កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

April 23, 2021 ព័ត៌មានពេលព្រឹក៖ ២៤ មេសា ២០២១ - មេសា 24, 2021
ព័ត៌មានសំខាន់ៗអំពីកម្ពុជាមានដូចជា ការបិទខ្ទប់និងការបិទផ្សារប៉ះពាល់ដល់ការផ្គត់ផ្គង់ចែកចាយស្បៀងក្នុងរាជធានីភ្នំពេញ។ វៀតណាមនឹងផ្តល់ឧបករណ៍ជំនួយដង្ហើម ៨០០គ្រឿងដល់កម្ពុជា ខណៈអ្នកជំងឺកូវីដ១៩ កើនដល់ជាង៥ពាន់នាក់។ រីឯព័ត៌មានអន្តរជាតិវិញមានដូចជា មេដឹកនាំអាស៊ាននឹងជួបប្រជុំកំពូលពិសេសជាមួយឧត្តមសេនីយ៍ធ្វើរដ្ឋប្រហារនៅភូមា។ ឧត្តមស្នងការសិទ្ធិមនុស្ស អ.ស.ប. ព្រមានថា មីយ៉ាន់ម៉ាអាចនឹងធ្លាក់ចូលក្នុងសង្គ្រាមស៊ីវិលដូចស៊ីរី។ ប្រធានាធិបតីបារាំងថា «លក្ខខណ្ឌតឹងតែងច្បាស់លាស់» គួរមានជាមួយរុស្ស៊ី៕
30 min
April 22, 2021 ព័ត៌មានពេលព្រឹក៖ ២៣ មេសា ២០២១ - មេសា 23, 2021
ព័ត៌មានសំខាន់ៗអំពីកម្ពុជាមានដូចជា រដ្ឋមន្ត្រីមហាផ្ទៃឲ្យបញ្ឈប់ការប្រើហិង្សា ខណៈកម្លាំងមួយចំនួនប្រើរំពាត់វាយពលរដ្ឋ។ រីឯព័ត៌មានអន្តរជាតិវិញមានដូចជា មេដឹកនាំពិភពលោកថ្លែងនៅឯកិច្ចប្រជុំអាកាសធាតុតាមអុីនធឺណិត ដែលដឹកនាំដោយសហរដ្ឋអាមេរិក។ បារាំងថា ប្រទេសរុស្ស៊ីប្រឈមទណ្ឌកម្ម បើលោក Navalny ស្លាប់។ ប្រទេសឥណ្ឌាមានអត្រាឆ្លងជំងឺកូវីដ១៩ ក្នុងមួយថ្ងៃច្រើនបំផុតក្នុងពិភពលោក។ ប្រទេសរុស្ស៊ីសង្ឃឹមថា ការពិគ្រោះយោបល់របស់ឯកអគ្គរដ្ឋទូតសហរដ្ឋអាមេរិកនៅរដ្ឋធានីវ៉ាស៊ីនតោននឹងមានផ្លែផ្កា។ ពួកតាលីបង់ប៉ាគីស្ថានប្រកាសទទួលខុសត្រូវលើការបំផ្ទុះគ្រាប់បែកនៅសណ្ឋាគារប្រណីត។ លោក Biden ប្រើអំណាចនីតិប្រតិបត្តិដើម្បីទប់ទល់នឹងអំពើហិង្សាដោយការប្រើកាំភ្លើង។ បាតុកម្មនៅតែអាចកើតមាន ក្រោយចេញសាលក្រមកាត់ទោសលោក Chauvin។ អាស៊ាននឹងពិភាក្សាពីវិបត្តិនៅមីយ៉ាន់ម៉ាក្នុងកិច្ចប្រជុំកំពូលនៅរដ្ឋធានីហ្សាការតា៕
30 min
April 21, 2021 ព័ត៌មានពេលព្រឹក៖ ២២ មេសា ២០២១ - មេសា 22, 2021
