កម្មវិធីវិទ្យុពេលព្រឹក - វីអូអេ podcast - Page 182

April 13, 2021 ព័ត៌មានពេលព្រឹក៖ ១៤ មេសា ២០២១ - មេសា 14, 2021

ព័ត៌មានអំពីកម្ពុជាមានដូចជា រដ្ឋាភិបាលនិងមន្ត្រីអង្គការសហប្រជាជាតិខ្វែងគំនិតគ្នាលើវិធានការប្រឆាំងជំងឺកូវីដ១៩។ អតីតមន្ត្រីបក្សប្រឆាំង លោក ថាច់ សេដ្ឋា ទទួលសិទ្ធិធ្វើនយោបាយឡើងវិញ ខណៈប្រឈមបណ្តឹងតុលាការ។ រីឯព័ត៌មានអន្តរជាតិវិញមានដូចជា អាជ្ញាធរអាមេរិកស្នើឲ្យផ្អាកការចាក់វ៉ាក់សាំងកូវីដ១៩ ដែលចាក់តែមួយដូសរបស់ក្រុមហ៊ុន Johnson & Johnson។ អង្គការសុខភាពពិភពលោកព្រមានថាជំងឺរាតត្បាតកូវីដ១៩ «កំពុងឈានដល់របត់ដ៏សំខាន់មួយ»។ រដ្ឋមន្ត្រីការបរទេសអាមេរិកបញ្ជាក់ពី «ការគាំទ្រមិនងាករេ» ដល់ប្រទេសអ៊ុយក្រែននៅក្នុងជំនួបជាមួយរដ្ឋមន្ត្រីការបរទេសអ៊ុយក្រែន។ ប្រទេសហ្វីលីពីន កោះហៅឯកអគ្គរដ្ឋទូតចិនពាក់ព័ន្ធវត្តមាននាវាចិនក្នុងតំបន់ជម្លោះសមុទ្រចិនខាងត្បូង។ កោះតៃវ៉ាន់បានបង្ហាញពីនាវាចម្បាំងថ្មីរបស់កងទ័ពជើងទឹក ស្របពេលដែលប្រទេសចិនកំពុងរំលោភបំពានទៅលើតំបន់ដែនការពារអាកាសរបស់ខ្លួន។ ប្រទេសបុតស្វាណាបើកឲ្យមានរដូវបាញ់សត្វដំរីជិត២៨៧ក្បាល។ សកម្មជនបរិស្ថានអ៊ូហ្គាន់ដាប្រមូលផ្តុំសិស្សសាលាដើម្បីឲ្យពួកគេយល់ពីតម្លៃព្រៃឈើ៕

30 min

April 12, 2021 ព័ត៌មានពេលព្រឹក៖ ១៣ មេសា ២០២១ - មេសា 13, 2021

ព័ត៌មានអំពីកម្ពុជាមានដូចជា ក្រុមអ្នកជំនាញអង្គការសហប្រជាជាតិជំរុញឲ្យកម្ពុជាពិនិត្យឡើងវិញទៅលើវិធានការទប់ស្កាត់ជំងឺកូវីដ១៩របស់ខ្លួន។ សង្គមស៊ីវិលថា នាយករដ្ឋមន្ត្រីមានឥទ្ធិពលលើសារព័ត៌មាន ក្រោយដកអាជ្ញាបណ្ណអ្នកកាសែតម្នាក់។ លោក ហ៊ុន សែន ហៅការអំពាវនាវរបស់លោក សម រង្ស៊ី ថា«មានគោលបំណងឲ្យពលរដ្ឋទៅដណ្តើមវ៉ាក់សាំង»។ រីឯព័ត៌មានអន្តរជាតិវិញមានដូចជា បុគ្គលិកសុខាភិបាលអាស៊ីនៅសហរដ្ឋអាមេរិកប្រឈមនឹងការគំរាមផ្សេងទៀតក្រៅពីជំងឺកូវីដ។ របបយោធាមីយ៉ាន់ម៉ាបន្ថែមបទចោទប្រកាន់ថ្មីចំពោះអ្នកស្រី Aung San Suu Kyi។ នាយករដ្ឋមន្ត្រីកូរ៉េខាងត្បូងទៅដល់ប្រទេសអ៊ីរ៉ង់ដើម្បីជួយធ្វើកិច្ចព្រមព្រៀងនុយក្លេអ៊ែរឡើងវិញ។ ការតវ៉ាបានផ្ទុះឡើងបន្ទាប់ពីប៉ូលិសបាញ់បុរសស្បែកខ្មៅនៅភ្លើងស្តុបក្រុង Minneapolis។ ប្រទេសថៃរាយការណ៍ករណីឆ្លងថ្មីនៃជំងឺកូវីដ១៩ ខ្ពស់បំផុត នៅមុនថ្ងៃចូលឆ្នាំ៕

