កម្មវិធីវិទ្យុពេលព្រឹក - វីអូអេ podcast - Page 184

March 24, 2021 ព័ត៌មានពេលព្រឹក៖ ២៥ មីនា ២០២១ - មីនា 25, 2021

ព័ត៌មានអំពីកម្ពុជាមានដូចជា សង្គមស៊ីវិលជំរុញឲ្យរកយុត្តិធម៌រឿងប្រើហិង្សាក្នុងគ្រួសារ ខណៈលោក ឌួង ឆាយ បួសជាសង្ឃ។ បណ្តាញសហគមន៍ព្រៃឡង់រិះគន់ទីភ្នាក់ងារអាមេរិក USAID និងបារម្ភពីការបន្តបាត់បង់ព្រៃ។ ក្រោយប្រតិកម្មពីម្ចាស់ជំនួយ រដ្ឋាភិបាលទម្លាក់ចោលគម្រោងអភិវឌ្ឍន៍ក្បែរតំបន់អង្គរ។ អ្នកវិភាគកិច្ចការតំបន់ថាលោក Biden នឹង កៀរគរសម្ព័ន្ធមិត្តខ្លាំងឡើងក្នុងរឿងរដ្ឋប្រហារនៅមីយ៉ាន់ម៉ា។ រីឯព័ត៌មានអន្តរជាតិវិញមានដូចជា លោក Biden ជួបជាមួយទីប្រឹក្សាអន្តោប្រវេសន៍ ខណៈគណៈប្រតិភូធ្វើទស្សនកិច្ចនៅរដ្ឋ Texas។ ប្រជាជនមីយ៉ាន់ម៉ារាប់ពាន់នាក់ស្នាក់នៅផ្ទះជាផ្នែកមួយនៃកូដកម្មស្ងាត់ស្ងៀមប្រឆាំងរបបយោធា។ ក្រុមបាតុករថៃប្រឆាំងបម្រាមប៉ូលិស ដោយប្រមូលផ្តុំគ្នានៅទីក្រុងបាងកកដើម្បីទាមទារកំណែទម្រង់របបរាជាធិបតេយ្យ។ ចិនចោទសហភាពអឺរ៉ុបថា «លាក់ពុត» រឿងជនជាតិ Uyghur។ រដ្ឋមន្ត្រីការបរទេសអាមេរិក លោក Blinken គាបសង្កត់តួកគីអំពីការប្រើមីស៊ីលរុស្ស៊ី៕

30 min

March 23, 2021 ព័ត៌មានពេលព្រឹក៖ ២៤ មីនា ២០២១ - មីនា 24, 2021

ព័ត៌មានអំពីកម្ពុជាមានដូចជា សហជីពបារម្ភថាការធ្វើដំណើរទៅស្រុកកំណើតរបស់កម្មករនៅថ្ងៃចូលឆ្នាំខ្មែរ នាំឲ្យឆ្លងរាលដាលជំងឺកូវីដ១៩។ រដ្ឋាភិបាលស្នើអ្នកអភិវឌ្ឍន៍អចលនទ្រព្យឲ្យបន្ធូរបន្ថយការបង់រំលស់ប្រចាំខែ។ រីឯព័ត៌មានអន្តរជាតិវិញមានដូចជា របបយោធាមីយ៉ាន់ម៉ានិយាយការពារការបង្ក្រាប និងប្តេជ្ញាបញ្ឈប់ភាពអនាធិបតេយ្យ។ អង្គការសហប្រជាជាតិថាមនុស្ស១៥នាក់ស្លាប់និងបាត់ខ្លួន៤០០នាក់នៅក្នុងអគ្គីភ័យនៅជំរំជនភៀសខ្លួន Rohingya ក្នុងប្រទេសបង់ក្លាដែស។ ទីភ្នាក់ងារត្រួតពិនិត្យទិន្នន័យរបស់អាមេរិកចោទសួរពីសុក្រិតភាពនៃទិន្នន័យរបស់ក្រុមហ៊ុន AstraZeneca។ វៀតណាមអនុម័តឲ្យចាក់វ៉ាក់សាំង Sputnik V របស់រុស្ស៊ី សម្រាប់បង្ការជំងឺកូវីដ១៩។ លោក Biden ទៅរដ្ឋ Ohio ដើម្បីប្រារព្ធខួបលើកទី១១ ឆ្នាំនៃកម្មវិធីសុខភាព Obamacare។ ក្រុមអ្នកជំនាញថា ទំនងជាមានការបន្តគោលនយោបាយទំនាក់ទំនងរវាងសហរដ្ឋអាមេរិកនិងប្រទេសចិន ជាជាងមានការកែប្រែ៕

