កម្មវិធីវិទ្យុពេលព្រឹក - វីអូអេ podcast - Page 180

May 03, 2021 ព័ត៌មានពេលព្រឹក៖ ៤ ឧសភា ២០២១ - ឧសភា 04, 2021

ព័ត៌មានអំពីកម្ពុជាមានដូចជា លោក ហ៊ុន សែន ថា ការបិទខ្ទប់ទីក្រុងត្រូវបញ្ចប់ចាប់ពីថ្ងៃទី ៦ ខែឧសភា តែតំបន់មានហានិភ័យត្រូវរាំងខ្ទប់ដដែល។ កម្ពុជាប្រារព្ធទិវាសារព័ត៌មាន ខណៈសង្គមស៊ីវិលជំរុញឲ្យរដ្ឋាភិបាលធានាសេរីភាពសារព័ត៌មាន។ រីឯព័ត៌មានអន្តរជាតិវិញមានដូចជា ប្រទេសថៃមានអ្នកស្លាប់ថ្មីប្រចាំថ្ងៃដោយសារជំងឺកូវីដ១៩ កើនដល់ ៣១ នាក់ដែលមិនធ្លាប់មាន។ សហរដ្ឋអាមេរិករឹតបន្តឹងការធ្វើដំណើរទៅនិងមកពីប្រទេសឥណ្ឌាចាប់ពីថ្ងៃអង្គារនេះតទៅ និងបានបញ្ជូនជំនួយសម្រាប់ទប់ទល់ជំងឺកូវីដទៅកាន់ប្រទេសនេះ។ កោះតៃវ៉ាន់ដាក់បម្រាមការធ្វើដំណើរមកពីប្រទេសឥណ្ឌា ខណៈឥណ្ឌូណេស៊ីរកឃើញករណីដំបូងនៃវីរុសបម្លែងថ្មីមានប្រភពពីឥណ្ឌា។ ក្រុមឧទ្ទាមមីយ៉ាន់ម៉ាថា ខ្លួនបានបាញ់ទម្លាក់ឧទ្ធម្ភាគចក្ររបស់យោធាមួយគ្រឿង គឺមួយថ្ងៃក្រោយបាតុករប្រឆាំងតវ៉ា៨នាក់ ត្រូវបានអាជ្ញាធរបាញ់សម្លាប់។ នាយករដ្ឋមន្ត្រីនូវែលសេឡង់លើកឡើងថា ការខ្វែងគំនិតគ្នាជាមួយចិនអំពីបញ្ហារំលោភសិទ្ធិមនុស្សជា «ការពិបាកក្នុងការសម្របសម្រួល»។ វិបត្តិនៅលីបង់បង្កើតឱ្យមានគំនិតច្នៃប្រតិដ្ឋផ្គត់ផ្គង់ខ្លួនឯង។ ប្រទេសស៊ីមបាវ៉េរំពឹងលើថ្នាំជក់នៅពេលអនាគត ទោះបីជាមានយុទ្ធនាការប្រឆាំងការជក់បារីក្តី៕

30 min

May 02, 2021 ព័ត៌មានពេលព្រឹក៖ ៣ ឧសភា ២០២១ - ឧសភា 03, 2021

ព័ត៌មានអំពីកម្ពុជាមានដូចជា ធនាគារ ADB៖ សេដ្ឋកិច្ចកម្ពុជាឆ្នាំ ២០២១ អាចកើន ៤% តែត្រូវមើលស្ថានភាពកូវីដ១៩ សិន។ រីឯព័ត៌មានអន្តរជាតិវិញមានដូចជា រដ្ឋាភិបាលក្រុងប៉េកាំងស្នើឲ្យនាយកអង្គការ WHO ឈប់ស៊ើបអង្កេតទៅលើទ្រឹស្តីថា វីរុសកូរ៉ូណា «ធ្លាយចេញពីមន្ទីរពិសោធន៍»។ បណ្ដាក្រុមជាតិសាសន៍ភាគតិចប្រដាប់អាវុធកំពុងរួបរួមជាមួយនឹងសកម្មជនប្រឆាំងរដ្ឋប្រហារនៅមីយ៉ាន់ម៉ា។ បុគ្គលិកសុខាភិបាលអាស៊ីនៅសហរដ្ឋអាមេរិកប្រឈមនឹងការគំរាមផ្សេងទៀតក្រៅពីជំងឺកូវីដ៕

