កម្មវិធីវិទ្យុពេលព្រឹក - វីអូអេ podcast - Page 186

March 04, 2021 ព័ត៌មានពេលព្រឹក៖ ៥ មីនា ២០២១ - មីនា 05, 2021

ព័ត៌មានអំពីកម្ពុជាមានដូចជា អង្គការហ្វារពន្លឺសិល្បៈកំពុងហាត់ត្រៀមសម្រាប់ការប្រកួតបំបែកឯតទគ្គកម្មពិភពលោករបស់ Guinness។ អតីតមន្រ្តីបក្សប្រឆាំង៖ គណបក្សថ្មី«កែទម្រង់កម្ពុជា»មិនមែនជា«សួនលម្អប្រជាធិបតេយ្យ»ទេ។ លោក ហ៊ុន សែន ឲ្យបិទការធ្វើដំណើររបស់ពលរដ្ឋពីក្រុងព្រះសីហនុទៅតំបន់ផ្សេង។ ក្រសួងសុខាភិបាលថា ជនជាតិចិនម្នាក់មានជំងឺកូវីដ១៩ ស្លាប់នៅភ្នំពេញ ខណៈរកឃើញមានសារធាតុញៀនក្នុងខ្លួន។ រដ្ឋសភាគ្រោងនឹងអនុម័តសេចក្តីព្រាងច្បាប់ស្តីពីវិធានការទប់ស្កាត់ការឆ្លងជំងឺកូវីដ១៩នៅថ្ងៃសុក្រ។ រីឯព័ត៌មានអន្តរជាតិវិញមានដូចជា ពួកយោធាមីយ៉ាន់ម៉ាប្រើ Tik Tok គំរាមកំហែងក្រុមបាតុករថា៖ «យើងនឹងបាញ់នរណាដែលយើងឃើញ»។ សហរដ្ឋអាមេរិកហៅផែនការអាល្លឺម៉ង់ដែលគ្រោងបញ្ជូននាវាចម្បាំងទៅសមុទ្រចិនខាងត្បូងថាគាំទ្រសណ្តាប់ធ្នាប់ដែលផ្អែកលើច្បាប់។ ទីភ្នាក់ងារនុយក្លេអ៊ែររបស់អង្គការសហប្រជាជាតិនិងអ៊ីរ៉ង់នឹងជួបប្រជុំគ្នាដើម្បី«បញ្ជាក់»លើបញ្ហាមួយចំនួន៕

30 min

March 03, 2021 ព័ត៌មានពេលព្រឹក៖ ៤ មីនា ២០២១ - មីនា 04, 2021

ព័ត៌មានអំពីកម្ពុជាមានដូចជា សហជីពបង្ហាញការព្រួយបារម្ភលទ្ធភាពឆ្លងបន្ថែម ក្រោយកម្មករម្នាក់មានជំងឺកូវីដ១៩។ កម្ពុជារួមជាមួយអាស៊ានបារម្ភអំពីស្ថានភាពនៅមីយ៉ាន់ម៉ា និងជំរុញឲ្យមាន«ដំណោះស្រាយដោយសន្តិវិធី»។ សហរដ្ឋអាមេរិកស្វាគមន៍ការមកដល់កម្ពុជានូវវ៉ាក់សាំង AstraZeneca សម្រាប់បង្ការជំងឺកូវីដ១៩។ រីឯព័ត៌មានអន្តរជាតិវិញមានដូចជា លោក Trump ចង់រក្សាការគ្រប់គ្រងគណបក្សសាធារណរដ្ឋ និងឲ្យតម្រុយឈរឈ្មោះបោះឆ្នោតនៅឆ្នាំ ២០២៤។ លោក Biden ថា នឹងមានវ៉ាក់សាំងគ្រប់គ្រាន់សម្រាប់ពលរដ្ឋអាមេរិកាំងពេញវ័យទាំងអស់នៅចុងខែឧសភា។ រដ្ឋមន្ត្រីការបរទេសអាមេរិកថា ចិនគឺជាការ«សាកល្បងភូមិសាស្ត្រនយោបាយធំ»បំផុតរបស់ពិភពលោក។ កងកម្លាំងអាមេរិកថា មានការវាយប្រហារដោយរ៉ុក្កែតទៅលើមូលដ្ឋានអាកាសនៅអ៊ីរ៉ាក់ដែលមានកងទ័ពអាមេរិក។ សហរដ្ឋអាមេរិកធ្វើការជាមួយសម្ព័ន្ធមិត្តលើយុទ្ធសាស្ត្រចែកវ៉ាក់សាំងកូវីដ១៩ នៅអាស៊ីដើម្បីទប់ទល់នឹងចិន។ អ្នកកាសែត៦នាក់ដែលយកព័ត៌មានអំពីភាពចលាចលនៅប្រទេសមីយ៉ាន់ម៉ាត្រូវបានចាប់ខ្លួន៕

