កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

February 02, 2021 ព័ត៌មានពេលព្រឹក៖ ៣ កុម្ភៈ ២០២១ - កុម្ភៈ 03, 2021
ព័ត៌មានអំពីកម្ពុជាមានដូចជា មន្ត្រីកម្ពុជារកវិធីឆ្លើយតបនឹងការតវ៉ារបស់វៀតណាមរឿងហាមនាំចូលត្រី។ រីឯព័ត៌មានអន្តរជាតិវិញមានដូចជា ក្រុមយោធាដណ្តើមអំណាចក្នុងប្រទេសមីយ៉ាន់ម៉ា ហើយចាប់ឃុំក្រុមមេដឹកនាំស៊ីវិល។ តុលាការក្រុងមូស្គូចេញសាលក្រមឲ្យមេដឹកនាំបក្សប្រឆាំងរុស្ស៊ីលោក Navalny ជាប់ពន្ធនាគារជាង២ឆ្នាំកន្លះ។ សមាជិកសភាជាច្រើនរយនាក់ក្នុងប្រទេសមីយ៉ាន់ម៉ាត្រូវបានឃុំឃាំងក្នុងផ្ទះ បន្ទាប់ពីរដ្ឋប្រហារដោយក្រុមយោធា។ លោក Biden នឹងធ្វើការផ្លាស់ប្តូរគោលនយោបាយអន្តោប្រវេសន៍របស់លោក Trump។ វៀតណាមបញ្ជាក់ថាការផ្ទុះការឆ្លងជំងឺកូវីដ១៩ចុងក្រោយបង្អស់មានវត្តមានវីរុសវិវត្តន៍ថ្មីមកពីអង់គ្លេស ដែលឆ្លងខ្លាំងជាងមុន។ ប្រធានកីឡាអូឡាំពិកក្នុងទីក្រុងតូក្យូថា ព្រឹត្តិការណ៍កីឡាអូឡាំពិករដូវក្តៅនឹងដំណើរការតាមការគ្រោងទុក បើទោះជាមានជំងឺកូវីដ១៩ក្ដី។ អង្គការសហប្រជាជាតិស្នើរកជំនួយបន្ទាន់ដើម្បីសង្គ្រោះជីវិតមនុស្សរងគ្រោះដោយភាពអត់ឃ្លាននិងជំងឺកូវីដនៅម៉ាដាហ្គាស្កា។ វៀតណាមចាប់សកម្មជនបរិស្ថានដាក់គុក៧ឆ្នាំចំពោះការបង្ហោះសារនៅលើហ្វេសប៊ុក៕
30 min
February 01, 2021 ព័ត៌មានពេលព្រឹក៖ ២ កុម្ភៈ ២០២១ - កុម្ភៈ 02, 2021
ព័ត៌មានអំពីកម្ពុជាមានដូចជា រដ្ឋាភិបាលកម្ពុជាហៅរដ្ឋប្រហារនៅមីយ៉ាន់ម៉ាថាជា«កិច្ចការផ្ទៃក្នុង»។ វត្ថុបុរាណជាង១០០នឹងត្រូវបញ្ជូនមកកម្ពុជាវិញ ក្រោយត្រូវកាន់កាប់ដោយអ្នកជំនាញដែលត្រូវចោទប្រកាន់ថាបានលួចវត្ថុបុរាណខ្មែរ។ រីឯព័ត៌មានអន្តរជាតិវិញមានដូចជា អង្គការសហប្រជាជាតិ សហរដ្ឋអាមេរិក និងប្រទេសជាច្រើនទៀតសម្ដែងការព្រួយបារម្ភអំពីស្ថានភាពនៅមីយ៉ាន់ម៉ា។ លោក Nguyen Phu Trong ដែលជាអ្នកប្រឆាំងអំពើពុករលួយ ជាប់ឆ្នោតជាមេដឹកនាំបក្សកុម្មុយនីស្តវៀតណាមជាថ្មី។ ក្រុមអ្នកវិទ្យាសាស្ត្រនៃអង្គការ WHO បានទៅពិនិត្យមើលផ្សារដែលមានផ្ទុះករណីឆ្លងជំងឺកូវីដ១៩ ដំបូងនៅក្រុង Wuhan។ រដ្ឋមន្ត្រីការបរទេសអាមេរិករិះគន់រុស្សី ហើយថាអាចមានទណ្ឌកម្មប្រឆាំងកូរ៉េខាងជើងផងដែរ។ លោក Trump ប្រកាសអំពីក្រុមមេធាវីថ្មីដែលតំណាងឲ្យលោកក្នុងសំណុំរឿងចោទប្រកាន់របស់សភា។ សីតុណ្ហភាពសាកលកើនឡើងជាងមុនដោយបង្កើនល្បឿនការប្រែប្រួលអាកាសធាតុ៕
