កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

January 13, 2021 ព័ត៌មានពេលព្រឹក៖ ១៤ មករា ២០២១ - មករា 14, 2021
ព័ត៌មានអំពីកម្ពុជាមានដូចជា តុលាការកាត់ទោសប៉េអឹម២នាក់ឲ្យជាប់ពន្ធនាគារ៤ឆ្នាំនិង៧ឆ្នាំ រឿងវាយដំអ្នកជាប់ឃុំរហូតដល់ស្លាប់។ តុលាការឲ្យស៊ើបអង្កេតបន្ថែមក្នុងករណីបាក់រលំអគារក្នុងខេត្តកែប ដែលសម្លាប់មនុស្ស៣៦នាក់កាលពីឆ្នាំមុន។ ចំណែកឯព័ត៌មានអន្តរជាតិវិញមានដូចជា បេក្ខនារីប្រធានាធិបតីតែម្នាក់គត់របស់ប្រទេសអ៊ូហ្គាន់ដា និយាយថា គួរផ្លាស់ប្តូរភាពដឹកនាំ។ រដ្ឋអាជ្ញាអាមេរិក រំពឹងថានឹងចោទប្រកាន់ក្រុមកុបករនៅវិមានសភារាប់រយនាក់។ កម្មវិធីលើកកម្ពស់ស្រ្តីពិភពលោករបស់អ្នកស្រី Ivanka Trump សម្រេចបានពាក់កណ្តាលគោលដៅ។ លោក Biden តែងតាំងអ្នកស្រី Samantha Power អតីតបេសកជនប្រចាំអង្គការសហប្រជាជាតិ ឲ្យដឹកនាំទីភ្នាក់ងារផ្តល់ជំនួយរបស់អាមេរិក។ ប្រទេសចិនរកឃើញកំណើនអ្នកឆ្លងជំងឺកូវីដ១៩ថ្មី ខ្ពស់បំផុតក្នុងមួយថ្ងៃ ចាប់តាំងពីខែកក្កដាមក។ យន្តហោះចម្បាំងអ៊ីស្រាអែល វាយប្រហារផ្នែកខាងកើតប្រទេសស៊ីរី។ គណបក្សកុម្មុយនីស្តឡាវ បើកមហាសន្និបាតជ្រើសរើសថ្នាក់ដឹកនាំ ស្របពេលខ្លួនកំពុងមានបញ្ហាសេដ្ឋកិច្ច៕
30 min
January 12, 2021 ព័ត៌មានពេលព្រឹក៖ ១៣ មករា ២០២១ - មករា 13, 2021
ព័ត៌មានអំពីកម្ពុជាមានដូចជា តុលាការភ្នំពេញថាសវនាការលោក កឹម សុខា មិនមែនជាអាទិភាព ដោយសារលោកនៅក្រៅឃុំ។ ចំណែកឯព័ត៌មានអន្តរជាតិវិញមានដូចជា រដ្ឋមន្ត្រីការបរទេសអាមេរិកលោក Pompeo បំពេញទស្សនកិច្ចនៅការិយាល័យ VOA និងបានសរសើរ VOA។ ប្រទេសចិននាំមុខគេក្នុងការគាបសង្កត់ប្រព័ន្ធផ្សព្វផ្សាយនៅឆ្នាំ២០២០។ ប្រទេសចិនថា អ្នកវិទ្យាសាស្រ្តរបស់អង្គការសុខភាពពិភពលោក (WHO) នឹងចាប់ផ្តើមការស៊ើបអង្កេតពីប្រភពដើមនៃជំងឺកូវីដ១៩។ លោក Trump ថាលោក «មិនចង់បានអំពើហិង្សានោះទេ» ពេលដែលការប្តឹងដកលោកពីតំណែងខិតជិតមកដល់។ ប្រទេសថៃទទួលសំណើពីក្រុមហ៊ុនឱសថ AstraZeneca