កម្មវិធីវិទ្យុពេលព្រឹក - វីអូអេ podcast - Page 179

May 13, 2021 ព័ត៌មានពេលព្រឹក៖ ១៤ ឧសភា ២០២១ - ឧសភា 14, 2021

ព័ត៌មានសំខាន់ៗអំពីកម្ពុជាមានដូចជា ក្រុមសង្គមស៊ីវិលទាមទារឲ្យរដ្ឋាភិបាលកម្ពុជាចាត់វិធានការលើមន្ត្រីដែលគំរាមឬបំភ័យអ្នកសារព័ត៌មាន។ តុលាការសម្រេចឲ្យពិធីការិនីទូរទស្សន៍ MyTV នៅក្រៅឃុំ ខណៈមានរឿងចម្រូងចម្រាស«ស្នេហា»ជាមួយឧកញ៉ាម្នាក់។ ប៉ូលិសរកឃើញករណីភ្លើងឆេះផ្ទះក្នុងខេត្តកំពង់ឆ្នាំងស្លាប់មនុស្ស៥នាក់ ជាឃាតកម្មសម្លាប់ភរិយានិងកូន។ រីឯព័ត៌មានអន្តរជាតិវិញមានដូចជា អ៊ីស្រាអែលប្រុងប្រៀបផែនការឈ្លានពានចូលតំបន់ Gaza ខណៈអំពើហិង្សារាលដាលទៅដល់ទីក្រុងចម្រុះសាសន៍ជាច្រើននៅក្នុងប្រទេសអ៊ីស្រាអែល។ ប្រទេសថៃរាយការណ៍ពីកំណត់ត្រាខ្ពស់ថ្មីនៃករណីឆ្លងកូវីដ១៩ បន្ទាប់ពីរកឃើញការឆ្លងនៅក្នុងពន្ធនាគារ។ សហរដ្ឋអាមេរិករឹបអូសយកស្រោមដៃរបស់ក្រុមហ៊ុនម៉ាឡេស៊ីដោយសារទាក់ទិននឹងពលកម្មដោយការបង្ខំ។ ចំនួនមនុស្សស្លាប់ដោយសារកូវីដ១៩នៅឥណ្ឌាកើនឡើង នៅពេលដែលរដ្ឋ ២ កម្រិតការចាក់វ៉ាក់សាំង។ យោធានីហ្សេរីយ៉ាគាំទ្រលោក Buhari ខណៈការអំពាវនាវឲ្យលោកលាលែងពីតំណែងកើនឡើង៕

30 min

May 12, 2021 ព័ត៌មានពេលព្រឹក៖ ១៣ ឧសភា ២០២១ - ឧសភា 13, 2021

ព័ត៌មានអំពីកម្ពុជាមានដូចជា ការនាំចេញស្វាយចន្ទីកម្ពុជាទៅវៀតណាមកើនឡើង ខណៈអ្នកជំនាញខ្មែរជំរុញការកែច្នៃក្នុងស្រុក។ មន្រ្តីសុខាភិបាលបន្តព្រមានអំពី«មហន្តរាយ»សុខាភិបាលសាធារណៈ ខណៈស្ថានភាពជំងឺកូវីដ១៩ ស្ថិតក្នុងស្ថានភាពគួរឲ្យព្រួយបារម្ភនៅឡើយ។ រីឯព័ត៌មានអន្តរជាតិវិញមានដូចជា ក្រុមសមាជិកសភាអាមេរិកពីគណបក្សសាធារណរដ្ឋបោះឆ្នោតដកអ្នកស្រី Liz Cheney ចេញពីតំណែងដឹកនាំបក្ស។ ចំនួនអ្នកស្លាប់ក្នុងតំបន់ Gaza និងតំបន់ក្បែរខាងអ៊ីស្រាអែលកើនដល់៤០នាក់ ខណៈការប្រយុទ្ធគ្នាបន្តកើតមាន។ អាជ្ញាធរស្នើអ្នកបើកបររថយន្តនៅអាមេរិកកុំឲ្យស្លន់ស្លោរឿងបញ្ហាខ្វះប្រេងសាំង។ អង្គការសុខភាពពិភពលោកថា ជំងឺកូវីដ១៩បំប្លែងខ្លួនថ្មីដែលរកឃើញដំបូងនៅឥណ្ឌា បានឆ្លងរាលដាលដល់ប្រទេសជិត ៥០ ហើយនៅក្នុងពិភពលោក។ អាជ្ញាធរមីយ៉ាន់ម៉ាចាប់ខ្លួនមនុស្ស ៣៩នាក់ ទាក់ទងនឹងការបំផ្ទុះនានានិងការព្យាយាមហាត់សមយោធាជាមួយក្រុមឧទ្ទាមជនជាតិភាគតិច។ សមាជិកព្រឹទ្ធសភាអាមេរិកខាងគណបក្សប្រជាធិបតេយ្យចង់កែច្បាប់ពន្ធដាររបស់លោក Trump៕