30 min

March 02, 2021 ព័ត៌មានពេលព្រឹក៖ ៣ មីនា ២០២១ - មីនា 03, 2021

ព័ត៌មានសំខាន់ៗអំពីកម្ពុជាមានដូចជា ថ្នាក់ដឹកនាំបក្សជំទាស់ហៅការកាត់ទោសជាប់ពន្ធនាគារជាង២០ឆ្នាំម្នាក់ជា «ការប៉ុនប៉ងផ្តាច់ជីវិតនយោបាយ»។ បុរស៤នាក់នៅភ្នំពេញត្រូវបាញ់សម្លាប់ ក្នុងផែនការចាប់ជម្រិតដែលប៉ូលិសដឹងមុន។ តំណាងអង្គការ WHO អំពាវនាវឲ្យពលរដ្ឋប្រញាប់ទៅចាក់វ៉ាក់សាំង ខណៈវ៉ាក់សាំង AstraZeneca មកដល់កម្ពុជា។ សេចក្តីព្រាងច្បាប់ថ្មីដាក់ទោសជាប់ពន្ធនាគារលើអ្នកគេចវេះចត្តាឡីស័កនិងការព្យាបាលជំងឺកូវីដ១៩។ រីឯព័ត៌មានអន្តរជាតិវិញមានដូចជា ប្រធានប៉ូលិស FBI នឹងប្រឈមការចោទសួរពីសកម្មភាពជ្រុលនិយម និងកុបកម្មនៅវិមានសភាអាមេរិក។ អង្គការសុខភាពពិភពលោកថា ប្រទេស ១៤២ នឹងទទួលបានវ៉ាក់សាំង ២៣៧ លានដូសពីកម្មវិធី COVAX នៅដំណាច់ខែឧសភា។ អង្គការការពារសេរីភាពសារពត៌មានប្តឹងមន្ត្រីអារ៉ាប៊ីសាអូឌីតពីបទឧក្រិដ្ឋកម្មប្រឆាំងមនុស្សជាតិនិងព័ត៌មានផ្សេងៗទៀត៕