30 min
January 31, 2021 ព័ត៌មានពេលព្រឹក៖ ១ កុម្ភៈ ២០២១ - កុម្ភៈ 01, 2021
ព័ត៌មានសំខាន់ៗមានដូចជា បទសម្ភាសន៍ VOA ជាមួយលោកវេជ្ជបណ្ឌិត តាំង តេកហុង អំពី«ការពាក់ម៉ាស់និងការរក្សាគម្លាតពីគ្នា ត្រូវបន្តក្រោយការចាក់វ៉ាក់សាំងកូវីដ១៩»។ អ្នកកម្សាន្តតាមឆ្នេរប្រេស៊ីលមិនអើពើនឹងការព្រមានអំពីជំងឺកូវីដ១៩៕
30 min
January 30, 2021 ព័ត៌មានពេលព្រឹក៖ ៣១ មករា ២០២១ - មករា 31, 2021
ព័ត៌មានសំខាន់ៗអំពីកម្ពុជាមានដូចជា ខ្មែរអាមេរិកាំងមានសុទិដ្ឋិនិយមនឹងគោលនយោបាយផ្សះផ្សាជាតិនិងស្តារសេដ្ឋកិច្ចរបស់លោក Joe Biden។ រីឯព័ត៌មានអន្តរជាតិវិញមានដូចជា អ្នកនិពន្ធសៀវភៅថ្មី៖ ឥទ្ធិពលរបស់សហរដ្ឋអាមេរិកខ្លាំងក្លាជាងចិននៅក្នុងតំបន់អាស៊ីអាគ្នេយ៍។ លោក Biden បញ្ជាឱ្យសហរដ្ឋអាមេរិកចូលរួមជាថ្មីក្នុងកិច្ចព្រមព្រៀងក្រុងប៉ារីស ស្តីពីអាកាសធាតុនិងក្នុងអង្គការ WHO វិញ៕
30 min
January 29, 2021 ព័ត៌មានពេលព្រឹក៖ ៣០ មករា ២០២១ - មករា 30, 2021
ព័ត៌មានសំខាន់ៗអំពីកម្ពុជាមានដូចជា បំណុលបរទេសរបស់កម្ពុជាកើនដល់ជិត៩ពាន់លានដុល្លារ ត្រឹមឆ្នាំ២០២០។ ការរឹតត្បិត ភាពភ័យខ្លាច និងបញ្ហាជីវភាព រុកកួនអតីតមន្ត្រីបក្សជំទាស់និងគ្រួសារ។ រីឯព័ត៌មានអន្តរជាតិវិញមានដូចជា សេដ្ឋកិច្ចថៃជួបប្រទះការលំបាកនៅពេលជំងឺកូវីដ១៩ ផ្ទុះឡើងលើកទី២។ រដ្ឋមន្ត្រីក្រសួងសុខាភិបាលអាល្លឺម៉ង់ រំពឹងថា នឹងទទួលបានការយល់ព្រមឲ្យប្រើវ៉ាសាំងកូវីដ១៩ របស់ក្រុមហ៊ុន AstraZeneca។ វ៉ាក់សាំងបង្ការជំងឺកូវីដ១៩របស់ក្រុមហ៊ុន Johnson & Johnson មានប្រសិទ្ធិភាពទូទៅ៦៦ភាគរយ។ ប្រធានអង្គការសហប្រជាជាតិជំរុញឲ្យសហរដ្ឋអាមេរិកនិងចិនសហការគ្នាឡើងវិញ។ អង្គការសហប្រជាជាតិស្នើរកជំនួយបន្ទាន់ ដើម្បីសង្គ្រោះជីវិតមនុស្សរងគ្រោះដោយភាពអត់ឃ្លាននិងជំងឺកូវីដ១៩នៅម៉ាដាហ្គាស្កា និងព័ត៌មានផ្សេងៗទៀត៕
30 min
January 28, 2021 ព័ត៌មានពេលព្រឹក៖ ២៩ មករា ២០២១ - មករា 29, 2021