30 min

May 11, 2021 ព័ត៌មានពេលព្រឹក៖ ១២ ឧសភា ២០២១ - ឧសភា 12, 2021

ព័ត៌មានអំពីកម្ពុជាមានដូចជា អាជ្ញាធរភ្នំពេញត្រៀមបង្រួមតំបន់ឆ្លងខ្លាំង ទោះមិនទាន់បញ្ចប់ការរាំងខ្ទប់ទាំងស្រុង។ ការឆ្លងជំងឺកូវីដ១៩ កើនឡើងតាមបណ្តាខេត្តមួយចំនួន ក្រោយដកបម្រាមធ្វើដំណើរ។ មន្ត្រីថាពុំមានគម្រោងធ្វើតេស្ដពិនិត្យប្រសិទ្ធភាពលើអ្នកចាក់វ៉ាក់សាំងកូវីដរួចហើយនោះទេ។ រីឯព័ត៌មានអន្តរជាតិវិញមានដូចជា មនុស្សយ៉ាងតិច ៩ នាក់ត្រូវបានបាញ់ស្លាប់នៅសាលារៀនមួយនៅរុស្ស៊ី។ មនុស្សយ៉ាងតិច ២២ នាក់បានស្លាប់នៅតំបន់ Gaza ដោយសារការវាយប្រហារសងសឹកតាមអាកាសរបស់អ៊ីស្រាអែលកាលពីថ្ងៃអង្គារ។ អង្គការ WHO ថា ជំងឺកូវីដ១៩ បំប្លែងថ្មីដែលកំពុងឆ្លងរាតត្បាតនៅឥណ្ឌាជាការព្រួយបារម្ភ«កម្រិតពិភពលោក»។ អ្នកកាសែតមីយ៉ាន់ម៉ាបីនាក់ត្រូវបានចាប់ខ្លួននៅប្រទេសថៃ។ ការធ្វើដំណើរតាមយន្តហោះនៅអាមេរិកកាលពីចុងសប្ដាហ៍កន្លងកើនដល់អត្រាខ្ពស់បំផុតក្នុងសម័យកូវីដ១៩។ ប្រទេសហ្គាណាបញ្ជូនយោធាដើម្បីពង្រឹងការដាក់បម្រាមលើការជីករ៉ែខុសច្បាប់នៅជិតតំបន់ទន្លេនិងបឹងបួរធំៗ៕