30 min

March 01, 2021 ព័ត៌មានពេលព្រឹក៖ ២ មីនា ២០២១ - មីនា 02, 2021

ព័ត៌មានអំពីកម្ពុជាមានដូចជា លោក សម រង្ស៊ី ចាត់ទុកការកាត់ទោសពាក់ព័ន្ធនឹងដំណើរមាតុភូមិនិវត្តន៍ជាល្បិចលោក ហ៊ុន សែន។ មេបក្សប្រឆាំងលោកសម រង្ស៊ី ច្រានចោលសាលក្រមតុលាការ ដោយចាត់ទុកថា«គួរឲ្យអស់សំណើច»។ ក្រុមជនខិលខូចបង្កើតព័ត៌មានលក់វ៉ាក់សាំងកូវីដនៅកម្ពុជា។ រីឯព័ត៌មានអន្តរជាតិវិញមានដូចជា សហភាពអឺរ៉ុបនឹងស្នើឲ្យមានលិខិតឆ្លងដែនសម្រាប់អ្នកចាក់វ៉ាក់សាំងកូវីដ១៩ រួចហើយ។ អ្នកជំនាញសិទ្ធិមនុស្សអង្គការសហប្រជាជាតិចង់ឲ្យមានការស៊ើបអង្កេតអន្តរជាតិលើករណីបំពុលលោក Alexei Navalny។ សកម្មជនគាំទ្រលទ្ធិប្រជាធិបតេយ្យ ៤៧ នាក់ ក្នុងទីក្រុងហុងកុង ឡើងតុលាការដើម្បីទទួលការចោទប្រកាន់ពីបទវិទ្ធង្សនា។ ការស្ទង់មតិអន្តរជាតិមួយបង្ហាញថា ការគាំទ្រការចាក់វ៉ាក់សាំងកូវីដ១៩ កំពុងកើនឡើង។ សហរដ្ឋអាមេរិកចូលរួមកិច្ចព្រមព្រៀងអាកាសធាតុទីក្រុងប៉ារីសឡើងវិញ៕

30 min

February 28, 2021 ព័ត៌មានពេលព្រឹក៖ ១ មីនា ២០២១ - មីនា 01, 2021

ព័ត៌មានសំខាន់ៗអំពីកម្ពុជាមានដូចជា កូវីដ១៩ រំខានសិស្សតាមបណ្តាខេត្តដែលមករៀនថ្នាក់ឧត្តមសិក្សានៅរាជធានីភ្នំពេញ។ រីឯព័ត៌មានអន្តរជាតិវិញមានដូចជា មេដឹកនាំសកម្មជនមីយ៉ាន់ម៉ា ប្ដេជ្ញាតតាំងនឹងរដ្ឋប្រហារយោធា។ ដោយលោក Alexei Navalny ជាប់ឃុំឃាំង គណបក្សប្រឆាំងនៅរុស្ស៊ី ប្រឈមនឹងអនាគតមិនប្រាកដប្រជា៕

30 min

February 27, 2021 ព័ត៌មានពេលព្រឹក៖ ២៨ កុម្ភៈ ២០២១ - កុម្ភៈ 28, 2021

ព័ត៌មានសំខាន់ៗអំពីកម្ពុជាមានដូចជា រដ្ឋាភិបាលតំបន់អាស៊ីអាគ្នេយ៍ បង្ក្រាបសេរីភាពសារព័ត៌មានបន្ថែមក្នុងអំឡុងការរាលដាលជំងឺកូវីដ១៩។ រីឯព័ត៌មានអន្តរជាតិវិញមានដូចជា សហរដ្ឋអាមេរិក ចូលរួមកិច្ចព្រមព្រៀងក្រុងប៉ារីសស្តីអំពីការប្រែប្រួលអាកាសធាតុឡើងវិញ។ កិច្ចព្រមព្រៀងវិនិយោគចិនត្រូវបានមើលឃើញថាជាការសាកល្បងទៅលើសាមគ្គីភាពរបស់សហភាពអឺរ៉ុប។ បេសកកម្មយានរុករករបស់ណាសានិងការចុះចតដ៏លំបាកនៅភពព្រះអង្គារ៕