និង Sinovac ឲ្យចុះបញ្ជីប្រើប្រាស់វ៉ាក់សាំងក្នុងប្រទេសខ្លួន។ ទីផ្សារជំនួញភាគហ៊ុនអឺរ៉ុបឈានដល់ចំណុចច្របូកច្របល់នៅថ្ងៃអង្គារ។ និយ័តករក្នុងប្រទេសអ៊ូហ្គាន់ដា បញ្ជាឲ្យបិទប្រព័ន្ធបណ្តាញសង្គម មុនថ្ងៃបោះឆ្នោត។ ឧទ្ធម្ភាគចក្រយោធាប្រទេសស៊ូដង់ខាងត្បូងធ្លាក់បណ្តាលឲ្យអ្នកដំណើរ១១នាក់រងរបួស៕
30 min
January 11, 2021 ព័ត៌មានពេលព្រឹក៖ ១២ មករា ២០២១ - មករា 12, 2021
ព័ត៌មានសំខាន់ៗអំពីកម្ពុជាមានដូចជា បវេសនកាលថ្មីនៅកម្ពុជាចាប់ផ្ដើម ខណៈទិន្នន័យបឋមបង្ហាញថាសិស្សធ្លាក់ចុះជិត២ម៉ឺននាក់។ រីឯព័ត៌មានអន្តរជាតិវិញមានដូចជា ប្រទេសថៃប្រឈមនឹងវិបត្តិទ្វេក្នុងឆ្នាំ២០២០ គឺជំងឺរាតត្បាតនិងបញ្ហានយោបាយ។ កិច្ចសន្ទនា VOA អំពីដំណើរទស្សនកិច្ចរបស់រដ្ឋមន្ត្រីការបរទេសសហរដ្ឋអាមេរិកមកកាន់ទីស្នាក់ការ VOA ក្នុងរដ្ឋធានីវ៉ាស៊ីនតោន។ លោក Biden នឹងតែងតាំងអតីតមន្ត្រីការទូតជើងចាស់លោក William Burns ឲ្យធ្វើជានាយកទីភ្នាក់ងារ CIA។ អ្នកតវ៉ានៅហុងកុងមានប្រតិកម្មតបទៅនឹងការប្រៀបធៀបរបស់ចិនរវាងព្រឹត្តិការណ៍នៅវិមានសភាអាមេរិកជាមួយនឹងព្រឹត្តិការណ៍នៅសភាហុងកុង។ ប្រមុខការទូតចិនធ្វើទស្សនកិច្ចនៅមីយ៉ាន់ម៉ាក្នុងដំណើរទស្សនកិច្ចទៅកាន់តំបន់អាស៊ីអាគ្នេយ៍។ ក្រុមហ៊ុន Pfizer និងក្រុមហ៊ុន BioNTechនឹងបង្កើនការផលិតវ៉ាក់សាំងកូវីដ១៩ ឲ្យបាន ៥០% បន្ថែមទៀត។ សហរដ្ឋអាមេរិកនឹងដាក់ក្រុមឧទ្ទាម Houthis ក្នុងប្រទេសយេម៉ែនក្នុងបញ្ជីអង្គការភេរវកម្ម។ ឥណ្ឌានឹងបើកយុទ្ធនាការចាក់វ៉ាក់សាំងកូវីដ១៩ នៅទូទាំងប្រទេសនៅថ្ងៃសៅរ៍ខាងមុខ។ លោកស្រី Melania Trump ភរិយាលោក Trump សម្តែង «ការខកចិត្តនិងបាក់ទឹកចិត្ត» ចំពោះហេតុការណ៍វាយប្រហារវិមានសភា៕
30 min
January 10, 2021 ព័ត៌មានពេលព្រឹក៖ ១១ មករា ២០២១ - មករា 11, 2021