ព័ត៌មានអំពីកម្ពុជាមានដូចជា ចៅក្រមសួរនាំអតីតមន្ត្រីបក្សជំទាស់រឿងប៉ុនប៉ង«ចាប់ខ្លួន»នាយករដ្ឋមន្ត្រី។ ស្ថាប័នឃ្លាំមើលថា ទោះឡើងពិន្ទុបន្ដិច ក៏កម្ពុជានៅតែពុករលួយជាងគេនៅអាស៊ាន។ រីឯព័ត៌មានអន្តរជាតិវិញមានដូចជា កញ្ចប់ថវិកាជំនួយសម្រាប់កូវីដ១៩ គឺជាការធ្វើតេស្តថាតើលោក Biden និងសភាអាចធ្វើបានឬយ៉ាងណា។ លោក Biden នឹងអនុញ្ញាតឲ្យមានរយៈពេលពិសេស សម្រាប់ពលរដ្ឋចុះឈ្មោះទទួលបានការធានារ៉ាប់រងសុខភាព។ គណៈកម្មការរៀបចំការបោះឆ្នោតមីយ៉ាន់ម៉ាថា គ្មានការលួចបន្លំសន្លឹកឆ្នោតទេ ក្រោយយោធាព្រមានចាត់វិធានការ។ តុលាការកំពូលប៉ាគីស្ថានសម្រេចឲ្យជនសង្ស័យសំខាន់នៅក្នុងឃាតកម្មអ្នកកាសែតអាមេរិករួចខ្លួន។ រដ្ឋមន្ត្រីការពារប្រទេសថ្មីរបស់អាមេរិកថា អាល្លឺម៉ង់«មានតម្លៃខ្លាំងណាស់» ក្នុងនាមជាអ្នកទទួលកងកម្លាំងអាមេរិក។ មន្ត្រីកីឡាជាន់ខ្ពស់ម្នាក់នៅក្រិកលាលែងពីតំណែង បន្ទាប់ពីមានការចោទប្រកាន់ពីបទល្មើសរំលោភសេពសន្ថវៈ៕
30 min
January 27, 2021 ព័ត៌មានពេលព្រឹក៖ ២៨ មករា ២០២១ - មករា 28, 2021
ព័ត៌មានអំពីកម្ពុជាមានដូចជា កម្ពុជាគ្រោងបោះលក់មូលបត្របំណុលរដ្ឋក្នុងស្រុក ជាជម្រើសផ្សេងពីការខ្ចីបុលបរទេស។ មន្ត្រីកម្ពុជាសន្យាពន្លឿនការចាក់វ៉ាក់សាំងកូវីដដែលត្រូវការ២០លានដូស។ រីឯព័ត៌មានអន្តរជាតិវិញមានដូចជា សហរដ្ឋអាមេរិកបង្កើនការចែកចាយវ៉ាក់សាំងកូវីដ១៩ ខណៈមានការត្អូញត្អែរអំពីការខ្វះខាត។ លោក Putin ស្វាគមន៍ការបន្ដសន្ធិសញ្ញានុយក្លេអ៊ែរ New START។ អង្គការសហប្រជាជាតិ៖ អ៊ីតាលីអាចសង្គ្រោះជនអន្តោប្រវេសន៍ដែលលង់ទឹក ២០០ នាក់បាន តែមិនធ្វើ។ ភ្នំភ្លើងដែលឧស្សាហ៍ផ្ទុះបំផុតនៅឥណ្ឌូនេស៊ីផ្ទុះកាលពីថ្ងៃពុធ។ សិង្ហបុរីឃុំខ្លួនសិស្សវ័យ ១៦ ឆ្នាំម្នាក់ចំពោះគម្រោងវាយប្រហារវិហារសាសនាឥស្លាម។ បាតុករម្នាក់ដែលប៉ូលិសរុស្ស៊ីទាត់ ត្រូវបញ្ជូនទៅមន្ទីរពេទ្យម្ដងទៀត។ រដ្ឋមន្ត្រីស៊ីមបាវ៉េចោទប្រកាន់ចិនថាបានផលិតជំងឺកូវីដ១៩៕
30 min
January 26, 2021 ព័ត៌មានពេលព្រឹក៖ ២៧ មករា ២០២១ - មករា 27, 2021