30 min

April 11, 2021 ព័ត៌មានពេលព្រឹក៖ ១២ មេសា ២០២១ - មេសា 12, 2021

ព័ត៌មានសំខាន់ៗអំពីកម្ពុជាមានដូចជា រដ្ឋអាជ្ញាតុលាការព្រហ្មទណ្ឌអន្តរជាតិសន្យាពិនិត្យសំណុំរឿងកម្ពុជា មុនដំណាច់ខែមិថុនា។ រីឯព័ត៌មានអន្តរជាតិវិញ មានដូចជា អ្នកវិទ្យាសាស្ត្រយល់ថា ការតាមរកប្រភពវីរុសជំងឺកូវីដ១៩ គួរបញ្ចូលតំបន់អាស៊ីអាគ្នេយ៍ផងដែរ។ ជនភៀសខ្លួនរ៉ូហ៊ីងយ៉ារាប់ពាន់នាក់នៅឥណ្ឌារស់នៅក្នុងភាពភ័យខ្លាចការចាប់បញ្ជូនត្រឡប់ទៅប្រទេសដើមវិញ៕

30 min

April 10, 2021 ព័ត៌មានពេលព្រឹក៖ ១១ មេសា ២០២១ - មេសា 11, 2021

ព័ត៌មានសំខាន់ៗអំពីកម្ពុជាមានដូចជា ទណ្ឌិតជាង៥០០នាក់ត្រូវស្នើសុំឲ្យបន្ធូរបន្ថយនិងលើកលែងទោស នៅពេលចូលឆ្នាំខាងមុខ។ កូនស្រីអ្នកជំងឺស្លាប់ដោយជំងឺកូវីដ១៩ រៀបរាប់ក្រោយឪពុកស្លាប់ ដោយមិនដឹងថាមានវីរុសកូវីដក្នុងខ្លួន។ ធនាគារពិភពលោកនិងធនាគារអភិវឌ្ឍន៍អាស៊ីបង្កកមូលនិធិដែលត្រូវផ្តល់ទៅមីយ៉ាន់ម៉ាដើម្បីបញ្ចៀសកុំឱ្យធ្លាក់ដល់ដៃរដ្ឋាភិបាលយោធា៕

30 min

April 09, 2021 ព័ត៌មានពេលព្រឹក៖ ១០ មេសា ២០២១ - មេសា 10, 2021

ព័ត៌មានសំខាន់ៗអំពីកម្ពុជាមានដូចជា ស្នងការរងប៉ូលិសខេត្តកំពតត្រូវបានចាប់ខ្លួនបញ្ជូនទៅតុលាការពីបទសង្ស័យថាជួញដូរគ្រឿងញៀន។ កម្ពុជារកឃើញ ៥៧៦ ករណីឆ្លងថ្មីនៃជំងឺកូវីដក្នុងមួយថ្ងៃ។ ភ្នំពេញក្នុងទំនាក់ទំនងអនាគតជាមួយមេដឹកនាំថ្មីនៅហាណូយ។ រីឯព័ត៌មានអន្តរជាតិវិញមានដូចជា សំណើហេដ្ឋារចនាសម្ព័ន្ធ ២លានលានដុល្លាររបស់លោក Biden ប្រឈមការជំទាស់។ មួយឆ្នាំក្រោយមក ភាពមិនច្បាស់លាស់នៅតែមានជុំវិញកិច្ចព្រមព្រៀងសន្តិភាពអាមេរិកនិងតាលីបង់៕