ព័ត៌មានសំខាន់ៗអំពីកម្ពុជាមានដូចជា សមាគមរោងចក្រកាត់ដេរជំរុញសភាអាមេរិកពន្លឿនការផ្តល់សុពលភាពប្រព័ន្ធអនុគ្រោះពន្ធ GSP។ រីឯព័ត៌មានអន្តរជាតិវិញមានដូចជា ការឲ្យតម្លៃរបស់លោក Biden ចំពោះសមាគមអាស៊ានអាចផ្លាស់ប្តូរគោលនយោបាយរបស់សហរដ្ឋអាមេរិកចំពោះតំបន់អាស៊ី។ វិបត្តិក្នុងកម្មវិធីកីឡាអុកនៅអាហ្វ្រិកខាងត្បូង ឆ្លុះបញ្ចាំងពីបញ្ហាចោទចម្បងនៅក្នុងប្រទេសមួយនេះ។ ប៉ាគីស្ថានសម្រេចចិត្តមិនប្រើប្រាស់ថាមពលចេញពីធ្យូងថ្ម៕
30 min
January 09, 2021 ព័ត៌មានពេលព្រឹក៖ ១០ មករា ២០២១ - មករា 10, 2021
ព័ត៌មានសំខាន់ៗអំពីកម្ពុជាមានដូចជា សកម្មជននិងអ្នករិះគន់ប្រឈមការវាយប្រហាររាងកាយក្នុងការបង្រ្កាបនយោបាយឆ្នាំ២០២០។ រីឯព័ត៌មានអន្តរជាតិវិញមានដូចជា ប្រទេសចិននាំមុខគេក្នុងការគាបសង្កត់ប្រព័ន្ធផ្សព្វផ្សាយនៅឆ្នាំ២០២០។ កិច្ចចរចាសន្តិភាពអាហ្វហ្គានីស្ថានលើកទីពីរនឹងធ្វើនៅរាជធានីដូហា៕
30 min
January 08, 2021 ព័ត៌មានពេលព្រឹក៖ ៩ មករា ២០២១ - មករា 09, 2021
ព័ត៌មានសំខាន់ៗអំពីកម្ពុជាមានដូចជា លោកស ខេង ឲ្យសមត្ថកិច្ចបន្តបង្ក្រាបគ្រឿងញៀនដែលបន្តកើនឡើងក្នុងឆ្នាំ២០២០។ របាយការណ៍ថៃបង្ហាញថា ពលរដ្ឋខ្មែរឆ្លងជំងឺកូវីដ១៩នៅថៃ កើនដល់ ១៥៣នាក់។ រីឯព័ត៌មានអន្តរជាតិវិញមានដូចជា ពលរដ្ឋអាមេរិកាំងឃើញទិដ្ឋភាពដែលពួកគេមិនដែលឃើញ ពេលបាតុករសម្រុកចូលវិមានសភា។ គណបក្សប្រជាធិបតេយ្យគ្រប់គ្រងសភាអាមេរិក ដោយសារឈ្នះការបោះឆ្នោតព្រឹទ្ធសភានៅរដ្ឋ Georgia។ ការស្លាប់របស់មន្រ្តីប៉ូលិសធ្វើឲ្យមានការចោទសួរកាន់តែខ្លាំងពីការឡោមព័ទ្ធវិមានសភាសហរដ្ឋអាមេរិក។ ការវាយប្រហារលើវិមានសភាសហរដ្ឋអាមេរិក ត្រូវបានគេមើលឃើញថា អាចនាំឲ្យរាលដាលជំងឺកូវីដ១៩ កាន់តែច្រើន។ សហភាពអឺរ៉ុប បង្កើនទ្វេដងនូវចំនួនដូសនៃវ៉ាក់សាំងកូវីដ១៩ របស់ក្រុមហ៊ុន Pfizer-BioNTech។ សហរដ្ឋអាមេរិក ជំរុញឲ្យវៀតណាមដោះលែងអ្នកកាសែតដែលជាប់ទោស និងព័ត៌មានផ្សេងទៀត៕
30 min
January 07, 2021 ព័ត៌មានពេលព្រឹក៖ ៨ មករា ២០២១ - មករា 08, 2021