30 min

March 22, 2021 ព័ត៌មានពេលព្រឹក៖ ២៣ មីនា ២០២១ - មីនា 23, 2021

ព័ត៌មានអំពីកម្ពុជាមានដូចជា ក្នុងទិវាព្រៃឈើអន្តរជាតិ រដ្ឋាភិបាលនិងប្រជាសហគមន៍ខ្វែងគំនិតគ្នារឿងល្បាតព្រៃឡង់។ ក្រសួងធម្មការស្នើតុលាការចាត់វិធានការផ្លូវច្បាប់លើលោក ផែង វណ្ណៈ ទោះមានការសុំទោសរួចហើយ។ រីឯព័ត៌មានអន្តរជាតិវិញមានដូចជា រដ្ឋសភាសហរដ្ឋអាមេរិកអនុម័តសំណើច្បាប់ថ្កោលទោសរដ្ឋប្រហារនៅមីយ៉ាន់ម៉ា។ សហភាពអឺរ៉ុបអនុម័តការដាក់ទណ្ឌកម្មលើប្រទេសចិននិងមីយ៉ាន់ម៉ា។ លោក Biden និងអ្នកស្រី Harris ថ្កោលទោសការរើសអើងជាតិសាសន៍នៅសហរដ្ឋអាមេរិក។ សកម្មជនប្រជាធិបតេយ្យដែលត្រូវបានដោះលែងពីពន្ធនាគារចិនមកជាប់ក្នុងមន្ទីរឃុំឃាំងនៅហុងកុង។ ចិនថា កប៉ាល់ក្នុងសមុទ្រមានជម្លោះគឺជា «ទូកនេសាទ» បន្ទាប់ពីការតវ៉ារបស់ហ្វីលីពីន។ ការប៉ះទង្គិចគ្នានៅទីក្រុង Bristol ប្រទេសអង់គ្លេសធ្វើឱ្យប៉ូលិស ២០ នាក់រងរបួស៕

30 min

March 21, 2021 ព័ត៌មានពេលព្រឹក៖ ២២ មីនា ២០២១ - មីនា 22, 2021

ព័ត៌មានសំខាន់ៗអំពីកម្ពុជាមានដូចជា ចង្កោមឆ្លងជំងឺកូវីដ១៩ រំខានការងើបឡើងវិញនៃសេដ្ឋកិច្ចកម្ពុជា។ រីឯព័ត៌មានអន្តរជាតិវិញមានដូចជា អ្នកនិពន្ធសៀវភៅថ្មីថា ឥទ្ធិពលរបស់សហរដ្ឋអាមេរិកខ្លាំងក្លាជាងចិន នៅក្នុងតំបន់អាស៊ីអាគេ្នយ៍។ អាមេរិកថា ចិនត្រូវបង្កើនមហិច្ឆតារបស់ខ្លួនចំពោះគោលដៅកាត់បន្ថយការបញ្ចេញឧស្ម័នកាបូន។ អ្នកស្ម័គ្រចិត្តមុជទឹកឥណ្ឌូណេស៊ីយកចិត្តទុកដាក់ចំពោះសពរបស់ជនរងគ្រោះពីការធ្លាក់យន្តហោះដោយក្តីគោរព៕

30 min

March 20, 2021 ព័ត៌មានពេលព្រឹក៖ ២១ មីនា ២០២១ - មីនា 21, 2021

ព័ត៌មានសំខាន់ៗអំពីកម្ពុជាមានដូចជា លោក ហ៊ុន សែន បញ្ជាឲ្យរៀបចំ«ផែនការមេ» ចាក់វ៉ាក់សាំងបង្ការជំងឺកូវីដ១៩ និងជំរុញការចាក់ឲ្យបានលឿន។ រីឯព័ត៌មានអន្តរជាតិវិញមានដូចជា ការប្រជែងផ្នែកបច្ចេកវិទ្យារបស់អាមេរិកជាមួយចិន ទាក់ទាញការគាំទ្រពីគណបក្សធំៗទាំងពីរ។ បញ្ហាអ្នកម្នាង Meghan ក្នុងរាជវង្សអង់គ្លេស នាំឱ្យមានការខ្វែងគំនិតគ្នាក្នុងចក្រភពអង់គ្លេស តាមទស្សនៈនយោបាយនិងវប្បធម៌។ ទីភ្នាក់ងារ NASA បង្ហាញសំឡេងដំបូងនៃកាំរស្មីឡាស៊ែរដែលបាញ់លើថ្មនៅភពអង្គារ៕