30 min

April 08, 2021 ព័ត៌មានពេលព្រឹក៖ ៩ មេសា ២០២១ - មេសា 09, 2021

ព័ត៌មានសំខាន់ៗអំពីកម្ពុជាមានដូចជា ការចាក់វ៉ាក់សាំងកូវីដ១៩ ស៊ីណូវ៉ាក់នៅកម្ពុជា៖ ក្រុមអាទិភាព លក្ខខណ្ឌសុខភាព និងកន្លែងចែកចាយ។ កម្មករជិត៥០នាក់នៅភ្នំពេញត្រូវបានរកឃើញឆ្លងកូវីដ១៩ ដែលបង្កជាក្តីបារម្ភពីការផ្ទុះឆ្លងនៅតាមរោងចក្រ។ រីឯព័ត៌មានអន្តរជាតិវិញមានដូចជា ការកកឈាមដ៏កម្រដែលទាក់ទងទៅនឹងវ៉ាក់សាំង AstraZeneca នាំឲ្យប្រទេសនានាចេញសេចក្តីណែនាំថ្មី។ រដ្ឋតិចសាស់ស៊ើបអង្កេតការចោទប្រកាន់រំលោភបំពានជនចំណាកស្រុក។ ឯកអគ្គរដ្ឋទូតមីយ៉ាន់ម៉ាប្រចាំនៅអង់គ្លេសត្រូវគេចាក់សោរមិនឲ្យចូលស្ថានទូតនៅទីក្រុងឡុងដ៍។ ពាក្យសុំជំនួយពេលអត់ការងារធ្វើនៅសហរដ្ឋអាមេរិកកើនឡើងជាថ្មីទៀតកាលពីសប្តាហ៍មុន។ រដ្ឋមន្ត្រីក្រសួងគ្រប់គ្រងធនធានធម្មជាតិនិងកេរតំណែលវប្បធម៌ដោះស្រាយក្នុងបញ្ហាដីសាធារណៈនៅរដ្ឋ Utah។ អំពើប្លន់ដោយកងទ័ពជាលទ្ធផលនាំការកាន់កាប់ដោយយោធានៅមីយ៉ាន់ម៉ា ខណៈសេដ្ឋកិច្ចកាន់តែដុនដាប៕

30 min

April 07, 2021 ព័ត៌មានពេលព្រឹក៖ ៨ មេសា ២០២១ - មេសា 08, 2021

ព័ត៌មានសំខាន់ៗអំពីកម្ពុជាមានដូចជា សំណុំរឿងអតីតមេបញ្ជាការជើងទឹកខ្មែរក្រហម មាស មុត ជាប់គាំង។ សង្គមស៊ីវិលជំរុញឲ្យទុកចិត្តលើវ៉ាក់សាំង ខណៈនាយករដ្ឋមន្ត្រីព្រមានមន្ត្រីរាជការដែលមិនចាក់វ៉ាក់សាំងអាចបាត់បង់ការងារ។ អាជីវករនៅភ្នំពេញបារម្ភកាន់តែខ្លាំងអំពីការឆ្លងជំងឺកូវីដ១៩ ខណៈរដ្ឋាភិបាលរឹតបន្តឹងការធ្វើដំណើរឆ្លងខេត្ត។ រីឯព័ត៌មានអន្តរជាតិវិញមានដូចជា អ្នកស្រាវជ្រាវផ្អាកការធ្វើតេស្តវ៉ាក់សាំង AstraZeneca លើកុមារ។ ប្រទេសឥណ្ឌូនេស៊ីត្រៀមនាវាមន្ទីរពេទ្យដើម្បីជួយសង្គ្រោះជនរងគ្រោះដោយសារព្យុះស៊ីក្លូន។ អាមេរិកនិងអ៊ីរ៉ង់ចាត់ទុកការចរចាដោយប្រយោលលើកិច្ចព្រមព្រៀងនុយក្លេអ៊ែរថាជាជំហានស្ថាបនាមួយ។ ចិនព្រមានក្រុងវ៉ាស៊ីនតោនមិនឲ្យធ្វើពហិការការប្រកួតកីឡាអូឡាំពិករដូវរងា។ កិច្ចពិភាក្សារវាងមេដឹកនាំសហភាពអឺរ៉ុបនិងតួកគី ចាប់ផ្តើមដោយភាពឆ្គាំឆ្គង ដោយមេដឹកនាំជាស្ត្រីរបស់គណៈប្រតិភូអឺរ៉ុប មិនមានកៅអីអង្គុយសមរម្យ។ ជនភៀសខ្លួនរ៉ូហ៊ីងយ៉ារាប់ពាន់នាក់នៅឥណ្ឌារស់នៅក្នុងភាពភ័យខ្លាចការចាប់បញ្ជូនត្រឡប់ទៅប្រទេសដើមវិញ៕