30 min

May 01, 2021 ព័ត៌មានពេលព្រឹក៖ ២ ឧសភា ២០២១ - ឧសភា 02, 2021

ព័ត៌មានអំពីកម្ពុជាមានដូចជា មនុស្ស៥៧ម៉ឺននាក់នៅ«តំបន់ក្រហម» នឹងត្រូវចាក់វ៉ាក់សាំង«កាតព្វកិច្ច»ដោយយោធា។ រីឯព័ត៌មានអន្តរជាតិវិញមានដូចជា ក្រុមអ្នកវិភាគយល់ឃើញថា រុស្ស៊ីមានមហិច្ឆតាពង្រីកឥទ្ធិពលខ្លួននៅតំបន់អាស៊ីអាគ្នេយ៍តាមរយៈយោធាមីយ៉ាន់ម៉ា។ ខណៈអំពើរើសអើងកើនឡើង ជនជាតិអាមេរិកាំងដើមកំណើតអាស៊ីនៅតែស្ទាក់ស្ទើរក្នុងការរាយការណ៍អំពីបញ្ហានេះ។ អាមេរិកថា ចិនត្រូវបង្កើនមហិច្ឆតារបស់ខ្លួនចំពោះការបញ្ចេញឧស្ម័ននៅកម្រិតសូន្យ។ អ្នកការពារបរិស្ថានបារម្ភពីការខូចខាតជាអចិន្ត្រៃយ៍ ដោយជញ្ជាំងនៅបណ្តោយព្រំដែនម៉ិកស៊ិកនិងអាមេរិក៕

30 min

April 30, 2021 ព័ត៌មានពេលព្រឹក៖ ១ ឧសភា ២០២១ - ឧសភា 01, 2021

ព័ត៌មានអំពីកម្ពុជាមានដូចជា ពលរដ្ឋខ្លះនៅតំបន់ក្រហមតវ៉ាសុំស្បៀង ចំពេលមានការព្រមានពី«វិបត្តិមនុស្សធម៌»។ រីឯព័ត៌មានអន្តរជាតិវិញមានដូចជា រដ្ឋនានានៅឥណ្ឌាអស់វ៉ាក់សាំងកូវីដ១៩ ហើយការចាក់វ៉ាក់សាំងនេះត្រូវពន្យារពេលទូទាំងប្រទេស។ ទ្វីបអាហ្រ្វិកកាន់តែបារម្ភ ខណៈទ្វីបនេះតាមដានវិបត្តិកូវីដ១៩ នៅឥណ្ឌា។ សកម្មជនហុងកុងលោក Joshua Wong ទទួលកំហុសចំពោះការជួបជុំខុសច្បាប់ថ្ងៃទី៤ មិថុនា។ រមណីយដ្ឋាន Disneyland បើកឡើងវិញនិងបង្ហាញពីការត្រឡប់ទៅរកជីវិតធម្មតាវិញនៅរដ្ឋ California។ កម្មវិធីអភិវឌ្ឍន៍អ.ស.ប.ថា ពាក់កណ្តាលនៃប្រជាជនមីយ៉ាន់ម៉ាប្រឈមហានិភ័យធ្លាក់ចូលក្នុងភាពក្រីក្រត្រឹមឆ្នាំ ២០២២ និងព័ត៌មានផ្សេងៗទៀត៕

30 min

April 29, 2021 ព័ត៌មានពេលព្រឹក៖ ៣០ មេសា ២០២១ - មេសា 30, 2021

ព័ត៌មានអំពីកម្ពុជាមានដូចជា នគរបាលថា តំបន់ក្រហមនឹង«តឹងតែងជាងមុន» រីឯពលរដ្ឋបន្តអំពាវនាវសុំស្បៀងអាហារ។ សង្គមស៊ីវិលស្នើរដ្ឋាភិបាលគិតគូរឡើងវិញរឿងបង្ហាញអត្តសញ្ញាណអ្នកជំងឺកូវីដ១៩។ រីឯព័ត៌មានអន្តរជាតិវិញមានដូចជា លោក Biden ទៅរដ្ឋ Georgia ដែលជាចំណុចក្តៅសម្រាប់ការបោះឆ្នោត ដើម្បីផ្សព្វផ្សាយផែនការស្តារសេដ្ឋកិច្ច។ មូលដ្ឋានទ័ពអាកាសមីយ៉ាន់ម៉ា រងការបាញ់ប្រហារដោយរ៉ុក្កែត។ ប្រទេសឥណ្ឌាព្យាយាមចាប់ផ្តើមយុទ្ធនាការចាក់វ៉ាក់សាំងកូវីដ១៩ ខណៈប្រទេសនេះមានអ្នកឆ្លងសរុបលើស ១៨លាននាក់ និងព័ត៌មានអន្តរជាតិផ្សេងៗទៀត៕