ព័ត៌មានសំខាន់ៗអំពីកម្ពុជាមានដូចជា ប្រតិកម្មចម្រុះនៅកម្ពុជាចំពោះការតវ៉ាដោយហិង្សា ក្នុងថ្ងៃសភាប្រកាសជ័យជម្នះរបស់លោក Biden។ ខ្មែរ-អាមេរិកាំងខ្លះថា ទោះមានការជំទាស់ពេលរាប់សន្លឹកឆ្នោត ក៏លោក Trump នឹងមិនអាចបន្តកាន់តំណែងបានដែរ។ រីឯព័ត៌មានអន្តរជាតិវិញមានដូចជា លោក Trump ទទួលស្គាល់ជ័យជម្នះរបស់លោក Biden។ ពិភពលោកបន្ដមានប្រតិកម្មនឹងកុបកម្មគាំទ្រលោក Trump នៅវិមានសភា។ លោក Biden នឹងតែងតាំងលោក Merrick Garland ជារដ្ឋមន្ត្រីក្រសួងយុត្តិធម៌។ សកម្មជននិស្សិតហុងកុងត្រូវបានចោទប្រកាន់ពីបទធ្វើវិទ្ធង្សនា។ សកម្មជនថៃឆ្លើយតបនឹងការកោះហៅនៅពេលមនុស្សរាប់សិបនាក់ប្រឈមការចោទប្រកាន់ប្រមាថព្រះមហាក្សត្រ។ ជប៉ុនប្រកាសអាសន្នសម្រាប់ទីក្រុងតូក្យូ និងតំបន់ជុំវិញ ពេលដែលការឆ្លងកូវីដ១៩កំពុងកើនឡើង។ ជំងឺកូវីដ១៩នៅតែបន្ដឆ្លងរាតត្បាតខ្លាំងនៅក្នុងសហរដ្ឋអាមេរិក៕
30 min
January 06, 2021 ព័ត៌មានពេលព្រឹក៖ ៧ មករា ២០២១ - មករា 07, 2021
ព័ត៌មានសំខាន់ៗអំពីកម្ពុជាមានដូចជា របាយការណ៍ថៃបានឲ្យដឹងថា ពលរដ្ឋខ្មែរ១០៥នាក់នៅថៃ ឆ្លងជំងឺកូវីដ១៩ គិតត្រឹមល្ងាចថ្ងៃពុធនេះ។ របាយការណ៍ថៃបង្ហាញថា ចំនួនពលរដ្ឋខ្មែរឆ្លងកូវីដ១៩នៅថៃ កើនដល់១០៨នាក់ហើយគិតត្រឹមថ្ងៃពុធ។ ខ្មែរ-អាមេរិកាំងខ្លះថា ទោះមានការជំទាស់ពេលរាប់សន្លឹកឆ្នោត ក៏លោក Trump នឹងមិនអាចបន្តកាន់តំណែងបានដែរ។ រីឯព័ត៌មានអន្តរជាតិវិញមានដូចជា អាជ្ញាធរហុងកុងចាប់ខ្លួនសកម្មជន ៥៣ នាក់ ក្រោមបទចោទប្រកាន់ថាបានប៉ុនប៉ង «ផ្តួលរំលំ» រដ្ឋាភិបាល។ ចិនជូនដំណឹងដល់ប្រទេសនៅតាមដងទន្លេមេគង្គក្រោមពីការបង្ខាំងទឹកទុកនៅទំនប់វារីអគ្គិសនីរបស់ខ្លួន។ លោក Trump ចុះហត្ថលេខាលើបទបញ្ជាហាមឃាត់ការធ្វើអាជីវកម្មជាមួយក្រុមហ៊ុន Software ចិនចំនួន ៨។ ថៃកំពុងទប់ទល់នឹងការផ្ទុះឆ្លងរាតត្បាតជំងឺកូវីដ១៩។ ចិនថា ខ្លួនកំពុងចរចាជាមួយអង្គការសុខភាពពិភពលោក ជុំវិញការអនុញ្ញាតឲ្យក្រុមអ្នកជំនាញអន្តរជាតិទៅកាន់ក្រុង Wuhan និងផ្សេងៗទៀត៕
30 min
January 05, 2021 ព័ត៌មានពេលព្រឹក៖ ៦ មករា ២០២១ - មករា 06, 2021