ព័ត៌មានអំពីកម្ពុជាមានដូចជា របាយការណ៍៖ រដ្ឋាភិបាលកម្ពុជាយកវិបត្តិជំងឺកូវីដ១៩ មកគាបសង្កត់ប្រព័ន្ធផ្សព្វផ្សាយនិងរឹតត្បិតការរិះគន់។ បក្សប្រឆាំងប្រឈមនឹងជម្រើសលំបាក មុនការបោះឆ្នោតមកដល់។ រីឯព័ត៌មានអន្តរជាតិវិញមានដូចជា មានការអបអរសាទរនិងការធូរចិត្តនៅក្រុង Minneapolis បន្ទាប់ពីចេញសាលក្រមពិរុទ្ធលោក Chauvin។ សមាជិកសភាសហរដ្ឋអាមេរិកពិចារណាច្បាប់ទប់ទល់ប្រទេសចិន។ ប្រទេសហ្វីលីពីននឹងបង្កើនវត្តមាននៅដែនសមុទ្រដើម្បីការពារទឹកដីនិងធនធាន។ រដ្ឋាភិបាលចិនជំរុញលិខិតឆ្លងដែនវ៉ាក់សាំងសម្រាប់អ្នកចាក់វ៉ាក់សាំងរបស់ចិន។ រដ្ឋាភិបាលជប៉ុនត្រៀមសម្រេចក្រឹត្យគ្រាអាសន្នថ្មីនៅពេលអត្រាឆ្លងកូវីដ១៩ បន្តកើនឡើង។ តុលាការកូរ៉េខាងត្បូងច្រានចោលបណ្តឹងប្រឆាំងជប៉ុនប្តឹងដោយអតីតស្ត្រីបម្រើទាហានជប៉ុន៕
30 min
April 20, 2021 ព័ត៌មានពេលព្រឹក៖ ២១ មេសា ២០២១ - មេសា 21, 2021
ព័ត៌មានអំពីកម្ពុជាមានដូចជា លោក ហ៊ុន សែន ជំនួសជំនួយជាទឹកប្រាក់ ៣០ ម៉ឺនរៀលទៅជាជំនួយស្បៀងអាហារវិញ សម្រាប់អ្នកត្រូវធ្វើចត្តាឡីស័ក។ ភូមិសង្កាត់មួយចំនួនត្រូវកំណត់ជា «តំបន់ក្រហម» នៃការរាំងខ្ទប់រាជធានីភ្នំពេញ។ រីឯព័ត៌មានអន្តរជាតិវិញមានដូចជា លោក Chauvin ត្រូវបានសម្រេចថាមានទោសលើរាល់ការចោទប្រកាន់ទាំងអស់ទាក់ទិននឹងការស្លាប់របស់លោក George Floyd។ កងទ័ពប្រទេសឆាដថាលោកប្រធានាធិបតី Deby បានស្លាប់ ហើយកូនប្រុសរបស់លោកនឹងដឹកនាំក្រុមប្រឹក្សាយោធា។ ទីភ្នាក់ងារឱសថអឺរ៉ុបរកឃើញទំនាក់ទំនងរវាងវ៉ាក់សាំង Johnson & Johnson និងការកកឈាម។ ក្រុមឥស្លាមជ្រុលនិយមអំពាវនាវឲ្យបញ្ឈប់ការតវ៉ានៅប៉ាគីស្ថានបន្ទាប់ពីរដ្ឋាភិបាលអនុញ្ញាតឱ្យសភាបោះឆ្នោតអំពីការបណ្តេញឯកអគ្គរដ្ឋទូតបារាំង៕
30 min
April 19, 2021 ព័ត៌មានពេលព្រឹក៖ ២០ មេសា ២០២១ - មេសា 20, 2021