30 min

March 19, 2021 ព័ត៌មានពេលព្រឹក៖ ២០ មីនា ២០២១ - មីនា 20, 2021

ព័ត៌មានសំខាន់ៗអំពីកម្ពុជាមានដូចជា មរណភាពកូវីដ«ដំបូង»នៅកម្ពុជា៖ គ្រួសាររំឭកពេលវេលាចុងក្រោយនិងការចងចាំ។ លោក ហ៊ុន សែន ថា ពលរដ្ឋនៅភ្នំពេញត្រៀមទទួលវ៉ាក់សាំង AstraZeneca នៅសល់ ខណៈវ៉ាក់សាំង ១,៥ លានដូសមកដល់នៅសប្តាហ៍ក្រោយ។ រីឯព័ត៌មានអន្តរជាតិវិញមានដូចជា ស្ត្រីអាស៊ី៦នាក់និងមនុស្ស២នាក់ផ្សេងទៀត បានស្លាប់នៅក្នុងករណីបាញ់ប្រហារនៅក្រុង Atlanta។ ក្រុមប្រទេសបួនទប់ទល់នឹងនយោបាយវ៉ាក់សាំងការទូតរបស់ចិន។ អង្គការសហប្រជាជាតិថា ការសម្លាប់ក្រុមបាតុករដោយយោធាមីយ៉ាន់ម៉ាកំពុងកើនឡើង៕

30 min

March 18, 2021 ព័ត៌មានពេលព្រឹក៖ ១៩ មីនា ២០២១ - មីនា 19, 2021

ព័ត៌មានសំខាន់ៗអំពីកម្ពុជាមានដូចជា រដ្ឋសភាកម្ពុជាជំរុញសភាអឺរ៉ុបវាយតម្លៃស្ថានភាពដោយផ្អែកលើការពិត។ រដ្ឋមន្ត្រីការពារជាតិឲ្យបង្កើនការប្រុងប្រយ័ត្ន ខណៈរកឃើញមន្ត្រីយោធាខ្លះចាក់វ៉ាក់សាំងហើយ នៅតែឆ្លងជំងឺកូវីដ១៩។ រីឯព័ត៌មានអន្តរជាតិវិញមានដូចជា អង្គការសិទ្ធិមនុស្សជំរុញឲ្យឥណ្ឌាបញ្ឈប់ផែនការបញ្ជូនជនភៀសខ្លួនរ៉ូហ៊ីងយ៉ាត្រឡប់ទៅមីយ៉ាន់ម៉ាវិញ។ សហរដ្ឋអាមេរិកនិងកូរ៉េខាងត្បូង បញ្ជាក់ជំហរជាថ្មីអំពីកូរ៉េខាងជើង។ អង្គការសុខភាពពិភពលោកឲ្យសហភាពអឺរ៉ុបបន្តប្រើវ៉ាក់សាំងកូវីដ១៩ របស់ក្រុមហ៊ុន AstraZeneca។ ពលរដ្ឋអាមេរិកដើមកំណើតអាស៊ីព្រួយបារម្ភ ក្រោយមានការបាញ់ប្រហារនៅទីក្រុង Atlanta។ ម្ចាស់អាជីវកម្មនានារបស់ជនជាតិថៃនៅទីក្រុង Atlanta តក់ស្លុត ចំពោះការបាញ់ប្រហារកាលពីថ្ងៃអង្គារ។ លោកស្រី Aung San Suu Kyi ប្រឈមនឹងការចោទប្រកាន់ថ្មីដោយរបបយោធាពីបទពុករលួយ៕

30 min

March 17, 2021 ព័ត៌មានពេលព្រឹក៖ ១៨ មីនា ២០២១ - មីនា 18, 2021

ព័ត៌មានអំពីកម្ពុជាមាន ចាងហ្វាងសារព័ត៌មានដែលរងការវាយដំ ជំរុញសមត្ថកិច្ចចាប់ជនដៃដល់ឲ្យបាន។ រីឯព័ត៌មានអន្តរជាតិវិញមានដូចជា លោក Joe Biden ធ្វើដំណើរក្នុងប្រទេសដើម្បីជំរុញកញ្ចប់ថវិកាជំនួយជីវភាពពលរដ្ឋ។ មជ្ឈមណ្ឌល Carter តាមដានការគំរាមកំហែងតាមអនឡាញក្នុងប្រទេសអេត្យូពី។ អាមេរិកថា ចិនត្រូវបង្កើនមហិច្ឆតារបស់ខ្លួនចំពោះការបញ្ចេញឧស្ម័ននៅកម្រិតសូន្យ។ ការប្រជែងផ្នែកបច្ចេកវិទ្យារបស់អាមេរិកជាមួយចិនទាក់ទាញការគាំទ្រពីគណបក្សធំៗទាំងពីរ៕