30 min

February 26, 2021 ព័ត៌មានពេលព្រឹក៖ ២៧ កុម្ភៈ ២០២១ - កុម្ភៈ 27, 2021

ព័ត៌មានសំខាន់ៗអំពីកម្ពុជាមានដូចជា កម្ពុជានិងចិនរួមគ្នាបញ្ចៀសការរើសអើងជនជាតិចិន ខណៈករណីឆ្លងកូវីដកាន់តែច្រើន។ រីឯព័ត៌មានអន្តរជាតិវិញមានដូចជា កងជីវពលថា ការវាយប្រហាររបស់អាមេរិកនៅប្រទេសស៊ីរី បានសម្លាប់មនុស្ស ១ នាក់និងរបួសច្រើននាក់។ សហរដ្ឋអាមេរិកនិងសហភាពអ៊ឺរ៉ុប បញ្ជាក់ថា តំបន់គ្រីមៀជារបស់ប្រទេសអ៊ុយក្រែន។ ប៉ូលិសនៅប្រទេសមីយ៉ាន់ម៉ា បំបែកក្រុមអ្នកតវ៉ាប្រមូលផ្តុំគ្នានៅទីក្រុង Yangon ដោយបាញ់ព្រមាន។ សហរដ្ឋអាមេរិក នឹងចេញផ្សាយរបាយការណ៍សម្ងាត់ស្តីពីការសម្លាប់លោក Khashoggi។ លោក Tony Blair រៀបចំផែនការសម្រាប់កិច្ចសហប្រតិបត្តិការអន្តរជាតិប្រឆាំងជំងឺរាតត្បាតបន្ទាប់។ លោកអគ្គលេខាធិការអង្គការសហប្រជាជាតិ ថ្កោលទោសយោធាភូមា ថាជាអ្នករំលោភសិទ្ធិមនុស្សធ្ងន់ធ្ងរ៕

30 min

February 25, 2021 ព័ត៌មានពេលព្រឹក៖ ២៦ កុម្ភៈ ២០២១ - កុម្ភៈ 26, 2021

ព័ត៌មានសំខាន់ៗអំពីកម្ពុជាមានដូចជា កម្ពុជារក្សាជំហរថា បោះឆ្នោតឡើងវិញឬអត់ជា«កិច្ចការផ្ទៃក្នុង»របស់មីយ៉ាន់ម៉ា។ អង្គការ Amnesty International៖ ព្រៃឡង់ស្ថិតក្នុងហានិភ័យធ្ងន់ធ្ងរ ខណៈមិនមានវត្តមានអ្នកល្បាតព្រៃសហគមន៍។ រីឯព័ត៌មានអន្តរជាតិវិញមានដូចជា ពលករចំណាកស្រុកមីយ៉ាន់ម៉ានៅថៃខឹងសម្បានឹងរដ្ឋប្រហារដោយយោធា។ អ្នកគាំទ្រយោធាមីយ៉ាន់ម៉ា ប៉ះទង្គិចជាមួយបាតុករប្រឆាំងរដ្ឋប្រហារ។ សេដ្ឋកិច្ចចិនងើបឡើងវិញគួរឱ្យចាប់អារម្មណ៍ ប៉ុន្តែតើកំណើននេះអាចបន្តបានទេ? អ្នកស្រាវជ្រាវអ៊ីស្រាអែលថា វ៉ាក់សាំងកូវីដ១៩ របស់ក្រុមហ៊ុន Pfizer មានប្រសិទ្ធភាពពេលប្រើប្រាស់ជាទូទៅដូចពេលសាកល្បង។ ប៉ាគីស្ថាននិងឥណ្ឌាធ្វើកិច្ចព្រមព្រៀងដ៏កម្រដើម្បីស្តារសន្តិភាពតំបន់កាស្មៀរឡើងវិញ។ នាយករដ្ឋមន្ត្រីអាមេនីព្រមានអំពីរដ្ឋប្រហារបន្ទាប់ពីមានការទាមទារឲ្យលាលែងពីតំណែង។ អង្គការសុខភាពពិភពលោកឲ្យអាជ្ញាធរផ្តល់អាទិភាពដល់អ្នករងទុក្ខដោយជំងឺកូវីដ១៩ យូរអង្វែង៕