ព័ត៌មានអំពីកម្ពុជាមានដូចជា មួយឆ្នាំក្រោយបាក់អគារនៅខេត្តកែប កម្មកររងគ្រោះមិនទាន់បានសំណងតាមផ្លូវច្បាប់ទេ។ អាជ្ញាធរខេត្តតាមព្រំដែនថាពលករខ្មែរជាង៥ពាន់នាក់ចូលមកកម្ពុជា ខណៈមានការផ្ទុះជំងឺកូវីដនៅថៃ។ ចំណែកឯព័ត៌មានអន្តរជាតិវិញមានដូចជា កូរ៉េខាងត្បូងនឹងចរចាជាមួយអ៊ីរ៉ង់ជុំវិញការចាប់នាវាដឹកប្រេងរបស់ខ្លួន។ ទីផ្សារភាគហ៊ុនទីក្រុងញូវយ៉កប្តូរផែនការដោយមិនដកក្រុមហ៊ុនទូរគមនាគមន៍ចិន៣ចេញពីបញ្ជី។ វៀតណាមដាក់ពន្ធនាគារអ្នករិះគន់៣នាក់ មុនចាប់ផ្តើមមហាសន្និបាតដ៏សំខាន់របស់គណបក្សកម្មុយនីស្ត។ ចៅក្រមអាមេរិកាំងរាំងខ្ទប់ទណ្ឌកម្មរបស់លោកត្រាំលើមេធាវីសិទ្ធិមនុស្សនិងតុលាការព្រហ្មទណ្ឌអន្តរជាតិ។ អារ៉ាប៊ីសាអូឌីតលុបចោលទណ្ឌកម្មប្រឆាំងប្រទេសកាតា។ អតីតប្រធានក្រុមហ៊ុនទ្រព្យសម្បតិ្តរដ្ឋរបស់ចិន ត្រូវបានកាត់ទោសប្រហារជីវិត។ អ្នកតាក់តែងច្បាប់ថ្កោលទោសក្រុមហ៊ុនរុករករ៉ែដ៏ធំមួយចំពោះការបំផ្លិចបំផ្លាញកន្លែងពិសិដ្ឋរបស់ជនជាតិដើមនៅអូស្ត្រាលី៕
30 min
January 04, 2021 ព័ត៌មានពេលព្រឹក៖ ៥ មករា ២០២១ - មករា 05, 2021
ព័ត៌មានអំពីកម្ពុជាមានដូចជា ភរិយាសកម្មជនបក្សប្រឆាំងចាត់ទុកការចាប់ខ្លួនស្វាមីថា«អយុត្តិធម៌» ខណៈថ្នាក់ដឹកនាំប្រកាសវិលចូលស្រុក។ មាតុភូមិនិវត្តន៍របស់លោកស្រី មូរ សុខហួរ ជួបឧបសគ្គដោយពុំទាន់បានទិដ្ឋាការប្រភេទK។ ចំណែកព័ត៌មានអន្តរជាតិវិញមានដូចជា តុល្យភាពអំណាចនៅព្រឹទ្ធសភាអាមេរិកអាស្រ័យលើលទ្ធផលនៃការបោះឆ្នោតផ្តាច់ព្រ័ត្រនៅរដ្ឋ Georgia។ ចៅក្រមអង់គ្លេសបដិសេធសំណើអាមេរិកសុំធ្វើបត្យាប័នស្ថាបនិក WikiLeaks។ ប្រទេសអ៊ីរ៉ង់ថា ខ្លួនជំរុញការចម្រាញ់សារធាតុអ៊ុយរ៉ាញ៉ូមរហូតដល់២០%។ ឥណ្ឌាហាមក្រុមហ៊ុនផលិតវ៉ាក់សាំងជំងឺកូវីដ១៩មិនឲ្យនាំចេញ។ អង់គ្លេសចាប់ផ្តើមចាក់វ៉ាក់សាំងបង្ការជំងឺកូវីដដែលផលិតដោយក្រុមហ៊ុន AstraZeneca។ សហរដ្ឋអាមេរិកចោទប្រកាន់ក្រុមឧទ្ទាមតាលីបង់ពីការវាយប្រហារក្នុងប្រទេសអាហ្វហ្គានីស្ថាន៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។