30 min

April 06, 2021 ព័ត៌មានពេលព្រឹក៖ ៧ មេសា ២០២១ - មេសា 07, 2021

ព័ត៌មានអំពីកម្ពុជាមានដូចជា អាជ្ញាធររឹតបន្តឹងបន្ថែម ខណៈជំងឺកូវីដ១៩ រាលដាលខ្លាំងទៅតាមបណ្តាខេត្ត។ កម្ពុជាហាមឃាត់ការធ្វើដំណើរនិងបិទរមណីយដ្ឋានទេសចរណ៍រយៈពេល១៤ថ្ងៃ។ ក្រុមសិទ្ធិមនុស្សជំរុញឲ្យជួយអ្នកដែលមិនអាចបង់ប្រាក់កម្ចីទៅគ្រឹះស្ថានហិរញ្ញវត្ថុ។ រីឯព័ត៌មានអន្តរជាតិវិញមានដូចជា អ្នកជំនាញថា វ៉ាក់សាំងបង្ការថ្មីៗ មិនអាចធានាថា អាចយកឈ្នះលើជំងឺកូវីដ១៩បានទេ។ រដ្ឋអាជ្ញាអ៊ីរ៉ង់និយាយថាមន្ត្រី១០នាក់ ត្រូវបានចោទប្រកាន់ ការបាញ់ទម្លាក់យន្តហោះអ៊ុយក្រែន។ អាល្លឺម៉ង់សា្វគមន៍ជំហរអាមេរិកលើការយកពន្ធដារក្រុមហ៊ុនថាជាជំហានឆ្ពោះទៅមុខដ៏ល្អ។ ទីផ្សារអនឡាញនៅមីយ៉ាន់ម៉ាផុសឡើងដើម្បីរកប្រាក់កម្រៃជួយការប្រឆាំងតវ៉ា។ ហ្សកដានីហាមការផ្សាយព័ត៌មានពីផែនការសម្ងាត់ដោយថាវាជាជម្លោះក្នុងរាជវង្សានុវង្ស។ ប្រធានាធិបតីអ៊ីស្រាអែលជ្រើសរើសលោក Netanyahu ឲ្យបង្កើតរដ្ឋាភិបាលថ្មីមួយ។ ក្រុមហ៊ុន Facebook និង Google ប្រកាសគម្រោងខ្សែកាបក្រោមសមុទ្រភ្ជាប់អាស៊ីនិងអាមេរិកខាងជើង។ អ្នកត្បាញកប្បាសនៅប្រទេសម៉ាលីបន្ថែមតម្លៃដល់«មាសស»៕