30 min

April 28, 2021 ព័ត៌មានពេលព្រឹក៖ ២៩ មេសា ២០២១ - មេសា 29, 2021

ព័ត៌មានអំពីកម្ពុជាមានដូចជា ក្រសួងសុខាភិបាលកម្ពុជាថាមនុស្សជិត ៧០០ នាក់ទៀតឆ្លងកូវីដ១៩ ខណៈអ្នកស្លាប់កើនដល់ ៨៨នាក់។ ធនាគារ ADB៖ សេដ្ឋកិច្ចកម្ពុជាឆ្នាំ ២០២១ អាចកើន ៤% តែត្រូវមើលស្ថានភាពកូវីដ១៩ សិន។ តុលាការបង្គាប់ឲ្យចាប់ខ្លួន លោក សម រង្ស៊ី ចោទថាបំពានវិធានការបង្ការជំងឺកូវីដ១៩។ រីឯព័ត៌មានអន្តរជាតិវិញមានដូចជា ប្រធានាធិបតី Biden នឹងលើកឡើងពីផែនការគ្រួសារអាមេរិកនិងការធ្វើការជាមួយអន្តរជាតិក្នុងសុន្ទរកថាទៅកាន់សភា។ ឥណ្ឌាមានអ្នកស្លាប់ដោយសារជំងឺកូវីដ១៩ កើនដល់ជាង ២សែននាក់ ស្របពេលដែលការរីករាលដាលឆ្លងនៃជំងឺនេះ មិនបានថមថយនោះទេ។ ក្រុមសមាជិកព្រឹទ្ធសភាអាមេរិកជំរុញឱ្យលោកប្រធានាធិបតី Biden ដាក់ទណ្ឌកម្មបន្ថែមទៀតលើរបបយោធាមីយ៉ាន់ម៉ា។ សភាសហភាពអឺរ៉ុបផ្តល់សច្ចានុមតិលើកិច្ចព្រមព្រៀងពាណិជ្ជកម្មជាមួយចក្រភពអង់គ្លេស។ លោក Biden បញ្ចប់កិច្ចប្រជុំកំពូលស្ដីពីអាកាសធាតុដោយផ្តោតលើជំហរវិជ្ជមាន។ តុលាការស៊ីមបាវ៉េចាប់សកម្មជនប្រឆាំងពីបទញុះញង់៕

30 min

April 27, 2021 ព័ត៌មានពេលព្រឹក៖ ២៨ មេសា ២០២១ - មេសា 28, 2021

ព័ត៌មានអំពីកម្ពុជាមានដូចជា វៀតណាមថា មានវីរុសកូវីដបម្លែងថ្មីប្រភេទវ៉ារ្យ៉ង់អាហ្វ្រិកខាងត្បូង រកឃើញចេញពីកម្ពុជា។ កម្ពុជាហាមអ្នកធ្វើដំណើរពីឥណ្ឌាចូលកម្ពុជាមួយរយៈ ដោយសារបារម្ភការឆ្លងរាលដាលវីរុសកូវីដ១៩បម្លែងខ្លួនថ្មី។ ពលរដ្ឋបារម្ភខ្លាំងពីសន្តិសុខស្បៀងនិងបំណុល ខណៈការបិទខ្ទប់ក្រុងបន្តមួយសប្តាហ៍ទៀត។ លោក ហ៊ុន សែន ចង់ឃើញការបែងចែកវ៉ាក់សាំងកូវីដ១៩ ដោយសមធម៌ ខណៈកម្ពុជាចាក់វ៉ាក់សាំងបានច្រើនជាងប្រទេសអាស៊ាន។ រីឯព័ត៌មានអន្តរជាតិវិញមានដូចជា ប្រទេសឥណ្ឌាទទួលបានជំនួយបរិក្ខារពេទ្យដ៏ចាំបាច់ ខណៈអត្រាឆ្លងជំងឺកូវីដ១៩ បន្តកើនខ្ពស់។ បណ្តារដ្ឋនៅភាគខាងត្បូងនិងខាងលិចសហរដ្ឋអាមេរិក នឹងកើនអាសនៈរដ្ឋសភា ក្រោយលទ្ធផលជំរឿនពលរដ្ឋ។ អតីតប្រធានាធិបតីអាមេរិកលោក Obama ស្នើឲ្យពិភពលោកបដិសេធរបបយោធាមីយ៉ាន់ម៉ា និងព្រមានថាប្រទេសនេះអាចក្លាយជា«រដ្ឋបរាជ័យ»មួយ៕