30 min

March 16, 2021 ព័ត៌មានពេលព្រឹក៖ ១៧ មីនា ២០២១ - មីនា 17, 2021

ព័ត៌មានអំពីកម្ពុជាមានដូចជា អង្គការសិទ្ធិមនុស្ស Human Rights Watch ស្នើ EU ដាក់ទណ្ឌកម្មឧត្តមសេនីយ៍១២នាក់។ មន្រ្តីសុខាភិបាលថា ថវិកាសប្បុរសជនទុកសម្រាប់ទិញវ៉ាក់សាំងកូវីដ១៩ នៅពេលក្រោយ បន្ថែមលើវ៉ាក់សាំងជំនួយ។ រីឯព័ត៌មានអន្តរជាតិវិញមានដូចជា អង្គការសហប្រជាជាតិថា តម្លៃស្បៀងអាហារនិងប្រេងឥន្ធនៈនៅមីយ៉ាន់ម៉ាបានកើនឡើងក្រោយរដ្ឋប្រហារយោធា។ សហរដ្ឋអាមេរិកការពារវិធានការរបស់ខ្លួនចំពោះការកើនឡើងនៃចំនួនកុមារចំណាកស្រុកនៅព្រំដែនភាគនិរតី។ ក្រុមហ៊ុន Moderna ប្រកាសចាប់ផ្តើមសាកល្បងវ៉ាក់សាំងកូវីដ១៩ លើកុមារ។ និយតករឱសថរបស់សហភាពអឺរ៉ុបមាន «ជំនឿមុតមាំ» លើប្រយោជន៍ដែលទទួលបានពីវ៉ាក់សាំងកូវីដ១៩ របស់ក្រុមហ៊ុន AstraZeneca។ អង្គការសុខភាពពិភពលោកថា របាយការណ៍អំពីប្រភពនៃជំងឺកូវីដ១៩ ទំនងជានឹងចេញផ្សាយនៅសប្តាហ៍ក្រោយ។ សហរដ្ឋអាមេរិកបន្ថយទំហំសមយុទ្ធយោធាជាមួយកូរ៉េខាងត្បូង៕

30 min

March 15, 2021 ព័ត៌មានពេលព្រឹក៖ ១៦ មីនា ២០២១ - មីនា 16, 2021

ព័ត៌មានអំពីកម្ពុជាមានដូចជា លោក ហ៊ុន សែន ស្នើអាជ្ញាធរខេត្តពិចារណាផ្អាកពិធីមង្គលការនិងការជួបជុំមនុស្សច្រើន។ ក្រសួងសុខាភិបាលអំពាវនាវឲ្យពលរដ្ឋចូលរួមទាំងអស់គ្នា ដើម្បីកាត់ផ្តាច់ការឆ្លងកូវីដ១៩ ក្នុងរយៈពេល២សប្តាហ៍។ កម្ពុជាព្យាយាមកាត់បន្ថយការពឹងផ្អែកលើប្រាក់ដុល្លារដោយជំនួសនឹងរូបិយបណ្ណឌីជីថល។ រីឯព័ត៌មានអន្តរជាតិវិញមានដូចជា អាមេរិកដាក់ទណ្ឌកម្មលើកូនៗរបស់មេដឹកនាំយោធាមីយ៉ាន់ម៉ា។ រយៈពេលមួយឆ្នាំ សហរដ្ឋអាមេរិកព្យាយាមទប់ស្កាត់ជំងឺរាតត្បាត។ រដ្ឋមន្ត្រីការបរទេសនិងការពារជាតិអាមេរិកធ្វើដំណើរដល់ជប៉ុន ក្នុងដំណើរទស្សនកិច្ចពង្រឹងសម្ព័ន្ធភាពនៅទ្វីបអាស៊ី។ ចិន «បារម្ភជាខ្លាំង» អំពីសុវត្ថិភាពពលរដ្ឋខ្លួននៅមីយ៉ាន់ម៉ា ក្រោយមានការវាយប្រហារលើរោងចក្រខ្លួននៅទីនោះ។ អ៊ីរ៉ង់ថាការសម្របសម្រួលគឺត្រូវការចាំបាច់ដើម្បីបញ្ចប់ភាពជាប់គាំងនៃកិច្ចព្រមព្រៀងនុយក្លេអ៊ែរអ៊ីរ៉ង់។ មេដឹកនាំបាតុកម្មនៅថៃឡើងតុលាការពីបទបង្កការបះបោរនិងប្រមាថព្រះមហាក្សត្រ៕

30 min