30 min

April 05, 2021 ព័ត៌មានពេលព្រឹក៖ ៦ មេសា ២០២១ - មេសា 06, 2021

ព័ត៌មានអំពីកម្ពុជាមានដូចជា អ្នកប្រើប្រាស់ Facebook កម្ពុជាជិត៣ពាន់នាក់ស្ថិតក្នុងព្រឹត្តិការណ៍លេចធ្លាយទិន្នន័យ។ កម្ពុជា ថា អាមេរិកប្រកាន់យកតួនាទីគ្របដណ្តប់ជាការឆ្លើយតបនឹងរបាយការណ៍សិទ្ធិមនុស្ស។ រីឯព័ត៌មានអន្តរជាតិវិញមានដូចជា សវនាការកាត់ក្ដីលោក Chauvin ក្នុងសប្ដាហ៍ទីមួយមានការបង្ហាញវីដេអូរន្ធត់ និងសក្ខីកម្ម។ អង់គ្លេសថ្កោលទោសធ្ងន់ធ្ងរចំពោះការដាក់ទណ្ឌកម្មរបស់ចិនលើសមាជិកសភានិងអង្គភាពរបស់ខ្លួន។ តុលាការកំពូលសហរដ្ឋអាមេរិកបដិសេធបណ្តឹងជុំវិញលោក Donald Trump និងអ្នករិះគន់លើប្រព័ន្ធ Twitter។ សវនាការបណ្តឹងឧទ្ធរណ៍ស្តីពីអំពើពុករលួយលោក Najib Razak អតីតនាយករដ្ឋមន្ត្រីម៉ាឡេស៊ីចាប់ផ្តើម។ សកម្មជនមីយ៉ាន់ម៉ាចាប់ផ្តើមប្រើវិទ្យុដើម្បីផ្ដល់ព័ត៌មានដល់សាធារណជន បន្ទាប់ពីប្រឈមនឹងការកាត់ផ្ដាច់អ៊ីនធឺណិត។ កោះតៃវ៉ាន់រាយការណ៍ថា មានការរំលោភថ្មីៗទៀតរបស់យន្តហោះចម្បាំងចិនទៅលើតំបន់ការពារដែនអាកាសតៃវ៉ាន់។ ប្រទេសឥណ្ឌាមានករណីឆ្លងជំងឺកូវីដ១៩ ប្រចាំថ្ងៃកើនឡើងខ្ពស់បំផុតមិនធ្លាប់មានពីមុនមក។ ដោយរងសម្ពាធក្នុងប្រទេសរបស់ខ្លួនក្រុមហ៊ុនបច្ចេកវិទ្យាធំៗរបស់ចិនបានពង្រីកខ្លួនក្នុងប្រទេសសិង្ហបុរី៕

30 min

April 04, 2021 ព័ត៌មានពេលព្រឹក៖ ៥ មេសា ២០២១ - មេសា 05, 2021

ព័ត៌មានសំខាន់ៗអំពីកម្ពុជាមានដូចជា ធនាគារពិភពលោកថា កម្ពុជាត្រូវបង្កើនសមត្ថភាពគ្រប់គ្រងជំងឺកូវីដ ដើម្បីជំរុញការងើបឡើងវិញនៃសេដ្ឋកិច្ច។ រីឯព័ត៌មានអន្តរជាតិវិញមានដូចជា ការឆ្លើយតបរបស់រដ្ឋាភិបាលចំពោះការរាតត្បាតជំងឺកូវីដ១៩ ប៉ះពាល់ដល់បញ្ហាសេរីភាពពលរដ្ឋជាមូលដ្ឋាន។ ស៊ូដង់ខាងត្បូងចាប់ខ្លួនមនុស្ស ៦នាក់ ដែលត្រូវបានសង្ស័យពីការកាប់ឈើខុសច្បាប់។ បម្រាមនានាលើភោជនីយដ្ឋាន កន្លែងរៀបចំពិធី និងការសម្តែងល្ខោនក្នុងទីក្រុងញូវយ៉ក ត្រូវបានបន្ធូរ។ អនាគតនៃទំនាក់ទំនងរវាងចិននិងសហរដ្ឋអាមេរិក៕

30 min