30 min

May 10, 2021 ព័ត៌មានពេលព្រឹក៖ ១១ ឧសភា ២០២១ - ឧសភា 11, 2021

ព័ត៌មានអំពីកម្ពុជាមានដូចជា លោក ហ៊ុន សែន ថា ពលរដ្ឋនៅតំបន់បិទខ្ទប់ខ្លះមិនទាន់បានទទួលអំណោយ ដោយសារអាជ្ញាធរត្រូវការពេលដឹកជញ្ជូន។ សង្គមស៊ីវិលចង់ឃើញស្ថាប័នកាកបាទក្រហមសកម្មជាងមុន ក្នុងការជួយអ្នករងគ្រោះក្នុងពេលរាំងខ្ទប់ភ្នំពេញ។ រីឯព័ត៌មានអន្តរជាតិវិញមានដូចជា ក្រុមឧទ្ទាមតាលីបង់ប្រកាសបទឈប់បាញ់ក្នុងពិធីបុណ្យស្រាយបួស និងអបអរការដកកងទ័ពបរទេសចេញពីអាហ្វហ្គានីស្ថាន។ ក្រុម Hamas អះអាងថាបានបាញ់គ្រាប់ដាក់អ៊ីស្រាអែលក្រោយអំពើហិង្សានៅក្រុងហ្សេរុយសាឡិម។ ចំនួនអ្នកឆ្លងជំងឺកូវីដ១៩ក្នុងប្រទេសឥណ្ឌាមានការថយចុះបន្តិច តែស្ថិតក្នុងកម្រិតខ្ពស់ដដែល ស្របពេលដែលមានការជំរុញជាខ្លាំងឲ្យបិទខ្ទប់ប្រទេសទាំងមូល។ រដ្ឋាភិបាលអាមេរិកកំពុងជួយក្រុមហ៊ុនប្រេងសាំងអាមេរិក ក្រោយរងការវាយប្រហារតាមប្រព័ន្ធអ៊ីនធើណិត។ បុគ្គលិកសាកលវិទ្យាល័យនៅមីយ៉ាន់ម៉ា ត្រូវបានផ្អាកការងារ ខណៈរបបយោធាកំពុងផ្តោតទិសដៅដាក់សម្ពាធលើវិស័យអប់រំ។ ក្រុមហ៊ុនវិនិយោគរដ្ឋរបស់ម៉ាឡេស៊ីនិងអតីតសាខាមួយរបស់ខ្លួន ដាក់បណ្តឹងទាមទារសំណងរាប់ពាន់លានដុល្លារ៕

30 min

May 09, 2021 ព័ត៌មានពេលព្រឹក៖ ១០ ឧសភា ២០២១ - ឧសភា 10, 2021

ព័ត៌មានសំខាន់ៗអំពីកម្ពុជាមានដូចជា វីរុសរកឃើញនៅកម្ពុជាអាចផ្តល់គន្លឹះដល់ការស្វែងរកប្រភពវីរុសកូវីដ១៩។ រីឯព័ត៌មានអន្តរជាតិវិញមានដូចជា លោក Trump ហៅការចាញ់ឆ្នោតកាលពីឆ្នាំ ២០២០ ថាជា «ការកុហកធំមួយ»។ តើកិច្ចព្រមពៀងវិនិយោគរវាងសហភាពអឺរ៉ុបនិងចិន នឹងត្រូវបរាជ័យឬយ៉ាងណា៕

30 min

May 08, 2021 ព័ត៌មានពេលព្រឹក៖ ៩ ឧសភា ២០២១ - ឧសភា 09, 2021

ព័ត៌មានសំខាន់ៗអំពីកម្ពុជាមានដូចជា លោក ហ៊ុន សែន ថា វ៉ាក់សាំង ១លានដូសរបស់ចិន នឹងមកដល់កម្ពុជានៅសប្តាហ៍ក្រោយ សម្រាប់ពលរដ្ឋនៅតំបន់ក្រហម។ រីឯព័ត៌មានអន្តរជាតិវិញមានដូចជា សហរដ្ឋអាមេរិកប្រឈមនឹងការអំពាវនាវឱ្យចែកវ៉ាក់សាំងកូវីដ១៩ ជូនប្រទេសឯទៀត។ ជប៉ុន ថៃ និងវៀតណាមព្យាយាមប្រជែងបន្ទាបឥទ្ធិពលចិននៅឡាវ៕

30 min

May 07, 2021 ព័ត៌មានពេលព្រឹក៖ ៨ ឧសភា ២០២១ - ឧសភា 08, 2021

ព័ត៌មានសំខាន់ៗអំពីកម្ពុជាមានដូចជា រដ្ឋាភិបាលដាក់យុទ្ធសាស្រ្តសម្រុកចាក់វ៉ាក់សាំងបង្ការជំងឺកូវីដ១៩ ដោយពឹងផ្អែកលើវ៉ាក់សាំងរបស់ចិន។ ក្រុមសិទ្ធិមនុស្សថា អាជ្ញាធរគួរផ្តល់លំហសាធារណៈក្នុងតំបន់ក្រហមសម្រាប់អ្នកកាសែតប្រមូលព័ត៌មាន។ អ្នកវិទ្យាសាស្ត្របន្តការសិក្សាដើម្បីបង្ការជំងឺរាតត្បាតថ្មីដូចវីរុសកូរ៉ូណា។ រីឯព័ត៌មានអន្តរជាតិវិញមានដូចជា ប្រទេសហ្គាណាបញ្ចូនយោធាដើម្បីពង្រឹងការដាក់បម្រាមលើការជីករ៉ែខុសច្បាប់នៅជិតតំបន់ទន្លេនិងបឹងបួរធំៗ។ រដ្ឋាភិបាលម៉ិកស៊ិកប្រកាសសូមទោសជនជាតិដើមម៉ាយ៉ាន៕