30 min

April 26, 2021 ព័ត៌មានពេលព្រឹក៖ ២៧ មេសា ២០២១ - មេសា 27, 2021

ព័ត៌មានអំពីកម្ពុជាមានដូចជា រដ្ឋាភិបាលបន្តបិទខ្ទប់រាជធានីភ្នំពេញ និងក្រុងតាខ្មៅរហូតដល់ថ្ងៃទី ៥ ខែឧសភា។ រដ្ឋាភិបាលបញ្ចប់បម្រាមហាមឃាត់ធ្វើដំណើរឆ្លងខេត្ត ខណៈការឆ្លងកូវីដ១៩ មិនទាន់ស្រាកស្រាន្ត។ ក្រុមសិទ្ធិមនុស្សថា គួរបើកតំបន់ខ្លះនៅភ្នំពេញដើម្បីកុំឲ្យប៉ះពាល់ធ្ងន់ធ្ងរដល់ការរកស៊ីរបស់ពលរដ្ឋ។ រីឯព័ត៌មានអន្តរជាតិវិញមានដូចជា ឥណ្ឌាមានអ្នកឆ្លងជំងឺកូវីដថ្មីជាង៣សែននាក់ក្នុងថ្ងៃទី ៥ ជាប់ៗគ្នា ស្របពេលដែលប្រទេសមួយចំនួនកំពុងបញ្ជូនជំនួយដែលត្រូវការជាចាំបាច់នោះ។ ប្រទេសថៃចាប់អនុវត្តវិធានការប្រឆាំងជំងឺកូវីដ១៩ តឹងតែងជាងមុន ប៉ុន្តែអ្នកជំនាញថា នៅមិនទាន់គ្រប់គ្រាន់នៅឡើយ។ ខ្សែភាពយន្ត «Nomadland» និងអ្នកដឹកនាំជនជាតិចិនទទួលរង្វាន់ធំក្នុងពិធីប្រគល់ពានរង្វាន់អូស្ការឆ្នាំ ២០២១។ រដ្ឋាភិបាលរុស្សីគាំទ្រឲ្យមានដំណោះស្រាយផ្ទៃក្នុងសម្រាប់វិបត្តិក្នុងប្រទេសមីយ៉ាន់ម៉ា៕

30 min

April 25, 2021 ព័ត៌មានពេលព្រឹក៖ ២៦ មេសា ២០២១ - មេសា 26, 2021

ព័ត៌មានសំខាន់ៗអំពីកម្ពុជាមានដូចជា ជិត៣០ឆ្នាំក្រោយកិច្ចព្រមព្រៀងក្រុងប៉ារីសបញ្ហាអធិបតេយ្យជាតិខ្មែរ នៅតែជាកង្វល់ដល់សកម្មជន។ រីឯព័ត៌មានអន្តរជាតិវិញមានដូចជា ក្រុមអ្នកស្រាវជ្រាវរួបរួមគ្នាការពារសហសេវិកដែលត្រូវបានដាក់ទណ្ឌកម្មដោយរដ្ឋាភិបាលក្រុងប៉េកាំង។ មន្ត្រីបស្ចិមប្រទេសនិយាយថា ចារបុរសរុស្ស៊ីបង្កើនកិច្ចប្រឹងប្រែងដើម្បីទទួលបានព័ត៌មានសម្ងាត់របស់អង្គការអូតង់៕

30 min

April 24, 2021 ព័ត៌មានពេលព្រឹក៖ ២៥ មេសា ២០២១ - មេសា 25, 2021

ព័ត៌មានសំខាន់ៗអំពីកម្ពុជាមានដូចជា ចៅក្រមកម្ពុជានិង អ.ស.ប. ខ្វែងគំនិតគ្នាអំពីការតម្កល់ ឬបញ្ជូនសំណុំរឿងលោក មាស មុត ទៅកាត់ទោស។ រីឯព័ត៌មានអន្តរជាតិវិញមានដូចជា ហេតុផលដែលលោក Biden បញ្ជូននាវាចម្បាំងអាមេរិកទៅកាន់តំបន់សមុទ្រចិនខាងត្បូង ដូចលោក Trump ធ្វើក្នុងពេលកន្លងមក។ ទីក្រុងអាមេរិកតូចមួយនៅព្រំដែនទាក់ទាញការពិភាក្សាអំពីបញ្ហាជនអន្តោប្រវេសន៍៕

30 min