើរដោយចរន្តអគ្គិសនី។ ឥណ្ឌាមានអ្នកស្លាប់ដោយសារកូវីដក្នុងមួយថ្ងៃកើនដល់ជាង ៤.៥០០នាក់ ដែលជាចំនួនខ្ពស់បំផុតមិនធ្លាប់មានក្នុងពិភពលោក៕
30 min
May 18, 2021 ព័ត៌មានពេលព្រឹក៖ ១៩ ឧសភា ២០២១ - ឧសភា 19, 2021
ព័ត៌មានអំពីកម្ពុជាមានដូចជា រដ្ឋាភិបាលរៀបចំការគ្រប់គ្រងគោរមងារឧកញ៉ា ក្រោយមានភាពអវិជ្ជមានមួយចំនួន។ សង្គមស៊ីវិលរិះគន់ចំណាត់ការតុលាការក្នុងសំណុំរឿងឧកញ៉ា ហេង សៀ ខណៈមានការចាប់ សួរនិងដោះលែងបុគ្គលពាក់ព័ន្ធឆាប់រហ័ស។ រីឯព័ត៌មានអន្តរជាតិវិញមានដូចជា ប្រធានាធិបតីអាមេរិកលើកឡើងពីបទឈប់បាញ់ និងការស្លាប់របស់ជនស៊ីវិល ជាមួយមេដឹកនាំអ៊ីស្រាអែល ខណៈពលករថៃ២នាក់ត្រូវបានសម្លាប់ដោយគ្រាប់រ៉ុក្កែតរបស់ក្រុម Hamas។ សហរដ្ឋអាមេរិកបង្កើនការបរិច្ចាគវ៉ាក់សាំងបង្ការជំងឺកូវីដ១៩ ឱ្យដល់ ៨០លានដូស សម្រាប់ជួយដល់ប្រទេសនានាត្រឹមចុងខែមិថុនា។ សមាគមគ្រូពេទ្យក្នុងប្រទេសជប៉ុន អំពាវនាវឲ្យលុបចោលព្រឹត្តិការណ៍កីឡាអូឡាំពិកក្រុងតូក្យូ ដោយសារការកើនឡើងនៃជំងឺឆ្លងកូវីដ១៩។ សហរដ្ឋអាមេរិកប្រកាសដាក់ទណ្ឌកម្មបន្ថែមទៀតទៅលើរបបយោធាមីយ៉ាន់ម៉ា។ ឯកសារពន្ធប្រាក់ចំណូលបង្ហាញថា ប្រធានាធិបតីអាមេរិកនិងភរិយាបានបង់ពន្ធប្រាក់ចំណូលក្នុងអត្រា ២៥,៩% និងរកប្រាក់បានចំនួនជាង ៦សែនដុល្លារក្នុងឆ្នាំ ២០២០ និងព័ត៌មានអន្តរជាតិមួយចំនួនទៀត៕
30 min
May 17, 2021 ព័ត៌មានពេលព្រឹក៖ ១៨ ឧសភា ២០២១ - ឧសភា 18, 2021
ព័ត៌មានអំពីកម្ពុជាមានដូចជា លោក ហ៊ុន សែន ប្រាប់ឲ្យកងកម្លាំងត្រៀមប្រឆាំងនឹង«ក្រុមឧទ្ទាមក្បត់ជាតិ»ក្នុងពេលបោះឆ្នោត។ ការដោះលែង ឧកញ៉ា គិត ធាង ដែលជាប់ទោសរឿងគ្រឿងញៀន នាំឲ្យមានការរិះគន់។ រីឯព័ត៌មានអន្តរជាតិវិញមានដូចជា រដ្ឋមន្ត្រីការបទេសសហរដ្ឋអាមេរិក លោក Blinken បញ្ជាក់ថា អាមេរិកមិនទាន់ជំរុញឲ្យមានបទឈប់បាញ់បន្ទាន់ណាមួយក្នុងតំបន់មជ្ឈិមបូព៌ានោះទេ។ កម្មវិធីវ៉ាក់សាំង COVAX របស់អង្គការសុខភាពពិភពលោកកំពុងខ្វះខាតវ៉ាក់សាំងបង្ការជំងឺកូវីដ១៩យ៉ាងខ្លាំង។ ជំងឺកូវីដ១៩ បំប្លែងខ្លួនថ្មីពីឥណ្ឌាធ្វើឲ្យទីប្រឹក្សារដ្ឋាភិបាលអង់គ្លេសមានក្តីបារម្ភថា អាចមានការឆ្លងរាតត្បាតក្នុងប្រទេសអង់គ្លេស។ បេក្ខជនបវរកញ្ញាចក្កវាឡរបស់មីយ៉ាន់ម៉ាបង្ហាញការប្រឆាំងនឹងរបបយោធាក្នុងអំឡុងការប្រកួតផ្តាច់ព្រ័ត្រនៅសហរដ្ឋអាមេរិក។ ការធ្វើជំនួញផ្សារភាគហ៊ុនរបស់ក្រុមហ៊ុនព័ត៌មានដែលប្រឆាំងអាជ្ញាធរក្រុងហុងកុង ត្រូវបានផ្អាក។ ជំងឺកូវីដ១៩ បង្ខំឲ្យផ្អាកការប្រារព្ធពិធីបុណ្យ Eid al-Fitr របស់អ្នកកាន់សាសនាឥស្លាមជាបន្តនៅឆ្នាំនេះ៕
30 min
May 16, 2021 ព័ត៌មានពេលព្រឹក៖ ១៧ ឧសភា ២០២១ - ឧសភា 17, 2021
ព័ត៌មានសំខាន់ៗអំពីកម្ពុជាមានដូចជា សកម្មជនបរិស្ថានជំរុញឲ្យអាជ្ញាធររកឈ្មួញនាំឈើប្រភេទកម្រចេញពីកម្ពុជាទៅហុងកុង។ រីឯព័ត៌មានអន្តរជាតិវិញមានដូចជា ១០០ថ្ងៃក្រោយឡើងកាន់តំណែង៖ តើលោក Biden ធ្វើតាមការសន្យារបស់លោកអំពីគោលការណ៍នៃការចូលរូមពហុភាគីឬទេ? ក្រុមអង្គការសង្គមស៊ីវិលជំរុញឱ្យមានការដាក់ទណ្ឌកម្មហាមឃាត់ការលក់អាវុធទៅឱ្យមីយ៉ានម៉ា។ ប្រធានាធិបតីម៉ាឡាវីប្រកាសពីវិធានការដើម្បីធ្វើឱ្យប្រសើរឡើងនូវលក្ខខណ្ឌការងារសម្រាប់កម្មករ។ យោធានីហ្សេរីយ៉ាគាំទ្រលោក Buhari ខណៈការអំពាវនាវឲ្យលោកលាលែងពីតំណែងកើនឡើង៕
30 min
May 15, 2021 ព័ត៌មានពេលព្រឹក៖ ១៦ ឧសភា ២០២១ - ឧសភា 16, 2021
ព័ត៌មានសំខាន់ៗអំពីកម្ពុជាមានដូចជា ការផ្ទុះឆ្លងខ្លាំង ការកំហិត និងជំនួយចិន ជំរុញសន្ទុះចាក់វ៉ាក់សាំងបង្ការកូវីដនៅកម្ពុជា។ ការឆ្លងជំងឺកូវីដ១៩ កើនឡើងតាមបណ្តាខេត្តមួយចំនួន ក្រោយដកបម្រាមធ្វើដំណើរ។ រីឯព័ត៌មានអន្តរជាតិវិញមានដូចជា ខណៈឥទ្ធិពលចិនបន្តកើនឡើង ហ្វីលីពីននិងអាមេរិកពិភាក្សាបន្តកិច្ចព្រមព្រៀងទស្សនកិច្ចយោធា៕
30 min
May 14, 2021 ព័ត៌មានពេលព្រឹក៖ ១៥ ឧសភា ២០២១ - ឧសភា 15, 2021
ព័ត៌មានសំខាន់ៗអំពីកម្ពុជាមានដូចជា សកម្មជនបរិស្ថានជំរុញឲ្យអាជ្ញាធររកឈ្មួញនាំឈើប្រភេទកម្រចេញពីកម្ពុជាទៅហុងកុង។ មន្រ្តីជាន់ខ្ពស់រដ្ឋាភិបាលម្នាក់ចាក់វ៉ាក់សាំងអាស្ត្រាហ្សេនីការួចហើយ តែឆ្លងជំងឺកូវីដ១៩។ រីឯព័ត៌មានអន្តរជាតិវិញមានដូចជា កំណើនអំពើហិង្សារវាងអ៊ីស្រាអែលនិងក្រុមហាម៉ាសបង្កើនកង្វល់ក្នុងតំបន់។ ឬសគល់នៃជម្លោះនៅតំបន់ Tigray ក្នុងប្រទេសអេត្យូពី៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។