ព័ត៌មានអំពីកម្ពុជាមានដូចជា មនុស្សយ៉ាងតិច ៥ នាក់ត្រូវចោទប្រកាន់បំពានវិធានការរាំងខ្ទប់ទីក្រុង ខណៈលោក ហ៊ុន សែន ឲ្យកាត់ទោសភ្លាមៗ។ អតីតមន្ត្រីសង្គ្រោះជាតិ ៧រូបបន្ថែមទៀត ទទួលបានសិទ្ធិធ្វើនយោបាយឡើងវិញ។ រីឯព័ត៌មានអន្តរជាតិវិញមានដូចជា គណៈវិនិច្ឆ័យនឹងស្តាប់សក្ខីកម្មចុងបញ្ចប់ក្នុងសវនាការកាត់ក្តីពីបទសម្លាប់លោក George Floyd។ សហភាពអឺរ៉ុបចេញផែនការឥណ្ឌូ-ប៉ាស៊ីហ្វិក តែនិយាយថា វាមិនមែនជាការប្រឆាំងចិនទេ។ រដ្ឋធានីនៃប្រទេសឥណ្ឌាបិទពេលមានការកើនឡើងនៃជំងឺកូវីដ១៩។ ជប៉ុនជំរុញឱ្យដោះលែងអ្នកកាសែតរបស់ខ្លួននៅមីយ៉ាន់ម៉ា ខណៈសហភាពអឺរ៉ុបដាក់ទណ្ឌកម្មមន្ត្រីយោធាមីយ៉ាន់ម៉ា ១០ នាក់។ រុស្ស៊ីបង្កើនចំនួនទាហាននៅជិតអ៊ុយក្រែនដល់ជាង ១៥ម៉ឺននាក់៕
30 min
April 18, 2021 ព័ត៌មានពេលព្រឹក៖ ១៩ មេសា ២០២១ - មេសា 19, 2021
ព័ត៌មានសំខាន់ៗអំពីកម្ពុជាមានដូចជា ចិនបដិសេធក្ដីសង្ស័យថា ខ្លួនរាយ«អន្ទាក់បំណុល»ដាក់កម្ពុជា។ តំណាងរដ្ឋាភិបាល៖ ក្រុមអ្នកជំនាញអង្គការសហប្រជាជាតិបង្អាក់បេសកកម្មប្រឆាំងកូវីដ១៩ នៅកម្ពុជា។ លោក Biden បន្តគោលជំហរតឹងរ៉ឹងរបស់រដ្ឋបាលលោក Trump លើផ្នែកពាណិជ្ជកម្មចំពោះចិន។ បុរសក្នុងទីក្រុង Detroit ត្រូវបានគេដោះលែងពីពន្ធនាគារ ដោយមានការជួយពីក្រុមនិស្សិតជាអ្នកយកព័ត៌មាន៕
30 min
April 17, 2021 ព័ត៌មានពេលព្រឹក៖ ១៨ មេសា ២០២១ - មេសា 18, 2021
ព័ត៌មានសំខាន់ៗអំពីកម្ពុជាមានដូចជា លោក ហ៊ុន សែន ស្នើអាមេរិកលុបចោលបំណុល ខណៈអ្នកវិភាគថា ភាពលម្អៀងទៅចិននៅតែជាបញ្ហា។ អ្នកប្រើប្រាស់បណ្តាញសង្គម TikTok ត្រូវចាប់ខ្លួនចំពោះការរិះគន់ចំណាត់ការបង្ការជំងឺកូវីដ១៩។ រីឯព័ត៌មានអន្តរជាតិវិញមានដូចជា វិទ្យាស្ថានស្រាវជ្រាវគោលនយោបាយចិន៖ អាមេរិកមានសកម្មភាពយោធាខ្លាំងកាលពីឆ្នាំមុននៅតំបន់សមុទ្រមានជម្លោះដើម្បីដាក់សម្ពាធលើចិន។ ឥណ្ឌាក្លាយជាទីតាំងដែលមានជំងឺកូវីដ១៩ រាតត្បាតខ្លាំងក្នុងរលកឆ្លងលើកទី ២៕
30 min
April 16, 2021 ព័ត៌មានពេលព្រឹក៖ ១៧ មេសា ២០២១ - មេសា 17, 2021