ព័ត៌មានអំពីកម្ពុជាមាន ពលករចំណាកស្រុកកម្ពុជានៅថៃប្រឈមនឹងហានិភ័យឆ្លងជំងឺកូវីដ១៩ និងការធ្លាក់ចុះចំណូល។ រីឯព័ត៌មានអន្តរជាតិវិញមានដូចជា លោក Biden ជំរុញសភាឲ្យចាត់វិធានការបន្ទាន់លើកញ្ចប់ជំនួយថ្មីសម្រាប់វិបត្តិកូវីដ១៩។ រុស្ស៊ីនិងសហរដ្ឋអាមេរិកកំពុងចរចាគ្នាអំពីការបន្តសន្ធិសញ្ញានុយក្លេអ៊ែរ New START។ យោធាមីយ៉ាន់ម៉ាព្រមានថា ខ្លួនប្រហែលជាចាត់វិធានការទាក់ទិននឹងការតវ៉ារឿងលទ្ធផលបោះឆ្នោត។ សមាជជ្រើសរើសថ្នាក់ដឹកនាំថ្មីរបស់គណបក្សកុម្មុយនីស្ដវៀតណាមបានចាប់ផ្ដើមកាលពីថ្ងៃអង្គារ។ អ៊ីរ៉ង់ជួបពិភាក្សាជាមួយក្រុមតាលីបង់ដើម្បីពិនិត្យមើលដំណើរការសន្ដិភាពអាហ្វហ្គានីស្ថាន។ ខណៈមានភាពតានតឹង មានការទាមទារឲ្យបណ្តាញសារព័ត៌មានមានទំនាក់ទំនងថ្មីជាមួយរដ្ឋបាលអាមេរិកថ្មី។ ពលរដ្ឋអ៊ីរ៉ាក់ដែលពិការដោយសង្គ្រាមរដ្ឋឥស្លាមយកកីឡាបាល់ទះធ្វើជាអាជីព៕
30 min
January 25, 2021 ព័ត៌មានពេលព្រឹក៖ ២៦ មករា ២០២១ - មករា 26, 2021
ព័ត៌មានអំពីកម្ពុជាមានដូចជា សកម្មជនសហគមន៍ខ្មែរអាមេរិកាំងនៅទីក្រុងឡុងប៊ិច ចាប់ផ្តើមចូលពាក់ព័ន្ធក្នុងឆាកនយោបាយថ្នាក់មូលដ្ឋាន។ កសិករកម្ពុជាខាតបង់ ក្រោយគោរាប់សែនក្បាលកើតជំងឺអុតក្ដាម។ រីឯព័ត៌មានអន្តរជាតិវិញមានដូចជា សមាជិកព្រឹទ្ធសភានិងមន្ត្រីរដ្ឋបាលលោក Biden ពិភាក្សាគ្នាអំពីកញ្ចប់ជំនួយថ្មីសម្រាប់វិបត្តិកូវីដ១៩។ លោក Xi Jinping អំពាវនាវឲ្យ G20 មានតួនាទីខ្លាំងជាងមុននៅក្នុងអភិបាលកិច្ចសេដ្ឋកិច្ចសាកលលោក។ បេសកជនកំពូលសហភាពអឺរ៉ុបនឹងធ្វើទស្សនកិច្ចទៅរុស្សីរឿងចាប់ខ្លួនលោក Navalny។ សហភាពអឺរ៉ុបជំរុញឲ្យមានកិច្ចសន្ទនានៅវេណេហ្ស៊ុយអេឡាដើម្បីរៀបចំការបោះឆ្នោតថ្មី។ ថៃនឹងចាប់ផ្ដើមចាក់វ៉ាក់សាំងកូវីដ១៩ ដល់ពលរដ្ឋខ្លួននៅខែក្រោយ៕
30 min
January 24, 2021 ព័ត៌មានពេលព្រឹក៖ ២៥ មករា ២០២១ - មករា 25, 2021
ព័ត៌មានសំខាន់ៗនៅជុំវិញពិភពលោកមានដូចជា គម្រោងសាងសង់វារីអគ្គិសនីរបស់ចិនលើដងទន្លេមួយនៅអាស៊ីភាគខាងត្បូងបង្កឲ្យឥណ្ឌានិងបង់ក្លាដែសព្រួយបារម្ភ។ បណ្តាប្រទេសក្រីក្រមិនទទួលបានវ៉ាក់សាំងកូវីដ១៩ ដើម្បីជួយសង្គ្រោះជីវិត។ លោក Putin ប្រុងប្រៀបពុះពារឧបសគ្គក្នុងឆ្នាំ២០២១។ អ្នកកម្សាន្តតាមឆ្នេរប្រេស៊ីលមិនអើពើនឹងការព្រមានអំពីកូវីដ១៩៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។