30 min

May 06, 2021 ព័ត៌មានពេលព្រឹក៖ ៧ ឧសភា ២០២១ - ឧសភា 07, 2021

ព័ត៌មានសំខាន់ៗអំពីកម្ពុជាមានដូចជា អាជ្ញាធរបន្តបិទខ្ទប់តំបន់ឆ្លងខ្លាំងនៃជំងឺកូវីដ១៩ មួយសប្តាហ៍ទៀត ដោយប្រតិកម្មនឹងការរិះគន់។ អាជ្ញាធរខេត្តមួយចំនួនតម្រូវឲ្យពលរដ្ឋចូលភូមិសាស្រ្តធ្វើចត្តាឡីស័ក ប៉ុន្តែលោក ហ៊ុន សែន ប្រតិកម្ម។ រីឯព័ត៌មានអន្តរជាតិវិញមានដូចជា ឥណ្ឌាបន្តមានអ្នកឆ្លងនិងស្លាប់ថ្មីលើសពីថ្ងៃមុនៗ ខណៈអ្នកជំនាញព្រមានពីរលកឆ្លងរាតត្បាតទី ៣ ដ៏កាចសាហាវទៀត។ ប្រទេសថៃមានគម្រោងចាក់វ៉ាក់សាំងជំងឺកូវីដ១៩ ដល់ជនបរទេស។ ចិនថ្កោលទោសការថ្លែងរបស់ក្រុមប្រទេស G7 ដែលវាយប្រហារលើខ្លួននិងគាំទ្រកោះតៃវ៉ាន់នោះ។ ប្រទេសចិនផ្អាកការសន្ទនាសេដ្ឋកិច្ចជាមួយអូស្ត្រាលី ស្របពេលដែលទំនាក់ទំនងកំពុងរកាំរកូស។ ប្រធានសហភាពអឺរ៉ុបត្រៀមខ្លួនក្នុងការពិភាក្សាស្តីពីការលើកលែងកម្មសិទ្ធិបញ្ញាសម្រាប់វ៉ាក់សាំងជំងឺកូវីដ១៩។ ការប្រឆាំងត៉វ៉ាក្នុងប្រទេសកូឡុំប៊ីឈានដល់ថ្ងៃទី៨ហើយ ខណៈប៉ូលិសប្រើឧស្ម័នបង្ហូរទឹកភ្នែកទៅលើក្រុមបាតុករ។ តើកិច្ចព្រមពៀងវិនិយោគរវាងសហភាពអឺរ៉ុបនិងចិន នឹងត្រូវបរាជ័យឬយ៉ាងណា៕