ព័ត៌មានសំខាន់ៗអំពីកម្ពុជាមានដូចជា ដីបឹងតាមោក ១៧ ហិកតាទៀតត្រូវកាត់ចេញសម្រាប់ស្ថាប័នរដ្ឋ នាំឲ្យមានការព្រួយបារម្ភបន្ថែម។ អាជីវករផ្សារអូឫស្សីរំពឹងផ្សារបើកវិញឆាប់ៗ តែនៅបារម្ភពីការឆ្លងជំងឺកូវីដ១៩។ រីឯព័ត៌មានអន្តរជាតិវិញមានដូចជា អ្នកជំនាញខាងចុងចោទថា ការប្រើកម្លាំងចាប់ខ្លួនលោក Floyd មាន «យុត្តិកម្ម»។ រដ្ឋមន្ត្រីការបរទេសសហរដ្ឋអាមេរិក លោក Blinken ស្តីបន្ទោសចិនចំពោះការឆ្លើយតបយឺតយ៉ាវនឹងវីរុសកូរ៉ូណា៕
30 min
April 15, 2021 ព័ត៌មានពេលព្រឹក៖ ១៦ មេសា ២០២១ - មេសា 16, 2021
ព័ត៌មានសំខាន់ៗអំពីកម្ពុជាមានដូចជា ភរិយាអ្នកជំងឺកូវីដ១៩ រៀបរាប់ស្ថានភាពសុខភាពស្វាមីស្នាក់ក្នុងបន្ទប់ជួល ខណៈកម្ពុជាខ្វះកន្លែងសម្រាកព្យាបាល។ លោក ហ៊ុន សែន ថាវិធានការបិទខ្ទប់ក្រុងមិនប៉ះពាល់ស្បៀងអាហារនោះទេ។ រីឯព័ត៌មានអន្តរជាតិវិញមានដូចជា ទីក្រុងអាមេរិកតូចមួយនៅព្រំដែន ទាក់ទាញការពិភាក្សាអំពីបញ្ហាជនអន្តោប្រវេសន៍។ ឥណ្ឌាក្លាយជាទីតាំងដែលមានជំងឺកូវីដ១៩ រាតត្បាតខ្លាំងក្នុងរលកឆ្លងលើកទី ២៕
30 min
April 14, 2021 ព័ត៌មានពេលព្រឹក៖ ១៥ មេសា ២០២១ - មេសា 15, 2021
ព័ត៌មានអំពីកម្ពុជាមានដូចជា រដ្ឋមន្ត្រីការបរទេសសហរដ្ឋអាមេរិកផ្ញើសារជូនពរឆ្នាំថ្មីដល់ប្រជាជនកម្ពុជា។ របាយការណ៍ថ្មីបង្ហាញថាគម្របព្រៃឈើសហគមន៍មួយកន្លែងក្នុងខេត្តក្រចេះបាត់បង់ជិតពាក់កណ្តាល។ ព្រះសង្ឃនិងពុទ្ធបរិស័ទខ្មែរនៅអាមេរិកប្រារព្ធពិធីបុណ្យចូលឆ្នាំខ្មែរ ទោះកូវីដឆ្លងរាតត្បាតខ្លាំង។ រីឯព័ត៌មានអន្តរជាតិវិញមានដូចជា លោក Blinken ជួបសម្ព័ន្ធមិត្តអូតង់ ខណៈអាមេរិកកំណត់ការដកទ័ពចេញពីអាហ្វហ្គានីស្ថាន។ លោក Joe Biden ថា សហរដ្ឋអាមេរិកនឹងបន្តគាំទ្រអាហ្វហ្គានីស្ថានបន្ទាប់ពីការដកកងទ័ព។ រដ្ឋាភិបាលវិមានក្រឹមឡាំងមិនបញ្ជាក់អំពីផែនការជំនួបកំពូលរវាងលោក Putin និងលោក Biden តែព្រមានប្រឆាំងនឹងទណ្ឌកម្មរបស់អាមេរិក។ សកម្មជនមីយ៉ាន់ម៉ារំឭកអ្នកស្លាប់ក្នុងការតវ៉ាដោយលាបថ្នាំពណ៌ក្រហម។ កូរ៉េខាងត្បូងប្រឆាំងផែនការជប៉ុនបញ្ចេញទឹកមានវិទ្យុសកម្មពីរោងចក្រ Fukushima។ ជននិរទេសខ្លួនមីយ៉ាន់ម៉ាកំពុងស្វែងរកជម្រកក្នុងរដ្ឋ Kayin៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។