30 min

February 24, 2021 ព័ត៌មានពេលព្រឹក៖ ២៥ កុម្ភៈ ២០២១ - កុម្ភៈ 25, 2021

ព័ត៌មានសំខាន់ៗអំពីកម្ពុជាមានដូចជា កូវីដ១៩ រំខានសិស្សតាមបណ្តាខេត្តដែលមករៀនថ្នាក់ឧត្តមសិក្សានៅរាជធានីភ្នំពេញ។ ចង្កោមឆ្លងកូវីដក្នុងសហគមន៍រាលដាលដល់ខេត្តខ្លះរួមទាំងក្រុងព្រះសីហនុ។ រីឯព័ត៌មានអន្តរជាតិវិញមានដូចជា ការប្រឹងប្រែងរបស់ប្រទេសជិតខាង ក្នុងការបញ្ចប់វិបត្តិនៅមីយ៉ាន់ម៉ាបង្កើតជាមន្ទិលសង្ស័យក្នុងចំណោមក្រុមអ្នកតវ៉ាប្រឆាំង។ ប្រទេសវៀតណាមទទួលវ៉ាក់សាំងបង្ការជំងឺកូវីដ១៩ ជាលើកដំបូងពីកូរ៉េខាងត្បូង។ ប្រទេសហ្គាណាទទួលបានវ៉ាក់សាំងបង្ការជំងឺកូវីដ១៩ ជាលើកដំបូង តាមរយៈកម្មវិធី COVAX។ ក្រុមប្រឹក្សាសន្តិសុខអង្គការសហប្រជាជាតិពិភាក្សាពីផលប៉ះពាល់នៃការប្រែប្រួលអាកាសធាតុ។ ភ្នាក់ងារអង្គការសហប្រជាជាតិឲ្យដឹងថា ភាពអត់ឃ្លានក្នុងតំបន់អាមេរិកកណ្តាល កំពុងកើនឡើងខ្ពស់៕

30 min

February 23, 2021 ព័ត៌មានពេលព្រឹក៖ ២៤ កុម្ភៈ ២០២១ - កុម្ភៈ 24, 2021

ព័ត៌មានអំពីកម្ពុជាមានដូចជា ក្រុមសង្កេតការណ៍បោះឆ្នោតស្នើគ.ជ.ប ឈប់ប្តឹងផ្តល់ប្រឆាំងអ្នកនយោបាយ។ កម្ពុជារកឃើញកូវីដបម្លែងថ្មីក្នុងចង្កោមឆ្លងសហគមន៍ទ្រង់ទ្រាយធំ។ ជនបរទេសនឹងត្រូវបណ្តេញចេញពីកម្ពុជា បើ«មិនសហការ»ក្នុងប្រតិបត្តិការប្រឆាំងជំងឺកូវីដ១៩។ រីឯព័ត៌មានអន្តរជាតិវិញមានដូចជា អ្នកតវ៉ាប្រឆាំងនឹងរដ្ឋប្រហារក្នុងប្រទេសមីយ៉ាន់ម៉ាបានមកជួបជុំគ្នាជាថ្មី។ មេដឹកនាំរបបយោធាមីយ៉ាន់ម៉ា អំពាវនាវឲ្យធ្វើសកម្មភាពសេដ្ឋកិច្ច ស្របពេលដែលបស្ចិមប្រទេសបង្កើនការដាក់សម្ពាធទៅលើប្រទេសនេះ។ ប្រទេសម៉ាឡេស៊ី បញ្ជូនពលរដ្ឋមីយ៉ាន់ម៉ាជាង១០០០នាក់ ត្រឡប់ទៅប្រទេសកំណើតវិញ បើទោះបីជាមានបញ្ជាពីតុលាការក្តី។ និយតករឱសថអាមេរិក បន្ធូរបន្ថយគោលការណ៍លើការយល់ព្រមវ៉ាក់សាំងបង្ការជំងឺកូវីដ១៩ ដែលកែសម្រួលផលិតថ្មី។ មេដឹកនាំក្រុងហុងកុង គាំទ្រសំណើរបស់មន្ត្រីចិនដីគោកក្នុងការផ្លាស់ប្តូរច្បាប់បោះឆ្នោត៕

30 min