30 min

May 05, 2021 ព័ត៌មានពេលព្រឹក៖ ៦ ឧសភា ២០២១ - ឧសភា 06, 2021

ព័ត៌មានសំខាន់ៗអំពីកម្ពុជាមានដូចជា រដ្ឋាភិបាលផ្តល់សិទ្ធិឲ្យមន្ទីរពេទ្យឯកជនចំនួន ៣ ព្យាបាលអ្នកជំងឺកូវីដ១៩ ខណៈអ្នកជំងឺកើនឡើងជាង ១ម៉ឺននាក់។ តុលាការភ្នំពេញកាត់ទោសសកម្មជនបរិស្ថានឲ្យជាប់ពន្ធនាគារយ៉ាងតិច ១៨ខែ ពីបទញុះញង់។ រីឯព័ត៌មានអន្តរជាតិវិញមានដូចជា ក្រុមប្រឹក្សា Facebook បោះឆ្នោតហាមប្រាមលោក Trump មិនឲ្យប្រើប្រាស់បណ្តាញសង្គមនេះជារៀងរហូត។ ប្រធានាធិបតី Biden ដាក់ផែនការថ្មីចាក់វ៉ាក់សាំងកូវីដ១៩ ដល់ពលរដ្ឋអាមេរិកឱ្យបាន៧០% ត្រឹមថ្ងៃបុណ្យឯករាជ្យ ៤ កក្កដា ។ រដ្ឋាភិបាលឯកភាពរបស់ក្រុមប្រឆាំងមីយ៉ាន់ម៉ានិយាយថា ខ្លួនបានបង្កើតកងកម្លាំងការពារថ្មីមួយ។ កិច្ចប្រជុំប្រទេស G7 ថ្ងៃចុងក្រោយផ្តោតលើការចាក់វ៉ាក់សាំងជំងឺកូវីដ១៩ និងការប្រយុទ្ធប្រឆាំងបម្រែបម្រួលអាកាសធាតុ។ មេធាវីការពារក្តីអតីតមន្ត្រីប៉ូលិសលោក Derek Chauvin ស្នើឲ្យមានសនាវការថ្មី និងទុកជាមោឃៈសាលក្រមរបស់គណៈវិនិច្ឆ័យ។ ប្រទេសស៊ីមបាវ៉េរំពឹងលើថ្នាំជក់នៅពេលអនាគត ទោះបីជាមានយុទ្ធនាការប្រឆាំងការជក់បារីក្តី។ ប្រទេសហ្គាណាបញ្ចូនយោធាដើម្បីពង្រឹងការដាក់បម្រាមលើការជីករ៉ែខុសច្បាប់នៅជិតតំបន់ទន្លេនិងបឹងបួរធំៗ៕

30 min

May 04, 2021 ព័ត៌មានពេលព្រឹក៖ ៥ ឧសភា ២០២១ - ឧសភា 05, 2021

ព័ត៌មានសំខាន់ៗអំពីកម្ពុជាមានដូចជា ករណីឆ្លងជំងឺកូវីដ១៩ បន្តកើនឡើង ខណៈរដ្ឋាភិបាលត្រៀមបញ្ចប់ការបិទខ្ទប់ទីក្រុងភ្នំពេញនិងក្រុងតាខ្មៅ។ ក្រុមសង្គមស៊ីវិលជំរុញឲ្យបញ្ចប់និទណ្ឌភាពចំពោះអំពើហិង្សាប្រឆាំងអ្នកសារព័ត៌មាន។ រីឯព័ត៌មានអន្តរជាតិវិញមានដូចជា មនុស្សយ៉ាងហោចណាស់ ២៣នាក់ស្លាប់ ៧០ផ្សេងទៀតរងរបួស នៅក្នុងការបាក់ស្ពានអាកាសផ្លូវរថភ្លើងមួយកន្លែងក្នុងប្រទេសម៉ិកស៊ិក។ អ្នកឆ្លងជំងឺកូវីដ១៩ នៅឥណ្ឌាកើនឡើងជាង ២០លាននាក់ ខណៈជំងឺបន្តរាតត្បាតយ៉ាងមហន្តរាយគ្មានស្រាកស្រាន្ត។ ម្ចាស់មូលនិធិមនុស្សធម៌សកល លោកBill Gates និងភរិយា Melinda Gates ប្រកាសពីការលែងលះគ្នា។ មេដឹកនាំហុងកុងលើកឡើងពីការបង្កើតច្បាប់ប្រឆាំង«ព័ត៌មានក្លែងក្លាយ» ស្របពេលដែលការព្រួយបារម្ភកើនឡើងអំពីសេរីភាពសារព័ត៌មានរបស់ទីក្រុងនេះ។ អ្នកសារព័ត៌មានជប៉ុនម្នាក់ក្នុងប្រទេសមីយ៉ាន់ម៉ា រងការចោទប្រកាន់ពីការផ្សាយព័ត៌មានមិនពិត។ កម្រៃទាប លក្ខខណ្ឌការងារមិនល្អ ភាពនឿយហត់ដោយសារជំងឺកូវីដ បង្កឲ្យមានកង្វះខាតគិលានុបដ្ឋាកទូទាំងពិភពលោក។ អ្នកការពារបរិស្ថាន បារម្ភពីការខូចខាតជាអចិន្ត្រៃយ៍ ដោយជញ្ជាំងនៅបណ្តោយព្រំដែនម៉ិកស៊ិកនិងអាមេរិក៕

30 min